JOHANISI 19:5 - BIVHILI KHETHWA Mafhungo Madifha

⁵ Yesu a bvela nnḓa a tshee o ambara iḽa khare ya mipfa na phuraphura tswuku. Pilato a ri, “Vhonani muthu uri o tou ita hani!”

JOHANISI 19:5 Iomraidhean Croise

YESAYA 40:9

Iwe Tsioni u no ḓisa mafhungo a takadzaho, gonya thavha ndapfu! Iwe Jerusalema muḓivhadzi wa mafhungo maḓifha, ṱavha mukosi, u songo ofha; vhudza miḓi ya Juda u ri, “Mudzimu waṋu ngoyu!

YESAYA 43:1

Iwe Jakopo, Muṋe washu we a u sika u khou amba; iwe Israele, Muvhumbi wau u ri, “U songo ofha, ndi ḓo u lamukisa; ndo u vhidza nga dzina, u wanga!

YESAYA 7:14

Zwino Muṋe wa zwoṱhe nga dzawe u ḓo ni sumbedza tshiga: Musidzana ndi muthu wa thovhela; u ḓo beba ṅwana wa mutuka, a mu rina dzina ḽi no pfi Imanuele (Mudzimu u na riṋe).

ZWILILO 1:12

“Inwi noṱhe ni no fhira henefha, a ni zwi londi? Edzonu livha-livha ni vhone. Hu na u tambula hu no nga uhu hanga he nda ṱungufhadzwa ngaho, he a nnḓisela uḽa musi wa mbiti dzawe dzi ofhisaho naa?

MATIOSI 27:29

Vha luka na khare ya mipfa vha mu ambadza kha ṱhoho, vha mu farisa luṱanga nga tshanḓa tshauḽa, vha mu gwadamela vha mu losha muhoyo vha ri, “Khosi ya Majuda nga i lalame!”

JOHANISI 1:29

Nga matshelo Johanisi a vhona Yesu a tshi khou ḓa khae, a ri, “Khoyu-ha Ene Ngwana ya Mudzimu, o hwalaho vhutshinyi ha shango!

JOHANISI 19:2

Maswole vha ita khare ya mipfa vha mu ambadza ṱhohoni; vha mu ambadza na phuraphura tswuku,

VHAHEBERU 12:2

ro tou sedza henengei phanḓa kha Yesu, Ene we a ri zhakela nḓila ya lutendo a dovha a vha Ene ane a ri swikisa he lwa livha hone. Ene nga u sedza dakalo ḽe a vha o vhetshelwa ngei phanḓa, o konḓelela lufu lwa tshifhambano a si londe u nyadzea halwo, zwino khezwo-ha, o no dzula thungo ya tshauḽa ya Mudzimu vha vhusa vhoṱhe.