JOHANISI 17:3 - BIVHILI KHETHWA Mafhungo Madifha

³ Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

JOHANISI 17:3 Iomraidhean Croise

1 KORONIKA 28:9

“Inwi Solomoni ṅwananga, ḓivhani Mudzimu wa khotsi aṋu, ni mu shumele nga mbilu yoṱhe, ni tshi tou zwi funa, ngauri Muṋe washu u ṱola mbilu dza vhathu vhoṱhe, u ḓivha mihumbulo yashu na zwine ra zwi tama. Arali na mu ṱoḓa, ni ḓo mu wana, hone arali na mu ṱamba, u ḓo ni landula lini na lini.

2 KORONIKA 15:3

Vhaisraele vho fhedza tshifhinga tshilapfu vha si na Mudzimu wa ngoho, vha si na vhotshifhe vhane vha vha funza, vha si na mulayo.

DZIPHISALEMA 9:10

Vhane vha u ḓivha nga vha fulufhele Iwe, Iwe Muṋe washu a u laṱedzi vhane vha shavhela kha iwe.

MIRERO 8:35

Ane a nngwana o wana vhutshilo, u ḓo takalelwa nga Muṋe washu;

YESAYA 48:16

Zwino sendelani tsini ni pfe zwine nda amba: u bva mathomoni ndo ḓi amba ndi si na tshidzumbe, zwi tshi itea ndi Nṋe ane nda ḓo ḓi vha ndi hone.” Zwino Muṋe wa zwoṱhe Muṋe washu o mpha Muya wawe a nthuma.

YESAYA 53:11

U ḓo ri o tambudzwa zwingafhongafho a dovha a vhona tshedza, a pfufhelwa u tambula hawe. Muṋe washu a tshi mu amba u ri, “Muḓinḓa wanga u ḓivha zwine nda funa; vhunga Ene a si na tshe a tshinya u ḓo vha tshipfumelo tsha vhutshinyi ha vhanzhi, a ḓihwesa milandu yavho.

YESAYA 61:1

Muṋe wa zwoṱhe Muṋe washu o vhea Muya wawe kha nṋe; Muṋe washu o nnḓodza mapfura uri ndi vhe muporofita, a nthuma uri ndi isele vhaheḓana mafhungo maḓifha, ndi fhodze vha mbilu dzo pwashekanaho, ndi ḓivhadze mathubwa uri a ḓo vhofhololwa, vha re dzhele vha ḓo bvisiwa,

JEREMIA 10:10

Huno Muṋe washu ndi Mudzimu wa ngoho; ndi Mudzimu a tshilaho, ndi Khosi ya lini na lini. A sinyuwa, ḽifhasi ḽi a dzinginyea; dzitshakha dzi nga si kone u konḓelela mbiti dzawe.

HOSIA 6:3

Nga ri ḓivhe Muṋe washu, nga ri futelele u mu ḓivha. Vhukuma u ḓo bvelela unga ḓuvha ḽi tshi tsha, u ḓo ḓa ha riṋe unga mvula ya mibvumbi, u ḓo ḓa unga mvula dza tseula dzine dza ṋukadza ḽifhasi.”

MARKOSI 9:37

“Ane a ṱanganedza muṅwe wa vhana havha a tshi itela Nṋe, u ṱanganedza Nṋe; ane a nṱanganedza ha ṱanganedzi Nṋe fhedzi, u ṱanganedza na o nthumaho.”

LUKASI 9:48

a ri, “Ane a ṱanganedza uyu ṅwana a tshi itela Nṋe, u ṱanganedza Nṋe, huno ane a ṱanganedza Nṋe, u ṱanganedza na o nthumaho. Ane a ḓiita muṱukuṱuku kha noṱhe, onoyo u ḓo vha ene muhulwane.”

JOHANISI 10:36

Arali e Nṋe Khotsi o tou nta a nthuma shangoni. Zwino inwi ni nga amba hani na ri ndi tshi ri ndi Murwa wa Mudzimu ndi khou tamba nga Mudzimu?

JOHANISI 11:42

Ndi a zwi ḓivha uri u ḓi dzula u tshi mpfa, hone ndi tshi rali ndi itela havha vhathu uri vha tende uri ndi Iwe wo nthumaho.”

JOHANISI 14:26

Huno uyo Mutiki, Ene Muya Mukhethwa ane Khotsi anga a ḓo mu ruma dzinani ḽanga u ḓo ni funza zwoṱhe, a ni humbudza zwoṱhe zwe Nṋe nda ni vhudza.

JOHANISI 17:18

Ndo vha ruma shangoni sa zwiḽa Iwe u tshi nthuma shangoni.

JOHANISI 17:21

Ndi humbela uri vhoṱhe vha vhe tshithu tshithihi. Khotsi anga, kha vha vhe vhathihi na riṋe u ḓi nga Iwe u kha Nṋe, Nṋe ndi kha Iwe. Kha vha vhe tshithu tshithihi uri shango ḽi kone u tenda uri ndo rumiwa nga Iwe.

JOHANISI 17:23

Nṋe ndi khavho, Iwe ú kha Nṋe, uri vha tou vha tshithu tshithihi tshoṱhe; ndi hone shango ḽi tshi ḓo zwi vhona uri ndo rumiwa nga Iwe, na uri u a vha funa unga u tshi mpfuna.

JOHANISI 17:25

Khotsi muvhuya, shango a ḽi u ḓivhi, hone Nṋe ndi a u ḓivha, na avha vha a zwi ḓivha uri ndi Iwe wo nthumaho.

JOHANISI 17:8

Ndo vha vhudza mafhungo e Iwe wa mmbudza, vha a ṱanganedza; vha a zwi ḓivha uri ndi ngoho uri ndi bva ha Iwe nahone vha a tenda uri ndi Iwe wo nthumaho.

