JOHANISI 15:2 - BIVHILI KHETHWA Mafhungo Madifha

² Lutavhi luṅwe na luṅwe lu re kha Nṋe lu sa aṋwi mitshelo u a lu tumulela kule; lu aṋwaho lwone u tou lu khwathela uri lu anze mitshelo.

JOHANISI 15:2 Iomraidhean Croise

JOBO 17:9

Naho zwo ralo, a no thetshelesa Mudzimu ha pambuwi nḓilani yawe; wa zwanḓa zwi si na tshika u ḓi wana nungo a tshi ya.

DZIPHISALEMA 92:14

Vha ḓo ḓi aṋwa mitshelo naho vho no ḓi vha vha maḓuvha; vha ḓo dzula vhe vhaswa unga miri midala,

MIRERO 4:18

Nḓila ya vha no fulufhedzea yone i nga tshedza tsha maḓautsha, tshine tsha ḓi penya tshi tshi ya u swika masiari tshivhangalala.

YESAYA 27:9

Nga vha kuye matombo a aḽiṱari dza vhannḓa, dzi sale dzi tshi nga vhukhopfu, hu si tsha vha na thanda dza mudzimutshisadzi Ashera, na aḽiṱari dza u fhisela zwioro; ndi hone milandu ya vhaḓuhulu vha Jakopo i tshi ḓo pfumelwa, ndi yone tsumbo ya uri vho hangwelwa vhutshinyi.

YESAYA 29:19

Vhaheḓana vha ḓo ḓi fhululedza Muṋe washu vha tshi ya, vhashai vha pembelela Mukhethwa wa Israele.

DANIELE 11:35

Na kha vhenevho vha re na vhuṱali ha dovha ha vhulawa vhaṅwe, izwo zwi ḓi ita uri vha bviswe manyelo, vha kuniswe, vha ṱanzwiwe, hu vhuye hu swike vhufhelo, ngauri tshifhinga tsho vhewaho tshi kha ḓi ḓa.

HOSIA 6:3

Nga ri ḓivhe Muṋe washu, nga ri futelele u mu ḓivha. Vhukuma u ḓo bvelela unga ḓuvha ḽi tshi tsha, u ḓo ḓa ha riṋe unga mvula ya mibvumbi, u ḓo ḓa unga mvula dza tseula dzine dza ṋukadza ḽifhasi.”

MALAKIA 3:3

U ḓo nga ane a bvisa manyelo a siliva a i kunisa; u ḓo kunisa Vhalivi a vha bvisa manyelo unga musuku na siliva. Zwenezwo Muṋe washu ndi hone a tshi ḓo wana vhanna vhane vha ḓo mu ṋekedza nduvho vha sa solei.

MATIOSI 13:12

A re nazwo u ḓo dovha a engedzwa zwa ita na u fhalala, a si na u ḓo dovha a dzhielwa na zwiṱukuṱuku zwine a vha nazwo.

MATIOSI 13:33

A dovha a vha vhudza tshiṅwe tshifanyiso a ri, “Muvhuso wa Mudzimu u fana na mbilisa ine musadzi a i suka na vhukhopfu ludongo lwo ḓala, yone ya kukumusa uho vhukhopfu hoṱhe.”

MATIOSI 15:13

A vha fhindula a ri, “Muri muṅwe na muṅwe u songo ṱavhiwaho nga Khotsi anga wa ṱaḓulu u ḓo tupulwa.

MATIOSI 21:19

A vhona muhuyu wo ima henefho tsini ha nḓila u woṱhe, a ya khawo u yo ṱoḓa mahuyu, a si wane tshithu, a wana u na maṱari fhedzi. Ndi hone a tshi amba nawo a ri, “A u tsha ḓo aṋwa fuyu na lini na lini!” Muhuyu wa mbo ḓi oma na zwenezwo.

MATIOSI 25:29

Ane a vha na zwawe u ḓo engedzwa uri a vhe na zwinzhi; hone a si na u ḓo dzhielwa na zwiṱukuṱuku zwine a vha nazwo.

MATIOSI 3:10

Iṱali mbaḓo yo no ḓi dzula yo angaladzwa tsindeni ḽa muri; muri muṅwe na muṅwe une wa si aṋwe mitshelotshelo u ḓo remiwa wa kudzwa muliloni.

MATIOSI 3:12

U ḓa o fara luselo lwawe. U ḓo fhefhera mavhele a a shela ḓuluni. Mungu wone u ḓo u fhisa nga mulilo u sa dzimi.”

MATIOSI 7:19

Muri muṅwe na muṅwe u sa aṋwi mitshelo i ḓifhaho u a remiwa wa kudzwa muliloni.

