JOHANISI 15:16 - BIVHILI KHETHWA Mafhungo Madifha

¹⁶ A si inwi vhe na nanga Nṋe; ndi Nṋe ndo nangaho inwi nda ni ta uri ni yo aṋwa mitshelo minzhi, mitshelo i sa kuvhi, Khotsi a ḓo konou ni fha tshiṅwe na tshiṅwe tshine na humbela nga dzina ḽanga.

JOHANISI 15:16 Iomraidhean Croise

GENESI 18:18

Hufha a tshi ḓo vha lushaka luhulu lwa maanḓa, tshakha dzoṱhe dza ḽifhasi dzi tshi ḓo wana mashudu ngae.

DZIPHISALEMA 145:4

Mishumo yau i ḓo rendwa nga mirafho na mirafho, vha ḓo ḓivhadza mishumo yau mihulu.

DZIPHISALEMA 71:18

Mudzimu, u songo nṱutshela nga u vhona zwino ndo kalaha, ṱhoho yo tshena! Maanḓa au a u tshidza vhathu ndi kha ḓi tama u a ḓivhadza mirafho i ḓaho.

MIRERO 11:30

Mitshelo ya ane a thetshelesa Mudzimu i a tshidza; muṱali u kona u tswa mbilu dza vhathu.

YESAYA 27:6

Misi i ḓaho vhaḓuhulu vha Jakopo vha ḓo ṱoka midzi, Vhaisraele vha ḓo kulukusha vha fhufhumisa, vha ḓadza shango nga mitshelo.

MIKA 5:7

Nṋe ndi ri: Tsalela dza Jakopo vha misi i ḓaho, vha ḓo vha vhe vhukati ha tshakha dzoṱhe vha tshi nga ṅwando u no wa u tshi bva ha Muṋe washu, vha tshi nga vhusuṱo vhu no nela hatsi. A vha nga ḓitiki nga muthu zwawe, a vha nga fulufheli muthu wa ṋama.

MATIOSI 21:22

Na zwoṱhe zwine na ḓo humbela nga thabelo ni tshi fulufhela ni ḓo fhiwa.”

MATIOSI 7:7

“Ni ḓi dzula ni tshi humbela, ni ḓo ṋewa; ṱoḓani, ni ḓo wana; khokhonyani, ni ḓo vulelwa vothi.

LUKASI 6:13

Ḽi tshi tsha a vhidza vhafunziwa vhawe, a konou ta vha 12 a ri vha pfi vhaapostola.

JOHANISI 13:18

“Ndi tshi ralo a thi ambi noṱhe, vhe nda nanga ndi a vha ḓivha. Hone hu fanela u khunyelela zwe Maṅwalo a amba a tshi ri, ‘Ane ra ḽa muthathendilo o mmvutshela-vho!’

JOHANISI 15:19

Arali no vha ni vha shango ndi musi shango ḽi tshi ḓo ni funa, ngauri no vha ni tshi ḓo vha ni vhaḽo. Zwino a ni tshee vha shango ngauri Nṋe ndo ni nanga khaḽo; ndi zwine shango ḽa ni vhenga.

JOHANISI 15:5

“Munḓirivhe ndi Nṋe, inwi ni matavhi. Ane a dzula kha Nṋe, Nṋe nda dzula khae ndi ene ane a aṋwa mitshelo minzhi, ngauri ni si na Nṋe a ni koni u ita tshithu.

JOHANISI 6:70

Yesu a tshi vha fhindula a ri, “Nṋa a tho ngo ni nanga ni 12? Huno-ha, muṅwe waṋu ndi diabolo.”

MISHUMO 1:24

Vha mbo rabela vha ri, “Muṋe washu, u ḓivha mbilu dza vhathu vhoṱhe. Asizwi-ha Muṋe washu, ri sumbedze uri kha avha vhavhili ndi ufhio we wa mu nanga

MISHUMO 1:8

Inwi ni ḓo ṋewa maanḓa musi Muya Mukhethwa a tshi ḓa kha inwi, uri ni vhe ṱhanzi dzanga fhano Jerusalema na kha ḽoṱhe ḽa Judia na ḽa Samaria u vhuya u swika mugumoni wa ḽifhasi.”

MISHUMO 10:41

u ralo ndi sa ambi vhathu vhoṱhe – o vhonwa nga riṋe fhedzi ri re ṱhanzi dze Mudzimu a vha o dzula o dzi nanga, ra ita na u ḽa nae ra nwa nae musi o no vuwa vhafuni.

MISHUMO 22:14

A dovha a ri, ‘Mudzimu wa vhomakhulukuku washu o ni nanga uri ni ḓivhe zwauri zwine a funa ndi zwifhio na uri ni vhone Muḓinḓa wawe muvhuya, ni mu pfe a tshi amba nga mulomo wawe.

MISHUMO 9:15

Muṋe washu a amba nae a ri, “Iya, muthu uyo ndi muḓinḓa we nda ḓinangela uri a nnḓivhadze kha vhannḓa na mahosi avho, a ralo na kha vhathu vha Israele.

