JOHANISI 10:3 - BIVHILI KHETHWA Mafhungo Madifha

³ Onoyo, mulindamuṋango u a mu vulela, mulisa a vhidza nngu dzawe nga madzina, dzone dza mu pfa, a bva nadzo.

JOHANISI 10:3 Iomraidhean Croise

DZIPHISALEMA 80:1

Ri pfe, Iwe Mulisa wa Israele, Iwe une wa endedza Josefa unga sambi ḽa nngu, Iwe une wa dzula kha khuluṋoni vhukati ha vhakherube,

EKISODA 33:17

Muṋe washu a vhudza Mushe a ri, “Ndi ḓo ita zwenezwo zwe wa nkhumbela, ngauri ndi a u ḓivha zwavhuḓivhuḓi nahone ndi a u takalela.”

MIRERO 27:23

Sedza mutakalo wa nngu dzau, londola kholomo dzau;

LUIMBOIMBO 8:13

Inwi mufunwa wanga ni dzulaho tsimuni ya miri, kha ndi pfe ipfi ḽaṋu; khonani dzanga dzo lindela u ni pfa ni tshi amba!

YESAYA 40:11

U khou vha londola unga mulisa a tshi lisa sambi ḽawe: u takula ngwana nga zwanḓa, a dzi kuvhatedza khanani yawe, vhomme adzo a vha endedza zwavhuḓi.”

YESAYA 42:16

ndi ḓo endedza vhathu vhanga vha mabofu nḓilani ine vha sa i ḓivhe nda vha tshimbidza gondoni ḽe vha si ḽi ḓowele, nda vha shandukisela swiswi ḽa vha tshedza, hu sa tshimbilei nda ita uri hu tshimbilee. Hezwo ndi ḓo zwi ita, a thi nga litshi u zwi ita.

JOHANISI 10:14

Nṋe ndi mulisa wa ndele. Unga Khotsi a tshi nnḓivha na Nṋe ndi tshi mu ḓivha, nngu dzanga ndi dzi ḓivha nga u ralo, na dzone dzi nnḓivha nga u ralo. Hafhu ndi kumedza vhutshilo hanga ndi tshi itela nngu dzanga.

JOHANISI 10:16

“Ndi tshee na dziṅwe nngu dzanga dzi sa athu dzhena kha tshino tshitumba. Na dzenedzo ndi fanela u dzi ḓisa; dzi ḓo pfa ipfi ḽanga, dza vha sambi ḽithihi ḽi re na Mulisa muthihi.

JOHANISI 10:4

Musi o no bvisa nngu dzawe dzoṱhe, u dzi ranga phanḓa, dzone dza mu tevhela, ngauri dzi ḓivha ipfi ḽawe.

JOHANISI 10:9

“Muṋango ndi Nṋe. Ane a dzhena nga Nṋe u ḓo tshidzwa; u ḓo dzhena a tshi bva a wana pfulo.

JOHANISI 6:37

Muṅwe na muṅwe we Khotsi a nkumedza u ḓo ḓa kha Nṋe; ane a ḓa kha Nṋe a thi nga mu pandeli,

JOHANISI 6:45

Hufha vhaporofita vha tshi ṅwala vho ri, ‘Vhoