JOHANISI 18:1 - BIVHILI KHETHWA Mafhungo Madifha

¹ Yesu a ri u fhedza u amba a bva na vhafunziwa vhawe vha wela kudambwana kwa Kidroni. Henefho ho vha hu na tsimu ya mitshelo; vha swika vha dzhena ngomu.

JOHANISI 18:1 Iomraidhean Croise

GENESI 2:15

Muṋe washu Mudzimu a dzhia muthu a mu vhea tsimuni ya Edeni uri a shume khayo, a i linde.

GENESI 3:23

Muṋe washu Mudzimu a mu thatha tsimuni ya Edeni uri a lime mavu e a bviswa khao.

2 SAMUELE 15:23

Vhathu vhoṱhe na vhoṱhe vha dzulaho muḓini vha lila musi vhathu vha Dafita vha tshi fhira. Khosi ya wela mulambwana wa Kidroni, na vhathu vhoṱhe vha tevhela vha livha phangani.

1 MAHOSI 15:13

Asa a bvisa makhulu wawe Maakha vhudzuloni hawe a si tsha vha vhakoma, nge a ita tshitungulo tsha mulagalu u nengisaho wa Ashera mudzimu wa musadzi wa zwa mbebo. Asa a rema iyo thanda a i fhisa Govhani ḽa Kidroni.

1 MAHOSI 2:37

Musi une na ṱuwa na wela Govha ḽa Kidroni, vhukumakuma ni ḓo fa; na fa mulandu u ḓo vha u waṋu.”

2 MAHOSI 23:12

A thutha aḽiṱari dze dza vha dzo fhaṱwa nga mahosi a Juda nṱha ha ṱhanga tsini ha kamara ya Ahasi ya nṱha, a thutha na aḽiṱari dze dza vha dzo fhaṱwa nga Manase miṱani mivhili ya thembele ya Muṋe washu. A dzi thutha henefho, a dzi pwashekanya dza thuthekana a dzhia mathukhwi adzo a hasha Govhani ḽa Kidroni.

2 MAHOSI 23:4

Khosi ya laya tshifhe muhulu Hilikia na vhotshifhe vha mu tevhelaho nga vhuimo, na vhalindamuṋango, uri hafho thembeleni ya Muṋe washu vha bvise zwithu zwoṱhe zwa Baali na Ashera mudzimu wa musadzi, na zwa masambi oṱhe a ṋaledzi. Khosi ya dzhia zwithu izwo ya zwi fhisa nnḓa ha muḓi wa Jerusalema mudavhini tsini ha govha ḽa Kidroni, ya hwala milora yazwo ya isa Bethele.

2 MAHOSI 23:6

Khosi ya bvisa thanda ya Ashera thembeleni ya Muṋe washu a i isa Govhani ḽa Kidroni nnḓa ha muḓi wa Jerusalema, a i fhisela henefho. A i kuya ya vha luvhanda, a hasha buse ḽayo nṱha ha zwalo zwa vhathu zwavho.

2 KORONIKA 15:16

Khosi Asa a ita na u sudzulusa makhulu wawe Maakha, vha si tsha vha mufumakadzi makhulu wa khosi, nge vha vha vho ita tshitungulo tsha thanda tsha Ashera mudzimu wa tshisadzi wa mbebo. Asa a rema itsho tshitungulo tsha thanda tsha wela fhasi, a tshi fhanzekanya, a ya a tshi fhisa Govhani ḽa Kidroni.

2 KORONIKA 29:16

Vhotshifhe vha dzhena hukhethwa ha Muṋe washu vha hu kumulula. Vha bvisa tshika dzoṱhe thembeleni ya Muṋe washu vha dzi vhea muṱani wa thembele ya Muṋe washu. Vhalivi vha dzi dzhia vha dzi bvisela nnḓa vha yo dzi kudza Govhani ḽa Kidroni.

2 KORONIKA 30:14

Vhathu vha dzhia aḽiṱari dze dza vha dzi Jerusalema, vha hwala na aḽiṱari dza u dubisela zwioro, vha dzi kudza Govhani ḽa Kidroni.

NEHEMIA 2:15

Ndi hone ndi tshi tsela Govhani ḽa Kidroni vhusiku, ndi tshi khou tandula mutsheṱo. Nda konou huma nga nḓila ye nda ḓa ngayo, nda vhuelela muḓini nda dzhena nga Khoro ya Govha.

JEREMIA 31:40

Govha ḽoṱhe hune ha laṱwa vhafu na milora, na zwalo zwoṱhe u swika Govha ḽa Kidroni nga vhubvaḓuvha u swika nga khuḓa ya Khoro ya Bere, hu ḓo vha hukhethwa ha Yahavee. Muḓi a u tsha ḓo phusulwa, a u tsha ḓo lozwiwa.”

LIVITIKO 2:6

Vhu ṅwatekanye vhu ite zwigaku, u vhu shele mapfura musi u tshi vhu ṋekedza uri vhu vhe nduvho.

MATIOSI 26:30

Ndi hone vha tshi imba luimbo vha konou ya Thavhani ya Miolivi.

MATIOSI 26:36

Ndi hone Yesu a tshi ṱuwa na vhafunziwa vha ya fhethu hu no pfi Getsemani. Vha tshi swika a vha vhudza a ri, “Salani henefha, Nṋe ndi kha ḓi ya fhaḽa u rabela.”

MARKOSI 14:26

Ndi hone vha tshi imba luimbo, vha konou ya Thavhani ya Miolivi.

MARKOSI 14:32

Musi vha tshi swika fhethu hu no pfi Getsemani, Yesu a vhudza vhafunziwa vhawe a ri, “Salani henefha, ndi kha ḓi ya u rabela.”

MARKOSI 14:42

Takuwani ri ṱuwe, uḽa muthu we a mpheṱa o swika.”

JOHANISI 14:31

Hone shango ḽi fanela u ḓivha uri Nṋe ndi funa Khotsi, ndi ita zwenezwo zwe a nndaya. “Takuwani ri ṱuwe.

JOHANISI 18:26

Muṅwe mushumi wa tshifhe muhulu we a vha e shaka ḽa uḽa munna we Pitrosi a mu tumula nḓevhe a amba a ri, “Nṋa a si inwi we nda ni vhona ni nae ngei tsimuni?”

MISHUMO 21:11

A ḓa kha riṋe a dzhia bannda ya Paulo a ḓivhofha milenzhe na zwanḓa ngayo, a ri, “Muya Mukhethwa u ri, ‘Muṋe wa bannda hei u ḓo vhoxwa sa zwenezwi nga Majuda Jerusalema, vha mu kumedza vhannḓa.’ ”