JOHANISI 16:11 - BIVHILI KHETHWA Mafhungo Madifha

¹¹ u ḓo vha rovhedza uri khaṱhulo ya Mudzimu ndi yone-yone nga u vha sumbedza uri muvhusi wa ḽino shango o no ḓi haṱulwa.

JOHANISI 16:11 Iomraidhean Croise

GENESI 3:15

Ndi ḓo u luṱanya na musadzi, na vhana vhau na vhawe vha ḓo vhengana; ṅwana wawe u ḓo u pwasha ṱhoho, iwe wa mu luma tshirethe.”

DZIPHISALEMA 68:18

O thuba mathubwa manzhi, a gonya nao nṱha, a ṋewa nduvho nga vhathu, na mavhanga a mu luvha; Mudzimu Muṋe washu u ḓo dzula henengei.

MATIOSI 12:18

“Vhonani muḓinḓa wanga we nda mu nanga, mufunwa wanga ane a ntakadza. Ndi ḓo vhea Muya wanga khae, a konou ḓivhadza tshakha khaṱhulo mbuya.

MATIOSI 12:36

Ndi khou ni vhudza ndi ri: Nga ḓuvha ḽa khaṱhulo muthu u ḓo sengiselwa zwoṱhe zwe a sokou amba-amba.

LUKASI 10:18

Yesu a konou amba navho a ri, “Ndo vhona Saṱhane a tshi wa unga nḓadzi i tshi bva makoleni.

JOHANISI 12:31

Zwino ndi hone-ha ho swika tshifhinga tsha uri ḽino shango ḽi haṱulwe; ndi hone muvhusi wa ḽino shango a tshi khou bviswa vhuhosini.

JOHANISI 14:30

Ndi nga si tsha kona u amba na inwi tshifhinga tshilapfu ngauri muvhusi wa ḽino shango u khou ḓa. Hone Ene ha na tshine a nga nnyita.

JOHANISI 16:12

“Ndi tshee na zwinzhi zwine nda nga ni vhudza; ndi ro vhona uri a ni athu swika hune na nga zwi ṱalukanya.

MISHUMO 10:42

O ri laya uri ri ḓivhadze lushaka lwa Majuda mafhungo maḓifha, na u ṱanzilela uri ndi Ene o vhewaho nga Mudzimu uri a vhe Muhaṱuli wa vha tshilaho na vho faho.

MISHUMO 24:25

Hone Paulo a tshi vho ḓa kha zwa vhuvhuya vhu ṱoḓwaho nga Mudzimu na zwa u ḓifara khathihi na zwa ḓuvha ḽa tsengo ḽi no ḓo ḓa, Felikisi a pfa zwi tshi mu ofhisa a ri, “Ni nga vha no ḓiṱutshela zwaṋu. Ndi ḓo dovha nda ni vhidza musi ndo wana tshifhinga.”

MISHUMO 26:18

U vha bonyolose u vha bvise swiswini uri vha dzhene tshedzani, u vha bvise zwanḓani zwa Saṱhane vha luvhe Mudzimu, vha mpfulufhele vha hangwelwe vhutshinyi havho vha kone-vho u vha vhathihi na vhakhethwa vha Mudzimu.’

VHAROMA 16:20

Hu si kale Ene Mudzimu Muladzashango u ḓo kuyekanya Saṱhane a mu vhea fhasi ha milenzhe yaṋu. [Ngavhe Muṋe washu Yesu a tshi ni itela vhuthu.]

VHAROMA 2:16

Ndi zwone zwine nda amba ndi tshi ḓivhadza mafhungo maḓifha, nda ri zwi ḓo ralo nga ḓuvha iḽo ḽihulu ḽine Mudzimu a ḓo sengisa vhathu zwo dzumbamaho mbiluni dzavho, nga Yesu Khristo.

1 VHAKORINTA 4:5

Ndi zwone-ha, ni songo haṱula tshifhinga tsho fanelaho tshi sa athu swika. Lindelani u swika Muṋe washu a tshi vhuya. Ndi Ene ane a ḓo vhonetshela zwo dzumbamaho swiswini, a bvisela khagala vhutande vhu re mbiluni. Ndi hone Mudzimu a tshi ḓo khoḓa muṅwe na muṅwe nga he zwa mu tea.

2 VHAKORINTA 4:4

Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu.

VHAEFESA 2:2

No vha ni tshi tshila nga u tevhela zwa shango ḽino, na zwa muvhusi a no langa thuṅwa dza Saṱhane dzi re tshikhalani; ndi wone muya u shumaho kha vha sa pfi Mudzimu.

VHAKOLOSA 2:15

a ṱangula vhahulwane na vhalangi vha thuṅwa vha re tshikhalani, a vha ṱana vhathuni sa mathubwa, ha vha u kumbwa nga Khristo a tshi ḓala muḓalo.

VHAHEBERU 2:14

Vhunga avho vhana vhe vhathu vha ṋama, na Yesu Ene muṋe a vha muthu wa ṋama unga vhone. A tshi ralo ho vha hu u itela uri diabolo mulangi wa lufu a kulwe nungo nga lufu lwa Yesu.

VHAHEBERU 6:2

na u ṱanzwiwa dzitshika, na u vhewa zwanḓa, na u vuwa ha vhafu, na u haṱulelwa zwi sa gumi. Hone ri songo ṱwa ri tshi dovha na u dovha u tea muteo,

VHAHEBERU 9:27

Tsha muthu ndi u fa luthihi ha konou vha na khaṱhulo.

2 PITROSI 3:7

Hone ḽiṱaḓulu na ḽifhasi ḽi re hone zwino ḽo dzula ḽo vhewa ḽo lindela mulilo nga ipfi ḽeneḽiḽa ḽa Mudzimu, ḽo vhulungwa ḽo lindela ḓuvha ḽa khaṱhulo ḽa musi vhathu vhavhi vha tshi ḓo lovha.

1 JOHANISI 3:8

Ane a endela u tshinya ndi wa diabolo, ngauri diabolo ndi ene a no endela u tshinya tsha kale na kale. Hone Murwa wa Mudzimu a tshi ḓa ho vha hu u ḓela u phusukanya mishumo ya diabolo.

NZUMBULULO 1:7

Vhonani u khou ḓa e kha makole; maṱo oṱhe a ḓo mu vhona, na vhaḽa vho mu rungaho. Tshakha dzoṱhe dza ḽifhasi dzi tshi mu vhona dzi ḓo lila dza ṱavha mukosi. Zwi ḓo tou ralo. Amen!