MARKOSI 4:20

Hune i tshi zwalwa ya wela mavuni avhuḓi, zwi amba avho vhane vha ri u pfa ipfi ḽa Mudzimu vha ḽi ṱanganedza, vha vhuya vha aṋwa mitshelo. Vhaṅwe vhavho vha aṋwa 30, vhaṅwe 60, vhaṅwe ḓana.”

LUKASI 8:13

Yo welaho kha lukwara zwi amba avho vhane vha ri u pfa ipfi ḽa Mudzimu, vha ḽi ṱanganedza nga mbilu tshena, hone vhunga hu si na hune ḽa nga ṱoka midzi khavho, vha tou tenda tshifhinganyana; hu tshi ḓa tshifhinga tsha u lingwa nga Saṱhane vha a gunea.

JOHANISI 15:1

“Ndi Nṋe munḓirivhe wavhuḓi, muṋe wa tsimu ndi Khotsi anga.

JOHANISI 15:16

A si inwi vhe na nanga Nṋe; ndi Nṋe ndo nangaho inwi nda ni ta uri ni yo aṋwa mitshelo minzhi, mitshelo i sa kuvhi, Khotsi a ḓo konou ni fha tshiṅwe na tshiṅwe tshine na humbela nga dzina ḽanga.

JOHANISI 15:3

Inwi no no ḓi khwathelwa nga maipfi e nda ni vhudza.

JOHANISI 15:6

A sa dzuli kha Nṋe u a laṱwa kule a oma sa lutavhi lwo tumulwaho; huno thavhi dzo raloho dzi a kuvhanganywa dza kudzwa muliloni dza fhiswa.

JOHANISI 15:8

Vhugala ha Khotsi anga vhu vhonala musi inwi ni tshi aṋwa mitshelo minzhi, nga u ralo na vha vhafunziwa vhanga.

JOHANISI 17:12

Musi ndi tshee navho ndo vha ndi tshi vha tsireledza vha dzula vho nambatela dzina ḽau, ḽeneḽi ḽe na Nṋe wa mpha ḽone. Ndo vha tsireledza hu si vhe na muthihi wavho we a xela, arali e si uḽa we a vha o dzula o pfi u ḓo lovha uri Maṅwalo a khunyelele.

VHAROMA 11:17

Arali zwino maṅwe matavhi a muolivi o tumulwa, vhudzuloni hao ha ṱumiwa iwe we wa vha u muolivi wa ḓaka, wa vha na mukovhe kha mudzi wa muolivi u re na mapfura manzhi,

VHAROMA 11:22

Edzou vhona uri Mudzimu u na vhulenda vhungafhani, hone zwe a amba zwi sa wi fhasi: vho guneaho ha litshi u vha rwa, iwe a tshi u fara nga vhulenda – arali u sa tambi nga vhulenda hawe; hone arali wa sa ralo na iwe u ḓo u tumulela kule.

VHAROMA 8:28

Ri a zwi ḓivha uri vha funaho Mudzimu – vhenevho vhe a vha vhidza nga he a dzula o dzudzanya – avho zwoṱhe zwine vha ṱangana nazwo zwi vha ḓisela tshivhuya,

1 VHAKORINTA 13:1

Naho nda amba nyambo dza vhathu na dza vharuṅwa, lufuno ndi si na, ndi nga tsimbi i ungaho, ndi nga ngoma i lilaho.

TITOSI 2:14

Ene Yesu Khristo o ḓikumedza lufu a tshi itela riṋe uri a ri vhofholole vhuvhini hoṱhe a ṱanzwe mbilu dzashu ri vhe lushaka lwawe e eṱhe, ro ḓiimisela u shuma mishumo mivhuya.

VHAHEBERU 12:15

Ni vhone hu sa ḓo vha na ane a ḓikundisa u wana vhuthu ha Mudzimu. Hu si vhe na ane a nga tsheṋe i kalakataho ine ya ri u mela mulimo wayo wa fhirela kha vhanzhi.

1 JOHANISI 2:19

Vho bva kha riṋe, hu uri a vho ngo vhuya vha vha vhathihi na riṋe. Ngavhe nangoho vho vha vhe vhathihi na riṋe ndi musi vho ḓi dzula na riṋe. Vho ṱuwa uri zwi vhonale uri hu na vhaṅwe vhane ra vha navho vhane vha si vhe vhathihi na riṋe.

NZUMBULULO 3:19

“ ‘Nṋe vhoṱhe vhane nda vha funa ndi ita ndi tshi vha kaidza na u vha nyambudza. Zwino-ha na inwi shandukani ni litshe mahodze ni vuse nungo.