JOHANISI 12:5 - BIVHILI KHETHWA Mafhungo Madifha

⁵ “Enea mapfura ane a rengwa nga malamba a muthu wa munna a ṅwaha woṱhe! Khezwi a songo rengiswa, tshelede ya ṋewa zwayo vhashai?”

JOHANISI 12:5 Iomraidhean Croise

ESRA 4:14

Zwino vhunga riṋe ri tshi ḽa zwi bvaho pfamoni, ri vhona zwi songo fanela ri tshi vhona khosi i tshi nyadziwa, ri khou swikisa mafhungo haya uri ri ḓivhadze vhone vhamusanda,

EKISODA 5:17

Ene a fhindula a ri, “Ni a bvafha, a hu na zwiṅwe, ndi zwine na ri ndi ni litshe ni ṱuwe ni yo ṋekedza Yahavee tshiṱhavhelo.

EKISODA 5:8

Naho zwo ralo ni vhone uri tshivhalo tsha zwidina tshi ḓi vha tshenetshiḽa, ni songo vhuya na fhungudza. Vha a bvafha, ndi zwine tshililo tshavho tsha ri, ‘Ri litsheni ri yo ṋekedza Mudzimu washu tshiṱhavhelo.’

AMUSI 8:5

Ni ri, “Ṅwedzi muswa u ḓo fa lini ra rengisa mavhele ashu? Sabatha i ḓo fhela lini ra rengisa goroi yashu? Ri ḓo konou tsisela mielo fhasi, ra gonyisa mutengo, ra fhura nga zwikalo zwi si zwa ngoho,

MATIOSI 18:28

“Hone uyo mushumi a tshi bva henefho a mbo ḓi ṱangana na muṅwe mushumi ngae we a mu pamba dziranndanyana; a mbo ḓi mu fara nga mukulo a mu tshipa a ri, ‘Lifha mulandu wanga!’

MATIOSI 20:2

A langana na vhashumi uri u ḓo vha fha malamba a ḓuvha nga ḓuvha, a konou vha rumela tsimuni.

LUKASI 12:33

Rengisani thundu yaṋu, tshelede ni tonde ngayo vhashai. Ḓiṱoḓeleni zwipatshi zwi sa ṱahali, zwa lupfumo lu sa fheli lwa ngei ṱaḓulu; hune ha sa ḓo vhuya ha sendela fobvu kana ha dzhena tshifheṱi.

LUKASI 18:22

Yesu a tshi pfa zwenezwo a ri, “Ho tou sala tshithihi fhedzi tshine na fanela u tshi ita: rengisani zwoṱhe zwine na vha nazwo, ni kovhele vhashai tshelede; lwaṋu lupfumo ni ḓo lu wana ṱaḓulu. No no ita zwenezwo, ni ḓe ni vhe mufunziwa wanga.”

LUKASI 6:41

“Khezwi ni tshi kona u sedza lufhanza lu re iṱoni ḽa murathu waṋu ngeno danda ḽi re iṱoni ḽaṋu ni sa ḽi londi?

JOHANISI 12:4

Zwino muṅwe mufunziwa wa Yesu we a vho ḓo mu fheṱa, a no pfi Judasi Iskariote a ri,

JOHANISI 12:6

A tshi ralo ho vha hu si u lilela vhashai, ndi ngauri o vha e fobvu, e ene mufaratshikwama, a tshi ḓi ita a tshi ṱumbulanyana.

JOHANISI 13:29

Vhunga Judasi o vha e ene mufaratshikwama vhaṅwe vhafunziwa vho ri khamusi Yesu o mu ruma u renga zwiṅwe zwithu zwa vhuṱambo, kana uri a yo fha zwifhiwa vhashai.

JOHANISI 6:7

Filipi a fhindula a ri, “Naho hu nga rengwa vhurotho ha maseṱha a no fhira 200, muṅwe na muṅwe a nga tou wana kugaku vha ḓi ṱahela.”