JOHANISI 15:11 - BIVHILI KHETHWA Mafhungo Madifha

¹¹ “Ndo ni vhudza hezwo uri dakalo ḽine Nṋe nda vha naḽo na inwi ni vhe naḽo uri ni vhe na dakalo ḽo khunyelelaho.

JOHANISI 15:11 Iomraidhean Croise

YESAYA 53:11

U ḓo ri o tambudzwa zwingafhongafho a dovha a vhona tshedza, a pfufhelwa u tambula hawe. Muṋe washu a tshi mu amba u ri, “Muḓinḓa wanga u ḓivha zwine nda funa; vhunga Ene a si na tshe a tshinya u ḓo vha tshipfumelo tsha vhutshinyi ha vhanzhi, a ḓihwesa milandu yavho.

YESAYA 62:4

A u tsha ḓo pfi “Muṱaliwa”; shango ḽau a ḽi tsha ḓo pfi “Muṱutshelwa”; u vho ḓo pfi “Dakalo ḽanga”, shango ḽau ḽa pfi “Muselwa”, nge wa dovha wa takalelwa nga Muṋe washu, shango ḽau ḽa vhingwa.

JEREMIA 32:41

Ndi ḓo takalela u vha tonda, ndi a fulufhedzea, ndi ḓo vha sima shangoni ḽino nga mbilu yanga yoṱhe, vha ṱoka midzi.”

JEREMIA 33:9

Ndi hone muḓi uno wa Jerusalema u tshi ḓo ita uri ndi vhe na bvumo, ndi pembelelwe, ndi rendiwe, vhugala hanga vhu vhonwe nga tshakha dzoṱhe dza ḽifhasi dzine dza pfa zwivhuya zwoṱhe zwine nda u itela; dza ḓo konou ofha dza tetemela dzi tshi vhona ndi tshi u ladzela shango tshoṱhe zwa u nakela.’ ”

TSEFANIA 3:17

Muṋe washu Mudzimu wau u na iwe, ndi muhali a u tshidzaho. U ḓo u takalela zwihulu, u ḓo u khuthadza nga lufuno lwawe, u ḓo u pembelela nga nyimbo,

LUKASI 15:23

Ni konou dzhia mbohwana yo noniswaho ni i ṱhavhe, ri ite vhuṱambo.

LUKASI 15:32

Riṋe ro vha ro fanela u takala ra pembela, ngauri uyu murathu waṋu o vha o fa, zwino o vuwa; o vha o xela, zwino o wanala.’ ”

LUKASI 15:5

Musi o i wana, u i hwala mahaḓani awe o takala.

LUKASI 15:9

Musi o i wana u vhidza khonani dzawe na vhahura, a vha vhudza a ri, ‘Ndi takala hani vha hashu ndó wana sheleni yanga ye ya vha yo xela. Iḓani ri pembele!’

JOHANISI 16:24

U swika zwino a ni athu vhuya na humbela tshithu nga dzina ḽanga. Humbelani, ni ḓo fhiwa, uri dakalo ḽaṋu ḽi khunyelele.

JOHANISI 16:33

Ndi tshi ni vhudza hezwi zwithu ndi u itela uri ni vhe na mulalo nga u vha vhathihi na Nṋe. Shangoni ḽino ni ḓo tambudzwa, hone ni songo fhela mbilu; hufha Nṋe shango ndo ḽi kunda!”

JOHANISI 17:13

Ndi khou ḓa ha Iwe, zwino u amba izwi ndi fhano shangoni ndi khou itela uri vha vhe na dakalo ḽo khunyelelaho unga Nṋe.

JOHANISI 3:29

Muselwa ndi wa mukwasha; khonani ya mukwasha tshayo i takadzwa nga maanḓa nga u pfa ipfi ḽa mukwasha, yone yo ḓiimela zwayo yo thetshelesa. Nṋe na ḽanga dakalo ḽo tou ralo; ndi hone zwino ḽo khunyelela.

VHAROMA 15:13

Huno Ene Mudzimu we a ri fulufhedzisa zwivhuya zwine ra vho kona u zwi lavhelela, ngavhe a tshi ni ḓadza dakalo, a ni fha mulalo tshoṱhe nge na mu fulufhela, uri ni dzule no mu lavhelela zwi tshi bva kha Muya Mukhethwa.

2 VHAKORINTA 1:24

A si uri ri khou ni kombetshedza zwine na fanela u zwi tenda. Hufha ni na lutendo lwo khwaṱhaho. Ri khou tou shumisana na inwi uri ni takale.

VHAEFESA 5:18

Ni songo nwa na kambiwa ni sa ḓo ita zwa vhuḓabaḓaba; tshaṋu hu vhe u ḓala Muya Mukhethwa;

VHAFILIPI 1:25

Zwenezwo ndi na ngoho vhukuma ya uri a thi nga ṱavhanyi u pfuluwa, ndi kha ḓi ḓo vha na inwi uri ndi ni khwaṱhise, ndi engedze dakalo ḽine na vha naḽo nge na fulufhela Muṋe washu.

1 VHATHESALONIKA 5:16

Takalani misi yoṱhe;

1 PITROSI 1:8

Naho ni sa athu vhona Yesu Khristo ni a mu funa. Naho na zwino ni sa khou mu vhona nga maṱo, ni a mu fulufhela, na pembela nga dakalo ḽi sa wanali fhano fhasi, dakalo ḽine maipfi a muthu a kundwa u ḽi bula,

1 JOHANISI 1:4

Ri ni ṅwalela hezwi uri ri takale tshoṱhe.

2 JOHANISI 1:12

Naho ndi tshi kha ḓi vha na manzhi ane nda ṱoḓa u ni vhudza ndi vhona uri ndi khwiṋe ndi sa tou a ṅwala. Ndi fulufhela uri ndi ḓo tou ḓa ra amba ro livhana. Ndi hone dakalo ḽashu ḽi tshi ḓo tou fhufhuma.