JOHANISI 11:51 - BIVHILI KHETHWA Mafhungo Madifha

⁵¹ Huno a tshi ralo zwo vha zwi sa khou tou bva kha ene muṋe; o vha a tshi khou tou porofita, vhunga o vha e ene tshifhe muhulu wonoyo ṅwaha, hu u amba uri Yesu u ḓo fela lushaka lwoṱhe,

JOHANISI 11:51 Iomraidhean Croise

EKISODA 28:30

Kha itsho tshipilakhana tsha u haṱula u nambatedze na madeṅwa makhethwa uri Aroni a vhe e nazwo khanani yawe musi a tshi dzhena hune Nṋe Yahavee nda vha hone. Zwenezwo Aroni a tshi ḓa phanḓa ha Nṋe Yahavee, khanani yawe u ḓo dzula o ambara tshine tsha nga mu farisa u haṱula Vhaisraele.

DANIELE 9:26

Musi hu tshi fhira tshifhinga tshenetsho, murangaphanḓa we a nangwa nga Mudzimu u ḓo vhulawa a si na tshawe. Muḓi na thembele zwi ḓo phusukanywa nga vhathu vha muvhusi ane a ḓo ḓa, zwa fhela zwa nga zwo kumbiwa nga muḓalo wa maḓi zwa vhuya zwa fhela hu tshi kha ḓi vha na nndwa na phusuphusu zwe zwa dzula zwo ambiwa.

NUMERI 22:28

Ndi hone Muṋe washu a tshi ṋea donngi maanḓa a u kona u amba, ya amba na Biliamu ya ri, “Ndo vha tshinyani? Vho nthwelani vha ita luraru?”

NUMERI 24:2

Biliamu a tshi sedza a vhona Vhaisraele vho ṱoka mishasha zwi tshi ya nga matsinde avho. Muya wa Mudzimi a ḓa khae,

MATIOSI 20:28

unga na Mubebwa-nga-muthu a songo ḓa u shumelwa, o ḓa u shumela vhaṅwe na uri a fe a vhe tshipfumelo tsha u vhofholola vhanzhi.”

JOHANISI 11:49

Muṅwe wavho a no pfi Khayafasi we a vha e ene tshifhe muhulu wonoyo ṅwaha a ri, “Inwi a ni na tshine na ḓivha!

JOHANISI 18:13

vha thoma u mu isa ha Anasi makhulu wa Khayafasi we a vha e tshifhe muhulu wonoyo ṅwaha.

1 VHAKORINTA 13:2

Naho nda porofita, nda ṱalukanya zwiphiri zwoṱhe, nda vha na nḓivho yoṱhe; nda vhuya nda vha na lutendo lwa u sudzulusa dzithavha, lufuno ndi si na, a thi tshithu.

2 VHAKORINTA 5:21

Khristo o vha a si na vhutshinyi, naho zwo ralo Mudzimu a ita uri a nge mutshinyi, uri riṋe ri pfumelelwe nga u itwa vhathihi nae.

VHAGALATA 3:13

Hone Khristo Ene o ri rengulula kha u teketelwa he ra ḓiovhela nga u kundwa u khunyeledza Mulayo, a vha muteketelwa nga mulandu washu. Maṅwalo na one a ri, “Ane a vhuya a tou nembeledzwa kha thanda, o teketelwa.”

1 PITROSI 2:24

Ene o ḓihwesa vhutshinyi hashu muvhilini wawe musi a tshi vhambwa kha thanda, uri ri kone u ṱutshela vhutshinyi ri tshilele vhuvhuya. No fhodzwa nga mbonzhe dzawe.

1 PITROSI 3:18

Khristo na Ene o fela vhutshinyi haṋu kathihi fhedzi zwa vha zwo fhela, Ene muvhuya a fela vha si vhavhuya uri a kone u ni swikisa ha Mudzimu. U vhulawa o vhulawa sa muthu wa ṋama, hone a dovha a vuswa lwa muya.

1 JOHANISI 2:2

Ndi Ene tshipfumelo tsha vhutshinyi hashu, nahone vhu si hashu fhedzi, na ha shango ḽoṱhe.

1 SAMUELE 23:9

Musi Dafita a tshi pfa uri Saulo u khou mu itela tshimbevha, a amba na tshifhe Abiathara a ri, “Nga vha ḓise luvhemba lwa u pakata.”

1 SAMUELE 28:6

Saulo a vhudzisa Muṋe washu, hone Muṋe washu a si mu fhindule nga miloro kana nga madeṅwa makhethwa kana nga vhaporofita.