JOHANISI 17:12 - BIVHILI KHETHWA Mafhungo Madifha

¹² Musi ndi tshee navho ndo vha ndi tshi vha tsireledza vha dzula vho nambatela dzina ḽau, ḽeneḽi ḽe na Nṋe wa mpha ḽone. Ndo vha tsireledza hu si vhe na muthihi wavho we a xela, arali e si uḽa we a vha o dzula o pfi u ḓo lovha uri Maṅwalo a khunyelele.

JOHANISI 17:12 Iomraidhean Croise

DZIPHISALEMA 41:9

Na yone khonani yanga ya mbiluni ane nda mu fulufhela, ane ra ḽa muthathendilo, na ene o mmvutshela.

JOHANISI 13:18

“Ndi tshi ralo a thi ambi noṱhe, vhe nda nanga ndi a vha ḓivha. Hone hu fanela u khunyelela zwe Maṅwalo a amba a tshi ri, ‘Ane ra ḽa muthathendilo o mmvutshela-vho!’

JOHANISI 17:6

“Ndo u ḓivhadza kha vhathu vhe wa nkumedza fhano shangoni. Vho vha vhe vhau, hone Iwe wa vha kumedza Nṋe. Zwe wa amba vho zwi ṱanganedza,

JOHANISI 18:9

(A tshi ralo ho vha hu uri hu khunyelele zwiḽa zwe a amba a tshi ri, “Khotsi, a tho ngo lozwa na muthihi wa vhe wa nkumedza.”)

JOHANISI 6:37

Muṅwe na muṅwe we Khotsi a nkumedza u ḓo ḓa kha Nṋe; ane a ḓa kha Nṋe a thi nga mu pandeli,

MISHUMO 1:25

uri a dzhie mushumo uyu a vhe muapostola vhuimoni ha Judasi, we a u ṱutshela a ya ho mu fanelaho.”

VHAFILIPI 2:9

Ndi zwe Mudzimu a mu vhea kha tshiimo tsha nṱha-nṱha, a mu ṋea dzina ḽi fhiraho madzina oṱhe,

2 VHATHESALONIKA 2:3

Ni songo vhuya na tenda u fhurwa nga muthu na nga tshini. Hu fanela u thoma u ḓa tshifhinga tshine vhathu vha ḓo shandukela Mudzimu ha dzumbuluwa uḽa muvhi a sa ofhi Mudzimu ane tshawe ya ḓo vha hele.

VHAHEBERU 2:13

A dovha a ri, “Ndi ḓo dzula ndi tshi fulufhela Mudzimu.” A ḓi dovha a ri, “Ndi fhano, ndi na vhana vhe Mudzimu a nṋea.”

1 JOHANISI 2:19

Vho bva kha riṋe, hu uri a vho ngo vhuya vha vha vhathihi na riṋe. Ngavhe nangoho vho vha vhe vhathihi na riṋe ndi musi vho ḓi dzula na riṋe. Vho ṱuwa uri zwi vhonale uri hu na vhaṅwe vhane ra vha navho vhane vha si vhe vhathihi na riṋe.

NZUMBULULO 19:12

Maṱo awe o vha a tshi duga sa mulilo, ṱhohoni yawe ó ambara khare dzi si na mbalo. O vha o ṅwalwa dzina khae ḽi sa ḓihwi nga muthu, ḽi tshi ḓihwa nga Ene e eṱhe.