JOHANISI 11:10 - BIVHILI KHETHWA Mafhungo Madifha

¹⁰ Hone a tshimbilaho vhusiku u a khukhulwa ngauri ha na tshedza.”

JOHANISI 11:10 Iomraidhean Croise

DZIPHISALEMA 27:2

Maswina anga na vhavhi vha lwaho na nṋe vha tshi nndodela vha tshi ri vha mponde, vha ḓo khukhulwa vha wa.

MUFUNZI 2:14

Ndi uri muṱali u vhona hune a ya, ngeno tsilu ḽi tshi tshimbila swiswini. Tshiṅwe ngetshi: Vhoṱhe vhuvhili havho vho livhiwa nga zwithihi.

JEREMIA 13:16

Hulisani Muṋe washu Mudzimu waṋu a sa athu ḓisa swiswi, milenzhe yaṋu i sa athu khukhulwa thavhani dzi no khou swifhala, na ḓo fulufhela tshedza, hone Ene a tshi shandula swiswi ḽa tou bodo.

JEREMIA 20:11

Hone Muṋe washu u ima na nṋe unga muhali a ofhisaho; zwenezwo vhatovholi vhanga vha ḓo khukhulwa, a vha nga koni tshithu. Vha ḓo kundwa vha shona tshoṱhe; u nyadziwa havho a hu nga vhuyi ha hangwiwa.

MATIOSI 13:21

hone vhunga hu si na hune ḽa nga ṱoka midzi khae, ha lengi u wa. A tshi vho ṱhuphelwa ipfi ḽa Mudzimu na u tovholelwa ḽone u mbo ḓi gunea na zwenezwo.

JOHANISI 11:11

Yesu o no ralo a konou dovha a ri, “Lazaro khonani yashu o eḓela; ndi khou ya henengei uri ndi mu vuse.”

JOHANISI 11:9

Yesu a ri, “A thi ri ḓuvha nga masiari ḽi na awara dza 12? Muthu a tshimbilaho masiari ha khukhulwi, ngauri fhano shangoni hu vha hu na tshedza.