JOHANISI 16:5 - BIVHILI KHETHWA Mafhungo Madifha

⁵ Hone zwino ndi khou ṱuwa, ndi ya ha o nthumaho; tshi kanukisaho ndi uri a hu na na muthihi waṋu ane a vhudzisa hune nda ya.

JOHANISI 16:5 Iomraidhean Croise

JOHANISI 13:3

Yesu o vha a tshi zwi ḓivha uri Khotsi o mu kumedza zwoṱhe; a tshi ḓivha na uri o ḓa a tshi bva ha Mudzimu na uri u khou vhuelela ha Ene Mudzimu.

JOHANISI 13:36

Simoni ane ḽiṅwe a pfi Pitrosi a mu vhudzisa a ri, “Muṋe washu, nṋa vha khou ya ngafhi?” Yesu a fhindula a ri, “Hune nda khou ya hone a si hune na nga kona u ntevhela zwino; ni ḓo ntevhela ngavhuya.”

JOHANISI 14:28

No zwi pfa ndi tshi ri, ‘Ndi khou ṱuwa, hone ndi ḓo dovha nda ḓa kha inwi.’ Arali no vha ni tshi mpfuna ndi musi ni tshi ḓo takala ndi tshi ya ha Khotsi, ngauri Ene Khotsi u fhira Nṋe.

JOHANISI 16:10

u ḓo sumbedza shango uri a re muvhuya ndi Nṋe ngauri ndi khou ya ha Khotsi, a ni tsha ḓo mmbona;

JOHANISI 16:16

“Hu si kale a ni tsha ḓo mmbona; hone hu ḓo dovha he hu si kale na mmbona.”

JOHANISI 16:17

Vhaṅwe vhafunziwa vhawe vha vhudzisana vha ri, “Nṋa u amba mini a tshi ri, ‘Hu si kale a ni tsha ḓo mmbona, hone hu ḓo dovha he hu si kale na mmbona’; nahone a dovha a ri, ‘Ndi khou ya ha Khotsi anga’?

JOHANISI 16:28

Nṋe ndi tshi ḓa fhano shangoni ndo vha ndi tshi bva ha Khotsi; zwino ndi khou ṱuwa shangoni, ndi vhuelela ha Ene Khotsi.”

JOHANISI 17:13

Ndi khou ḓa ha Iwe, zwino u amba izwi ndi fhano shangoni ndi khou itela uri vha vhe na dakalo ḽo khunyelelaho unga Nṋe.

JOHANISI 17:4

Fhano shangoni ndo vhonadza vhugala hau nga u khunyeledza mushumo we wa ri ndi u ite.

JOHANISI 6:62

Zwino ni ḓo tou zwi ita hani ni tshi vhona Mubebwa-nga-muthu a tshi dovha a gonya a vhuelela he a vha e hone?

JOHANISI 7:33

Yesu Ene a ri, “Ndi kha ḓi ḓo vha na inwi tshifhinganyana, ndi hone ndi tshi ḓo humela ha o nthumaho.

VHAHEBERU 1:3

Hu vhonala lupenyo lwa Mudzimu khae; zwoṱhe zwine Mudzimu a vha zwone o tou zwi kokotolo. O tika tsiko yoṱhe nga ipfi ḽawe ḽa maanḓa. O ri u ṱanzwa vhathu vhutshinyi havho a yo dzula ngei ṱaḓulu thungo ya tshauḽa tsha Ramaanḓaoṱhe vha vhusa vhoṱhe,

VHAHEBERU 12:2

ro tou sedza henengei phanḓa kha Yesu, Ene we a ri zhakela nḓila ya lutendo a dovha a vha Ene ane a ri swikisa he lwa livha hone. Ene nga u sedza dakalo ḽe a vha o vhetshelwa ngei phanḓa, o konḓelela lufu lwa tshifhambano a si londe u nyadzea halwo, zwino khezwo-ha, o no dzula thungo ya tshauḽa ya Mudzimu vha vhusa vhoṱhe.