VHAROMA 1:13

Ḓivhani-ha vha hashu uri ndi kanzhi ndi tshi humbula u ni dalela, uri na ngeo ndi vhe na zwe nda shuma zwi no nga zwe nda shuma tshakhani dziṅwe. Hone u swika zwino zwo nkunda.

VHAROMA 1:5

Ndi nga Khristo Mudzimu o ntonda a nnyita muapostola wa u vhidza vhathu vha tshakha dzoṱhe uri vha tende mafhungo a Mudzimu vha mu pfe, u ralo hu vhe u hulisa Khristo.

VHAROMA 15:4

Zwoṱhe zwo ṅwalwaho kale Maṅwaloni zwo ṅwalelwa u gudisa riṋe, zwi tshi ri ṱuṱuwedza u lavhelela zwe Mudzimu a ri fulufhedzisa ri sa fheli mbilu.

VHAROMA 9:21

Kani muvhumbi ha koni u ita tshine a funa nga vumba, vumba ḽi ḽeneḽo ḽithihi a vhumba mvuvhelo ya madzanga, a ḓi dovha a vhumba na gambiṱa ngaḽo?

1 VHAKORINTA 10:11

Hezwo zwithu zwo vha wela uri i vhe pfunzo kha vhaṅwe, zwa dovha zwa ṅwalwa u ri laya, ngauri tshifhinga hetshi tshine ra vha khatsho tshi tsini ha vhufhelo.

VHAGALATA 1:15

Hone Mudzimu o nnyitela vhuthu a dzula o nta ndi sa athu na u bebwa, a mmbidza uri ndi mu shumele. Nga tshifhinga tshe Ene a vhona tsho fanela

VHAEFESA 2:10

Mudzimu ndi Ene we a ri ita zwine ra vha zwone; ndi Ene we a ri sika nga huswa nga u ri ita vhathihi na Khristo, uri ri tshile ri tshi ita zwivhuya, vhunga na Mudzimu o dzula o zwi dzudzanya uri ri zwi ite.

VHAKOLOSA 1:23

tenda na ima kha lutendo lwonolwo no khwaṱha ni sa dzinginyei, ni si kwambatuluwe kha zwe na lavhelela, zwenezwo zwe na fulufhedziswa ni tshi pfa mafhungo maḓifha. Eneo mafhungo maḓifha o ḓivhadzwa vhathu vhoṱhe fhano shangoni. Ndi one ane nṋe Paulo nda vha muḓinḓa wa u a ḓivhadza.

VHAKOLOSA 1:6

e a swika kha inwi. Tshee na a pfa na ṱalukanya vhukumakuma zwine vhuthu ha Mudzimu ha vha zwone, mafhungo maḓifha a ḓi aṋwa mitshelo na u bvela phanḓa henengeo unga mashangoni oṱhe.

1 TIMOTI 2:7

Ndi zwe nṋe nda ruṅwa uri ndi vhe muḓivhadzi wazwo na muapostola, ndi funze vhannḓa a lutendo na ngoho – a thi zwifhi, ndi ni vhudza ngoho.

2 TIMOTI 1:11

Mudzimu o nta uri ndi vhe muḓivhadzi na muapostola na mufunzi wa eneo mafhungo.

2 TIMOTI 2:2

Zwenezwiḽa zwe nda ni laya ndi tshi pfiwa nga ṱhanzi nnzhi zwi kumedzeni vhathu vha fulufhedzeaho, vhane vha ḓo kona u funza-vho vhaṅwe.

TITOSI 1:5

Ndo ni sia Khrita uri ni sale ni tshi dzudzanya mushumo u sa athu ṱhaphuwa, ni vhumbe vhalisa tshivhidzoni tshiṅwe na tshiṅwe nga he nda ni laya.

VHAHEBERU 11:4

Ndi nga lutendo Abele o kona u ṋekedza Mudzimu nduvho dzi fhiraho dza Kaini; ndi nga lwonolwo lutendo Mudzimu o ṱanganedza nduvho dza Abele a ri ndi muvhuya; ndi nga lutendo Abele a tshi kha ḓi amba na ṋamusi naho o no ḓi fa.

JAKOPO 3:18

Mulalo ndi tshikovha tsha vhuvhuya, vhu kaṋiwa nga vhaladzashango.

1 PITROSI 3:15

Khristo ndi Ene ane na fanela u mu luvha e Muṋe waṋu mbiluni dzaṋu; ni dzule no ḓiimisela u fhindula muṅwe na muṅwe ane a nga ni sengisela zwe na zwi fulufhela;

1 PITROSI 3:2

kwa u vha hulisa, ku si na zwa vhuaḓa.

1 JOHANISI 4:10

Lufunofuno a si lwashu lwa u funa Mudzimu, ndi lwa Mudzimu lwa u funa riṋe, a vhuya a tou ruma Murwa wawe u ri pfumelela vhutshinyi hashu.

1 JOHANISI 4:19

Hafhu ri tshi funa vhaṅwe ndi nge Mudzimu a vha Ene we a thoma u ri funa.