Ndi hone Khosi i tshi ḓo amba na vhaḽa vha re thungo ya tshanḓa tshauḽa ya ri, ‘Iḓani inwi no shudufhadzwaho nga Khotsi anga, ni dzhene muvhusoni we na lugiselwa wone u bva tshee shango ḽa tewa.
Yesu a fhindula a ri, “Filipi, nṋa tshee nda dzula na inwi, a ni athu nnḓivha na zwino? O vhonaho Nṋe o vhona na Ene Khotsi. Zwino ndi mini ni tshi ri, ‘Ri sumbedze Khotsi’?
Yesu o no amba zwenezwo, a lilala a ri, “Khotsi anga, tshiḽa tshifhinga tsho swika. Vhonadza-ha vhugala ha Murwa wau uri na Murwa a vhonadze vhugala hau,
“Khotsi anga, havha vhathu vhe wa vha kumedza Nṋe ndi funa vha tshi vha na Nṋe hune nda vha hone uri vha vhone vhugala hanga he nda ṋewa nga Iwe vhunga iṱali wo ḓi mpfuna shango ḽi sa athu sikwa.
Hu vhonala lupenyo lwa Mudzimu khae; zwoṱhe zwine Mudzimu a vha zwone o tou zwi kokotolo. O tika tsiko yoṱhe nga ipfi ḽawe ḽa maanḓa. O ri u ṱanzwa vhathu vhutshinyi havho a yo dzula ngei ṱaḓulu thungo ya tshauḽa tsha Ramaanḓaoṱhe vha vhusa vhoṱhe,
Vhutshilo honoho ro vhu dzumbululelwa ra vhu vhona; ri ṱhanzi dzazwo. Zwino riṋe fhano ri ni ḓivhadza zwa vhutshilo vhu sa gumi he ha vha vhu na Khotsi, ha vhuya ha dzumbululelwa riṋe.
Vhoṱhe vha dzulaho fhano shangoni vha ḓo ḽi luvha; vhane vha sa ḓo ḽi luvha ndi vhenevho fhedzi vhe madzina avho a dzula o ṅwalwa buguni ya vhutshilo shango ḽi sa athu sikwa, buguni ya Ngwana yo ṱhavhiwaho.
“ ‘Ane a kunda u ḓo dzula na Nṋe kha khuluṋoni yanga ra vhusa roṱhe, unga na Nṋe ndo ri u kunda nda yo dzula na Khotsi anga kha khuluṋoni yawe ra vhusa roṱhe.