JOHANISI 17:1 - BIVHILI KHETHWA Mafhungo Madifha

¹ Yesu o no amba zwenezwo, a lilala a ri, “Khotsi anga, tshiḽa tshifhinga tsho swika. Vhonadza-ha vhugala ha Murwa wau uri na Murwa a vhonadze vhugala hau,

JOHANISI 17:1 Iomraidhean Croise

DZIPHISALEMA 123:1

Ndi sedza Iwe, ndi sedza ṱaḓulu hune wa vhusa hone.

YESAYA 38:14

Vhutshilo hanga ho vha ho tumulwa ha fhela unga dennde ya mulisa yo rathululwaho ya ladzwa, unga sila ḽine ḽa tumulwa nga muluki ḽa petwa, vhusiku na masiari nda pfa Mudzimu o nṱamba tshoṱhe,

MARKOSI 14:41

A tshi vhuya khavho lwa vhuraru a ri, “Nṋa ni tshee no eḓela zwaṋu no ḓiawetshela? Zwo itea. Tshikhathi tshazwo tsho swika. Zwino Mubebwa-nga-muthu ndi hone o kumedzwa zwanḓani zwa vhatshinyi.

LUKASI 18:13

Muthelisi ene a ima nga kulenyana a tshi tou tata na u lilala, a sokou ḓirwa khana nga u ḓisola a tshi ri, ‘Yawee Mudzimu, a thi hangwelwi-vho na, nṋe mutshinyi!’ ”

LUKASI 22:53

Hufha ndo vha ndi tshi ṱwa na inwi thembeleni ḓuvha ḽiṅwe na ḽiṅwe; no kundwa ngani u mpfara? Tshino-ha ndi tshifhinga tshaṋu tsha musi hu tshi vhusa swiswi.”

JOHANISI 11:4

Yesu a tshi zwi pfa a ri, “Vhulwadze hovhu a si ha u isa lufuni; ndi ha u sumbedza vhugala ha Mudzimu, hu vhonale na ha Murwa wawe.”

JOHANISI 11:41

Vha mbo kungulusa ḽiḽa tombo. Yesu a lilala a ri, “Khotsi, ndi a u livhuha ngauri u khou mpfa.

JOHANISI 12:23

Ene a tshi vha fhindula a ri, “Zwino ndi hone tshifhinga tsho swika tsha uri hu vhonale vhugala ha Mubebwa-nga-muthu.

JOHANISI 13:1

Vhuṱambo ha Paseka vhu tshi sendela Yesu o vha a tshi zwi ḓivha uri tshifhinga tshawe tsho swika tsha uri a ṱuwe fhano shangoni a ye ha Khotsi. O vha a tshi ḓi funa vha re vhawe fhano shangoni, huno ho vha hu hone a tshi vho ḓo sumbedza u vha funa tshoṱhe.

JOHANISI 16:32

Hu khou ḓa tshifhinga – na zwino tsho no ḓi swika – tshine noṱhe na ḓo balanganywa muṅwe na muṅwe a ya hawe, Nṋe na ntsia ndi ndoṱhe. Hone Nṋe a thi ndoṱhe, Khotsi anga u na Nṋe.

JOHANISI 7:30

Zwenezwo vha vho ṱoḓa u mu fara, hone hu si vhe na we a vhuya a mu kwama, ngauri tshifhinga tshawe tsho vha tshi sa athu swika.

JOHANISI 7:39

A tshi ralo ho vha hu u amba Muya we vha mu fulufhelaho vha vha vha tshi ḓo mu ṱanganedza hu si kale. Misi iyo Muya o vha a sa athu ḓa, ngauri Yesu o vha a sa athu ya vhugalani hawe.

JOHANISI 8:20

Mafhungo ayo oṱhe Yesu o a amba musi a tshi khou funza thembeleni, fhethu he ha vha hu tshi dzula zwibogisi zwa zwifhiwa. Hone hu si vhe na we a mu fara, ngauri tshifhinga tshawe tsho vha tshi sa athu swika.

MISHUMO 3:13

Mudzimu wa Abrahamu na Isaka na Jakopo, Ene Mudzimu wa vhomakhulukuku washu, o hulisa Yesu muḓinḓa wawe. Inwi no mu hwelela na vhuya na mu landula khoroni ya Pilato, naho Pilato o vha o no ḓiimisela u mu vhofholola.

1 PITROSI 1:21

Ndi nga Khristo ni tshi fulufhela Mudzimu, we a mu vusa vhafuni a mu ṋea vhugala, uri ni fulufhele Mudzimu fhedzi, ni lavhelele Ene.