JOHANISI 19:6 - BIVHILI KHETHWA Mafhungo Madifha

⁶ Vhotshifhe vhahulwane na vhathu vhavho vha tshi mu vhona vha zhamba vha ri, “Kha a vhambiwe kha tshifhambano! Kha a vhambiwe kha tshifhambano!” Pilato a ri, “Mu dzhieni-ha ni mu vhambe kha tshifhambano inwi vhaṋe. A vha nṋe a thi wani mulandu khae.”

JOHANISI 19:6 Iomraidhean Croise

MATIOSI 26:58

Pitrosi a tevhela Yesu nga kule vha vhuya vha swika khoroni ya tshifhe muhulu, a dzhena-vho, a dzula fhasi na vhalindi uri a vhone uri zwi ḓo gumafhi.

MATIOSI 27:22

Pilato a vha vhudzisa a ri, “Uyu Yesu a no pfi Mesia ndi iteni ngae?” Vha amba mazha vha ri, “Nga' vhambiwe kha tshifhambano!”

MATIOSI 27:24

Pilato a tshi vhona uri a zwi tsha farisa tshithu, zwi tou vusa mufhirifhiri, a dzhia maḓi a ṱamba zwanḓa mavhuthu a tshi zwi vhona a ri, “A thi na mulandu kha malofha a uyu munna; ni ḓo ḓifhindulela inwi vhaṋe.”

LUKASI 23:4

Pilato a amba na vhotshifhe vhahulwane na gogo ḽoṱhe a ri, “Nṋe hoyu muthu a thi vhoni mulandu wawe.”

JOHANISI 18:3

Ndi hone Judasi a tshi ya tsimuni yeneyo e na gomane ya maswole na vhalindathembele vho rumiwaho nga vhotshifhe vhahulwane na Vhafarisei, vho fara mbone na maḓenzhe na zwihali.

JOHANISI 18:31

Pilato a ri, “Izwo inwi vhaṋe mu dzhieni ni mu haṱule nga mulayo wa haṋu.” Majuda vha fhindula vha ri, “Hufha riṋe ri songo tendelwa u haṱulela muthu lufu!”

JOHANISI 18:38

Pilato a ri, “Ni tshi ri ‘ngoho’ ni amba mini?” Pilato a ri u ralo a bvela nnḓa hu re na Majuda a vha vhudza a ri, “Nṋe a thi vhuyi nda wana na mulandu khae.

JOHANISI 19:15

Vhone vha zhamba vha ri, “Nga a fe! Nga a fe! Nga a vhambiwe kha tshifhambano!” Pilato a ri, “Nṋa ni ri khosi yaṋu ndi i vhambe?” Vhotshifhe vhahulwane vha fhindula vha ri, “Riṋe khosi yashu ndi Khisara; a ri na iṅwe.”

JOHANISI 19:4

Pilato a dovha a bvela nnḓa a amba na vhathu a ri, “Asuyu-ha; ndi khou mu bvisela ngeno nnḓa kha inwi ni zwi vhone uri nṋe a thi wani mulandu khae.”

MISHUMO 2:23

Mudzimu o dzula o zwi dzudzanya o zwi ḓivha uri u ḓo mu kumedza inwi, na mu vhulahisa nga vhannḓa, vha tou mu vhamba kha tshifhambano.

MISHUMO 7:52

Ndi ufhio muporofita we vhomakhulukuku waṋu vha si mu tovhole? Hufha vho ḓi vhulaha na vhaḓinḓa vha Mudzimu vhe zwiḽa kale-kale vha ḓa u ḓivhadza u ḓa ha Muḓinḓa wawe muvhuya! Zwino inwi no tou fheṱa Ene muṋe vhukuma na mu vhulaha!