JOHANISI 17:6 - BIVHILI KHETHWA Mafhungo Madifha

⁶ “Ndo u ḓivhadza kha vhathu vhe wa nkumedza fhano shangoni. Vho vha vhe vhau, hone Iwe wa vha kumedza Nṋe. Zwe wa amba vho zwi ṱanganedza,

JOHANISI 17:6 Iomraidhean Croise

DZIPHISALEMA 119:11

Ipfi ḽau ndi ḓo ḽi vhulunga mbiluni yanga, uri ndi si vhuye nda u khakhela na kathihi.

DZIPHISALEMA 22:22

Vha hashu ndi ḓo vha anetshela zwe wa nnyitela; ndi ḓo u renda tshivhidzo tsho kuvhangana.

EKISODA 9:16

Hone ndo ni litsha na tshila ndi tshi itela uri ni vhone maanḓa anga na uri bvumo ḽanga ḽi pfale ḽifhasi ḽoṱhe.

MIRERO 2:10

Ndi hone vhuṱali vhu tshi ḓo dzhena mbiluni yau, wa pfa nḓivho i tshi u ḓifhela.

MIRERO 23:23

Renga ngoho, u songo tsha i rengisa; renga vhuṱali, na ndayo, na ṱhalukanyo.

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 12:28

Khotsi anga, ndi ri dzina ḽau nga ḽi huliswe!” Zwenezwo ha pfala ipfi ḽi bvaho ṱaḓulu ḽi tshi ri, “Ndo no ḓi sumbedza vhugala hanga nahone ndi kha ḓi ḓo dovha nda vhu sumbedza.”

JOHANISI 15:19

Arali no vha ni vha shango ndi musi shango ḽi tshi ḓo ni funa, ngauri no vha ni tshi ḓo vha ni vhaḽo. Zwino a ni tshee vha shango ngauri Nṋe ndo ni nanga khaḽo; ndi zwine shango ḽa ni vhenga.

JOHANISI 15:3

Inwi no no ḓi khwathelwa nga maipfi e nda ni vhudza.

JOHANISI 15:7

Arali ni tshi dzula kha Nṋe, na dzula ni tshi elekanya maipfi anga, ni ḓo humbela tshine na funa na tshi ṋewa.

JOHANISI 17:12

Musi ndi tshee navho ndo vha ndi tshi vha tsireledza vha dzula vho nambatela dzina ḽau, ḽeneḽi ḽe na Nṋe wa mpha ḽone. Ndo vha tsireledza hu si vhe na muthihi wavho we a xela, arali e si uḽa we a vha o dzula o pfi u ḓo lovha uri Maṅwalo a khunyelele.

JOHANISI 17:14

Ndo vha vhudza maipfi au, shango ḽa vha vhenga, ngauri a si vha ḽino shango, vhunga na Nṋe ndi si wa ḽino shango.

JOHANISI 17:16

Vhunga Nṋe ndi si wa ḽino shango, na vhone a si vha ḽino shango.

JOHANISI 17:2

ngauri wo mu kumedza maanḓa a u vhusa vhathu vhoṱhe uri vhoṱhe vhe wa mu kumedza a vha ṋee vhutshilo vhu sa fheli.

JOHANISI 17:24

“Khotsi anga, havha vhathu vhe wa vha kumedza Nṋe ndi funa vha tshi vha na Nṋe hune nda vha hone uri vha vhone vhugala hanga he nda ṋewa nga Iwe vhunga iṱali wo ḓi mpfuna shango ḽi sa athu sikwa.

JOHANISI 17:26

Ndo u ḓivhadza khavho nahone ndi kha ḓi ḓo u ḓivhadza khavho uri lufuno lune Nṋe wa mpfuna ngalwo na vhone vha vhe nalwo, na Nṋe ndi vhe khavho.”

JOHANISI 17:7

nahone zwino vha vho vhona uri zwoṱhe zwe wa nṋea zwi bva kha Iwe.

JOHANISI 18:9

(A tshi ralo ho vha hu uri hu khunyelele zwiḽa zwe a amba a tshi ri, “Khotsi, a tho ngo lozwa na muthihi wa vhe wa nkumedza.”)

JOHANISI 6:37

Muṅwe na muṅwe we Khotsi a nkumedza u ḓo ḓa kha Nṋe; ane a ḓa kha Nṋe a thi nga mu pandeli,

JOHANISI 6:39

Zwine we a nthuma a funa ndi tshi ita ngezwi: Ha funi ndi tshi xedza na muthihi kha vhe a mpha, u funa ndi tshi vha vusa vhafuni nga ḓuvha ḽa vhufhelo.

JOHANISI 8:51

Zwino thetshelesani ndi ni vhudze: Ane a ita zwine nda amba, ha nga thetsheli lufu na kathihi.”

JOHANISI 8:52

Majuda vha mu vhudza vha ri, “Zwino ndi hone ro zwi vhona uri vhukuma ni na thuṅwa! Hufha Abrahamu o ḓi fa, na vhaporofita vho ḓi fa; zwino ni nga amba hani na ri, ‘Ane a ita zwine nda amba ha nga thetsheli lufu na kathihi’?

MISHUMO 13:48

Vhannḓa vha tshi pfa a tshi ralo, vha takala vha renda ipfi ḽa Muṋe washu; vhe vha vha vho dzula vho nangelwa vhutshilo vhu sa fheli vha vha vhatendi.

VHAROMA 11:2

Mudzimu ho ngo laṱa vhathu vhawe vhe a dzula o vha ta. Kani zwine Maṅwalo a amba a ni zwi ḓivhi, fhaḽa he Elia a hwelela Vhaisraele ha Mudzimu a tshi ri,

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

VHAKOLOSA 3:16

Ipfi ḽa Khristo na lupfumo lwaḽo lwoṱhe kha ḽi fhaṱele kha inwi, ni vhe na vhuṱali ha u kona u funzana na u layana. Ni imbele Mudzimu dziphisalema na nyimbo dza u mu renda na dzine na funzwa nga Muya, ni tshi imba nga mbilu dzi livhuhaho.

2 TIMOTI 1:13

Maipfi e na pfa nṋe ndi tshi amba ni ite one tsumbo ya pfunzo kwayo, ni tevhedze one nga lutendo na lufuno lwo fanelaho vha re vha Khristo Yesu.

VHAHEBERU 2:12

Ndi amba fhaḽa hune a amba na Mudzimu a ri, “Ndi ḓo u ḓivhadza kha vharathu vhanga, nda u renda tshivhidzoni.”

VHAHEBERU 3:6

hone Khristo u a fulufhedzea unga Murwa a langaho muṱa wa Khotsi awe. Zwino muṱa wonoyo ndi riṋe, tenda ra nambatela zwe ra fulufhela, ra zwi zuwa ri sa ofhi.

1 PITROSI 1:1

Ndi nṋe Pitrosi, muapostola wa Yesu Khristo. Ndi ṅwalela inwi vhanangiwa vha Mudzimu ni re vhadali fhano shangoni vho balanganaho na Pontosi na Galata na Kapadokia na Asia na Bithinia.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.

NZUMBULULO 2:13

Hune na dzula hone ndi a hu ḓivha: ndi hune ha vhusa Saṱhane. Naho zwo ralo ni ḓi dzula no mpfulufhedza. Na musi Antipasi ṱhanzi yanga i fulufhedzeaho yo vhulawa henefho hayani ha Saṱhane, a no ngo nndandula.

NZUMBULULO 3:10

Vhunga no vhulunga ipfi ḽanga ḽa uri ni konḓelele, na Nṋe ndi ḓo ni vhulunga nga tshifhinga tsha milingo ine ya ḓo wela shango ḽoṱhe na vhathu vhaḽo.

NZUMBULULO 3:8

Zwoṱhe zwine na ita ndi a zwi ḓivha. Vhonani, ndo ni vulela muṋango une na muthu na muthihi a si kone u vala. Ndi a ḓivha uri a ni na nungo; naho zwo ralo no ḓi vhulunga ipfi ḽanga na si nndandule.