JOHANISI 16:7 - BIVHILI KHETHWA Mafhungo Madifha

⁷ Naho zwo ralo ndi ni vhudza ngoho ndi ri, u ṱuwa hanga ndi u ni tonda, ngauri nda sa ṱuwa, Mutiki ha nga ḓi kha inwi; fhedzi nda ṱuwa, ndi ḓo mu ruma.

JOHANISI 16:7 Iomraidhean Croise

DZIPHISALEMA 68:18

O thuba mathubwa manzhi, a gonya nao nṱha, a ṋewa nduvho nga vhathu, na mavhanga a mu luvha; Mudzimu Muṋe washu u ḓo dzula henengei.

LUKASI 24:49

Huno Nṋe ndi ḓo ni rumela tshe Khotsi anga a ni fulufhedzisa. Zwino inwi ni dzule fhano Jerusalema ni vhuye ni ṋewe ayo maanḓa a bvaho ṱaḓulu.”

LUKASI 4:25

Ndi ngoho uri ho vha hu na tshilikadzi nnzhi misi ya muporofita Elia zwiḽa gole ḽi tshi tswuka ḽa fhedza miṅwaha miraru na hafu ha vhuya ha tou wa nḓala khulu shangoni ḽoṱhe.

LUKASI 9:27

Zwino ipfani-ha: Hu na vhaṅwe henefha vhane vha sa ḓo fa vha sa athu vhona Mudzimu a tshi vhusa vhathu.”

JOHANISI 14:26

Huno uyo Mutiki, Ene Muya Mukhethwa ane Khotsi anga a ḓo mu ruma dzinani ḽanga u ḓo ni funza zwoṱhe, a ni humbudza zwoṱhe zwe Nṋe nda ni vhudza.

JOHANISI 14:28

No zwi pfa ndi tshi ri, ‘Ndi khou ṱuwa, hone ndi ḓo dovha nda ḓa kha inwi.’ Arali no vha ni tshi mpfuna ndi musi ni tshi ḓo takala ndi tshi ya ha Khotsi, ngauri Ene Khotsi u fhira Nṋe.

JOHANISI 14:3

Zwino musi ndo no ni lugisela vhudzulo ndi ḓo ḓa nda ni dzhia ra yo dzula roṱhe.

JOHANISI 15:26

“Mutiki u ḓo ḓa – ndi amba Muya Muḓivhadzangoho, Ene a bvaho ha Mudzimu Khotsi. Ndi ḓo mu ruma kha inwi a tshi bva ha Khotsi; Ene Muya u ḓo nṱanzilela.

JOHANISI 16:8

Huno Ene a tshi ḓa u ḓo rovhedza shango a ḽi sumbedza uri vhutshinyi ndi mini, na uri vhuvhuya ndi mini na uri khaṱhulo ya Mudzimu ndi tshithu-ḓe.

JOHANISI 7:39

A tshi ralo ho vha hu u amba Muya we vha mu fulufhelaho vha vha vha tshi ḓo mu ṱanganedza hu si kale. Misi iyo Muya o vha a sa athu ḓa, ngauri Yesu o vha a sa athu ya vhugalani hawe.

MISHUMO 10:34

Pitrosi a thoma u amba a ri, “Nṋe ndi hone ndo zwi vhona uri Mudzimu ha ṱaluli;

MISHUMO 2:33

O takulelwa ṱaḓulu a dzula hune a vhusa na Mudzimu, a ṋewa Muya Mukhethwa we Khotsi a fulufhedzisa, a konou mu shululela kha riṋe, ha itea zwine na khou zwi vhona nga maṱo aṋu na zwi pfa nga nḓevhe dzaṋu.

VHAROMA 8:28

Ri a zwi ḓivha uri vha funaho Mudzimu – vhenevho vhe a vha vhidza nga he a dzula o dzudzanya – avho zwoṱhe zwine vha ṱangana nazwo zwi vha ḓisela tshivhuya,

2 VHAKORINTA 4:17

U tambula hohu huṱuku ha tshifhinganyana hu khou ri ḓisela vhugala vhu sa gumi, vhune ha fhira hezwi kule-kule; a zwi vhuyi zwa vhambedzwa;