JOHANISI 11:11 - BIVHILI KHETHWA Mafhungo Madifha

¹¹ Yesu o no ralo a konou dovha a ri, “Lazaro khonani yashu o eḓela; ndi khou ya henengei uri ndi mu vuse.”

JOHANISI 11:11 Iomraidhean Croise

2 MAHOSI 4:31

Gehasi a fhira phanḓa, a swika a vhea lubaḓa luḽa kha tshifhaṱuwo tsha uyo mutukana, hone ha si pfale tshithu kana ha vhonala tshi no sumbedza uri ṅwana u a tshila. Gehasi a huma a ṱangana na Elisha a mu vhudza a ri, “Mutukana uḽa ho ngo vuwa.”

2 KORONIKA 20:7

Yawee Mudzimu washu, ndi Iwe wo thathaho vhadzulapo vha ḽino shango u swikani ha vhathu vhau Vhaisraele, wa ḽi ṋea vhaḓuhulu vha Abrahamu khonani yau uri ḽi vhe ḽavho lini na lini.

EKISODA 33:11

Muṋe washu o vha a tshi amba na Mushe vho livhana zwifhaṱuwo, unga muthu a tshi amba na khonani yawe, Mushe a konou humela mishashani. Hone muṱhannga we a vha a tshi mu farisa, ene Joshua ṅwana wa Nunu, a ḓi sala denndeni.

YESAYA 41:8

“Hone iwe Israele mulanda wanga, vhana vha Jakopo vhe nda vha nanga, inwi vhaḓuhulu vha Abrahamu khonani yanga,

DANIELE 12:2

Vhanzhi vho eḓelaho ngomu mavuni vha ḓo vuwa: vhaṅwe vha ḓo vutshela u tshila tshoṱhe, vhaṅwe vha ḓo vutshela u shona na u nyadzea lini na lini.

MATIOSI 27:52

Zwalo zwa mbo vulea, mivhili ya vhathu vhanzhi vha Mudzimu vho ri siaho ya vuwa,

MATIOSI 9:24

a amba navho a ri, “Ibvani zwaṋu; ṅwana ho ngo fa o tou eḓela.” Vhathu vha mu nzhonzhowedza.

MARKOSI 5:39

Yesu a dzhena nḓuni a ri, “Ndi bonyongo ḽani-ha iḽi? Ni khou lilelani? Hufha ṅwana uyu a songo fa o tou eḓela.”

JOHANISI 11:10

Hone a tshimbilaho vhusiku u a khukhulwa ngauri ha na tshedza.”

JOHANISI 11:12

Vhafunziwa vha tshi fhindula vha ri, “Muṋe washu, arali o eḓela zwi amba uri u ḓo ṱuwa a tshi vha khwiṋe.”

JOHANISI 11:13

Yesu a tshi ralo vhone vho vha vha tshi vhona unga u amba u eḓela khofhe, matsina Ene o vha a tshi khou amba uri Lazaro ha tsheeho.

JOHANISI 11:3

Vhenevho murathu na mukomana vha mbo laedzela Yesu vha ri, “Muṋe washu, khonani yavho i a lwala.”

JOHANISI 3:29

Muselwa ndi wa mukwasha; khonani ya mukwasha tshayo i takadzwa nga maanḓa nga u pfa ipfi ḽa mukwasha, yone yo ḓiimela zwayo yo thetshelesa. Nṋe na ḽanga dakalo ḽo tou ralo; ndi hone zwino ḽo khunyelela.

MISHUMO 7:60

A wa nga magona, a ṱavha mukosi a ri, “Muṋe wanga, vha hangwele vhutshinyi uvhu!” A ri u ralo a welela.

1 VHAKORINTA 15:18

Ndi musi na vho ri siaho vhe vha Khristo vho lovha tshoṱhe.

1 VHAKORINTA 15:34

Dzivhuluwani ni laṱe vhutshinyi haṋu. A si u shonisa hazwo vhaṅwe vhaṋu vha sa ḓivhi Mudzimu!

1 VHAKORINTA 15:51

Zwino-ha ndi ni phulela tshiphiri asitshi: a ri nga fi roṱhe; u shandukiswa ri ḓo shandukiswa roṱhe,

VHAEFESA 5:14

Tshiṅwe na tshiṅwe tsho bviselwaho tshedzani tshi vhonala zwavhuḓi. Ndi zwine ri tshi imba ra ri, “Iwe wo lalaho, karuwa! Karuwa u vuwe vhafuni, Khristo a u vhonetshele.”

DOTORONOMIO 31:16

Muṋe washu a amba na Mushe a ri, “Hu si kale u ḓo fa. Wó no fa holu lushaka lu ḓo ntshandukela lwa yo ita vhupombwe na midzimu isili ya shango iḽo ḽine vha khou ya khaḽo. Vha ḓo nṱutshela vha vhofholola mulanga wanga we nda vhofha navho.

1 VHATHESALONIKA 5:10

Ene we a ri fela uri naho ro karuwa ri vha tshilaho a tshi vhuya, nangwe ro eḓela na vho faho, ri kone u ḓo tshila roṱhe nae.

JAKOPO 2:23

Ndi hone hu tshi khunyelela aḽa e a ṅwalwa ha pfi, “Abrahamu o fulufhela Mudzimu, ndi zwe a pfi muvhuya ngazwo.” A dovha a pfi khonani ya Mudzimu.