JOHANISI 3:17

Mudzimu a tshi ruma Murwa shangoni o vha a sa khou itela u haṱula shango, ho vha hu uri a tshidze shango ngae.

JOHANISI 3:34

O ruṅwaho nga Mudzimu ndi Ene a ambaho maipfi a Mudzimu, ngauri Mudzimu u mu ṋea Muya wawe nga vhuḓalo.

JOHANISI 5:44

Vha no nga inwi ni nga tenda hani mafhungo a Mudzimu? Hufha ni tshi funa u khoḓana nga tshaṋu ni sa funi u khoḓwa nga Ene a re Mudzimu e eṱhe!

JOHANISI 6:57

Nṋe ndi tshila nga Khotsi a tshilaho we a nthuma; sa zwenezwo ane a nndya u ḓo tshila-vho nga Nṋe.

JOHANISI 7:29

a no mu ḓivha ndi Nṋe, ngauri ndi bva khae nahone ndi Ene o nthumaho.”

JOHANISI 8:19

Vhone vha mu vhudzisa vha ri, “Nṋa khotsi aṋu vha ngafhi?” Yesu a fhindula a ri, “Inwi hu Nṋe a ni nnḓivhi, hu Khotsi anga a ni mu ḓivhi. Arali Nṋe no vha ni tshi nnḓivha ndi musi na Khotsi anga ni tshi ḓo vha ni tshi mu ḓivha.”

1 VHAKORINTA 15:34

Dzivhuluwani ni laṱe vhutshinyi haṋu. A si u shonisa hazwo vhaṅwe vhaṋu vha sa ḓivhi Mudzimu!

1 VHAKORINTA 8:4

Zwenezwo-ha nga u ḽa zwiḽiwa zwo sumelwaho midzimu: ri a zwi ḓivha uri midzimu na u vha hone a iho, nahone a hu na muṅwe mudzimu, Mudzimu ndi muthihi fhedzi –

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

VHAFILIPI 3:10

Tshililelwa tshanga ndi tshithihi fhedzi: ndi u ḓivha Khristo na maanḓa a u vuwa hawe vhafuni, na u kovhekana nae maṱhupho awe nda fana nae a tshi fa,

VHAFILIPI 3:8

Nahone zwi si izwo fhedzi, ndi vho vhona zwoṱhe-zwoṱhe zwi sa vhuisi tshithu arali ndi tshi zwi vhambedza na mashudu aya a fhiraho zwoṱhe a u ḓivha Khristo Yesu Muṋe wanga. Tshee nda mu ḓivha ndi vho vhona zwoṱhe zwi sa vhuisi tshithu, e mathukhwi fhedzi, tenda ndo vhuelwa nga Khristo,

1 VHATHESALONIKA 1:9

vhenevho ndi vhone vhane vha vho ṱanziela uri no ri ṱanganedza hani, na uri no ṱutshela hani midzimu ya zwifanyiso ni tshi rembulutshela ha Mudzimu wa ngoho a tshilaho,

2 VHATHESALONIKA 1:8

e kha khavhu ya mulilo. U ḓo lifhedza vha landulaho Mudzimu vha sa funi u pfa mafhungo maḓifha a Muṋe washu Yesu.

VHAHEBERU 3:1

Vharathu vhanga, ni vhakhethwa vha Mudzimu, no vhidzelwa zwa ngei ṱaḓulu, ndi zwone, mihumbulo yaṋu kha i dzule yo livha Yesu, Ene Muḓinḓa wa Mudzimu, Tshifhe Muhulu ane ra mu ṱanzilela.

2 PITROSI 1:2

Ndi a ni resha ndi ri: Ngavhe vhuthu ha Mudzimu na mulalo zwi tshi ḓala henengeo nge na ḓivha Mudzimu na Muṋe washu Yesu.

2 PITROSI 1:3

Ene Yesu Khristo vhunga e Mudzimu Ramaanḓa o ri ṋea zwoṱhe zwine ra lila uri ri kone u tshila tshoṱhe na u mu luvha nga pfanelo. Ro zwi wana nga u ḓivha Ene we a ri vhidza nga u sumbedza vhugala hawe na maanḓa awe a u ri tshidza.

2 PITROSI 1:8

Arali ni na zwenezwo, zwa ḓi dzula zwi tshi engedzea, a ni nga sokou dzula nazwo, a ni nga shayi mitshelo; ni ḓo ḓi fungelela u ḓivha Muṋe washu Yesu Khristo.

1 JOHANISI 1:2

Vhutshilo honoho ro vhu dzumbululelwa ra vhu vhona; ri ṱhanzi dzazwo. Zwino riṋe fhano ri ni ḓivhadza zwa vhutshilo vhu sa gumi he ha vha vhu na Khotsi, ha vhuya ha dzumbululelwa riṋe.

1 JOHANISI 1:3

Ndi zwone, zwe ra zwi vhona ra zwi pfa ri zwi ḓivhadza-vho na inwi, uri na inwi ni vhe vhathihi na riṋe; iṱali roṱhe ro no vha vhathihi na Khotsi na Murwa wawe Yesu Khristo.

1 JOHANISI 2:23

Ane a vhuya a landula Murwa, na u vha wa Khotsi a si wa Khotsi; ane a ṱanganedza Murwa, na Khotsi ndi khotsi awe.

1 JOHANISI 4:6

Riṋe ri vha Mudzimu; ane a ḓivha Mudzimu u a ri thetshelesa. A si wa Mudzimu ha ri thetshelesi. Ndi zwone zwine ra kona u ṱalukanya ngazwo Muya wa ngoho na wa vhufhura.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.