JOHANISI 15:7 - BIVHILI KHETHWA Mafhungo Madifha

⁷ Arali ni tshi dzula kha Nṋe, na dzula ni tshi elekanya maipfi anga, ni ḓo humbela tshine na funa na tshi ṋewa.

JOHANISI 15:7 Iomraidhean Croise

1 MAHOSI 3:5

Henefho Gibioni Muṋe washu a ḓisumbedza Solomoni nga muloro vhusiku, Mudzimu a ri, “Humbela tshine wa funa ndi tshi u ṋea tshone.”

JOBO 22:26

ndi hone Ramaanḓaoṱhe a tshi ḓo vha Ene dakalo ḽaṋu, na konana na Mudzimu.

JOBO 23:12

Ndi ḓi dzula ndi tshi ita zwine a ri zwi itwe; zwine a amba ndi zwi vhulunga mbiluni yanga.

DZIPHISALEMA 119:11

Ipfi ḽau ndi ḓo ḽi vhulunga mbiluni yanga, uri ndi si vhuye nda u khakhela na kathihi.

DZIPHISALEMA 37:4

Takadzwa nga Muṋe washu, Ene u ḓo u ṋea zwine mbilu yau ya tama.

MIRERO 10:24

Zwine muvhi a zwi ofha, ndi zwone zwine zwa ḓo mu wela; a fulufhedzeaho ene u ḓo ṋewa zwine a zwi tama.

MIRERO 4:4

khotsi anga vho mpfunza vha ri, “Mbilu yau nga i nambatele maipfi anga, vhulunga ndayo dzanga, ndi hone u tshi ḓo tshila.

YESAYA 58:8

ndi hone tshedza tshaṋu tshi tshi ḓo penya unga mapfuvhi a tshi tswuka, mbonzhe dzaṋu dza ṱavhanya u fhola, nda ni ranga phanḓa na kunda, lupenyo lwanga lwa ni tsireledza nga murahu.

JEREMIA 15:16

Maipfi au o ri u wanala nda a ḽa, o vha one dakalo ḽanga; ndi tshi pfi ndi muḓinḓa wau, Iwe Muṋe washu Mudzimu Mulangazwoṱhe, nda pfa zwi tshi takadza mbilu yanga.

MATIOSI 7:7

“Ni ḓi dzula ni tshi humbela, ni ḓo ṋewa; ṱoḓani, ni ḓo wana; khokhonyani, ni ḓo vulelwa vothi.

JOHANISI 14:13

Zwino tshiṅwe na tshiṅwe tshine na humbela nga dzina ḽanga ndi ḓo ni ṋea, uri Khotsi a rendwe nga zwine Murwa a ita.

JOHANISI 15:16

A si inwi vhe na nanga Nṋe; ndi Nṋe ndo nangaho inwi nda ni ta uri ni yo aṋwa mitshelo minzhi, mitshelo i sa kuvhi, Khotsi a ḓo konou ni fha tshiṅwe na tshiṅwe tshine na humbela nga dzina ḽanga.

JOHANISI 16:23

“Musi wazwo a ni tsha ḓo vhuya na mmbudzisa na tshithu. Zwino ipfani-ha: Zwoṱhe zwine na humbela Khotsi nga dzina ḽanga u ḓo ni fha.

JOHANISI 8:31

Ndi hone Yesu a tshi amba na Majuda vhe vha mu tenda a ri, “Arali inwi ni tshi futelela u tevhedza zwine nda amba, ndi hone ni tshi ḓo vha vhafunziwa vhanga vhukuma;

JOHANISI 8:37

Zwauri ni vhaḓuhulu vha Abrahamu ndi a zwi ḓivha. Zwino hufha ni tshi vho ṱoḓa u mmbulaha? Zwi amba uri a ni funi u ṱanganedza maipfi anga.

VHAGALATA 4:2

U ḓi vha na vhaleli vhawe na vhalangi vha thundu yawe ha vhuya ha swika tshifhinga tshe tsha tiwa nga khotsi awe.

VHAGALATA 5:16

Ndi tshi ralo ndi ri: inwi tshimbidzwani nga Muya, ndi hone ni sa ḓo ita zwi funwaho nga tsiko yaṋu ya kale.

DOTORONOMIO 6:6

Nahone hezwi zwine nda ḓo u laya ṋamusi zwi songo vhuya zwa ṱuwa mbiluni yau.

VHAKOLOSA 3:16

Ipfi ḽa Khristo na lupfumo lwaḽo lwoṱhe kha ḽi fhaṱele kha inwi, ni vhe na vhuṱali ha u kona u funzana na u layana. Ni imbele Mudzimu dziphisalema na nyimbo dza u mu renda na dzine na funzwa nga Muya, ni tshi imba nga mbilu dzi livhuhaho.

1 JOHANISI 2:14

Inwi vhana, ndo ni ṅwalela ngauri Khotsi ni a mu ḓivha. Inwi vhokhotsi, ndo ni ṅwalela ngauri ni ḓivha a re hone u bva mathomoni. Inwi vhaswa, ndo ni ṅwalela ngauri ni na nungo, ipfi ḽa Mudzimu ḽi ngomu haṋu, no kunda Muvhi.

1 JOHANISI 2:27

Hone a vha inwi, Khristo o ni shululela Muya wawe, zwino u mbiluni dzaṋu; a ni tsha vhuya na lila u funzwa nga muṅwe, Muya wawe u ni funza zwoṱhe; nahone zwine a ni funza a si mazwifhi ndi ngoho. Zwino thetshelesani zwine Muya a ni funza, ni dzule ni vhathihi na Khristo.

1 JOHANISI 3:22

Nahone zwoṱhe zwine ra mu humbela ri ḓo zwi wana, ngauri ri tevhedza ndaela dzawe, ri ita zwi mu takadzaho.

1 JOHANISI 5:14

Ndi hone ri tshi vho kona u rabela ro fulufhela tshoṱhe uri na tshifhio tshine ra mu humbela tshine tsha anḓana na zwine a funa, u a ri ṋea.