JOHANISI 15:4 - BIVHILI KHETHWA Mafhungo Madifha

⁴ Dzulani kha Nṋe, na Nṋe ndi ḓo dzula kha inwi. Vhunga lutavhi lu sa koni u aṋwa mitshelo arali lu songo ṱumekana na mme alwo, na inwi ni nga si aṋwe mitshelo arali na sa dzula kha Nṋe.

JOHANISI 15:4 Iomraidhean Croise

LUIMBOIMBO 8:5

Ndi nnyi uyu ane a bva phangani ó ḓitika nga mufunwa wawe? Ni kha ḓi elelwa uri ndo ni vusa fhasi ha uyu muapula he mme aṋu vha ni ṱanganedza muvhilini wavho, he na bebwa hone?

HOSIA 14:8

Efraimi, u kha ḓi vha na mushumo-ḓe na midzimu? Ndi ḓo u fhindula nda u londola. Ndi nga muṱaululo u no dzula u mudala; mashudu au a bva kha Nṋe.”

MATIOSI 12:33

“Arali ni tshi ri muri ndi wavhuḓi, ni fanela u ḓi ralo na mitshelo yawo; arali ni tshi ri muri a si wavhuḓi, ni fanela u ḓi ralo-vho na mitshelo yawo. Hufha muri u tshi ḓivhiwa nga mitshelo yawo.

LUKASI 8:15

Hune i tshi zwalwa ya wela mavuni avhuḓi zwi amba avho vhane vha ri u pfa ipfi ḽa Mudzimu nga mbilu nthihi yo ṱambaho, vha ḽi vhulunga vha sa fheli mbilu, vha vhuya vha aṋwa mitshelo.

JOHANISI 14:20

Ḓuvha ḽeneḽo ḽi tshi swika ni ḓo ḓivha uri Nṋe ndi kha Khotsi, na inwi ni kha Nṋe, Nṋe ndi kha inwi.

JOHANISI 17:23

Nṋe ndi khavho, Iwe ú kha Nṋe, uri vha tou vha tshithu tshithihi tshoṱhe; ndi hone shango ḽi tshi ḓo zwi vhona uri ndo rumiwa nga Iwe, na uri u a vha funa unga u tshi mpfuna.

JOHANISI 6:56

Ane a ḽa muvhili wanga a nwa na malofha anga, u dzula e kha Nṋe, na Nṋe ndi khae.

JOHANISI 8:31

Ndi hone Yesu a tshi amba na Majuda vhe vha mu tenda a ri, “Arali inwi ni tshi futelela u tevhedza zwine nda amba, ndi hone ni tshi ḓo vha vhafunziwa vhanga vhukuma;

MISHUMO 11:23

A tshi swika a vhona uri Mudzimu o itela vhathu vhuthu vhungafhani, a takala a vha ṱuṱuwedza vhoṱhe uri vha dzule vha tshi fulufhedzea tshoṱhe vha sa ṱutsheli Muṋe washu,

MISHUMO 14:22

Vha khwaṱhisa vhafunziwa na u vha ṱuṱuwedza uri vha ime kha lutendo. Vha ri, “Ri dzhena muvhusoni wa Mudzimu ró fhira nga maṱhuphoni manzhi.”

2 VHAKORINTA 13:5

Inwi vhaṋe ṱolani mbilu dzaṋu ni ḓisedze, ni vhone arali vhukuma ni na lutendo. Kani-ha a ni zwi ṱalukanyi uri Yesu Khristo u kha inwi? Arali ni sa zwi ṱalukanyi zwi amba uri no wanala ni vhatendi vha khole-khole.

VHAGALATA 2:20

zwino a hu tsha tshila nṋe, a tshilaho kha nṋe ndi Khristo. Hovhu vhutshilo vhune nda kha ḓi vha khaho zwino ndi tshila nga u ḓikumedza Murwa wa Mudzimu, we a mpfuna a kumedza vhutshilo hawe a fa nga mulandu wanga.

VHAEFESA 3:17

Khristo a konou fhaṱela khadzo nge na mu fulufhela, lufuno lwaṋu lu ṱoke midzi lu vhe muteo wo khwaṱhaho.

VHAFILIPI 1:11

mitshelo yaṋu i mishumo mivhuya fhedzi ye Yesu Khristo a ni aṋwisa ine ya ita uri Mudzimu a rendwe, a khoḓwe.

VHAKOLOSA 1:23

tenda na ima kha lutendo lwonolwo no khwaṱha ni sa dzinginyei, ni si kwambatuluwe kha zwe na lavhelela, zwenezwo zwe na fulufhedziswa ni tshi pfa mafhungo maḓifha. Eneo mafhungo maḓifha o ḓivhadzwa vhathu vhoṱhe fhano shangoni. Ndi one ane nṋe Paulo nda vha muḓinḓa wa u a ḓivhadza.

VHAKOLOSA 1:27

Vhenevho Mudzimu o takalela u vha ḓivhadza vhuhulu ha vhugala hawe ho swikaho kha vhannḓa. Tshiphiri itsho ndi tsha uri Khristo u ngomu haṋu; ndi Ene ane ra fulufhela ngae vhugala he ra vhu lavhelela.

VHAKOLOSA 2:6

Vhunga zwino no ṱanganedza Khristo Yesu a vha Muṋe waṋu, tshilani-ha unga vhalanda vhawe;

1 VHATHESALONIKA 3:5

Ndi zwe nda ri ndi tshi pfa tshiṱuvho tshi sa tsha konḓelelea nda ruma Timoti uri ndi pfe arali ni tshee no ima kha lutendo, nge nda ofha uri khamusi mulingi a nga vha o no ni fhura, zwoṱhe zwe ra shuma henengeo zwa vho wanala zwi si tshithu.

VHAHEBERU 10:39

Hone riṋe a ri ngi havho vhane vha huma nga tsha murahu vha lovha; ri na lutendo, ri ḓo tshila.

1 JOHANISI 2:6

Ane a ri u dzula e muthihi nae u fanela u tevhedza kutshilele kwa Yesu.

2 JOHANISI 1:9

Ane a fhufhela phanḓa, a engedzedza, a si dzule kha zwe a funzwa nga zwa Khristo, onoyo ha na Mudzimu, hone ane a dzula kha zwe a funzwa u na Khotsi khathihi na Murwa.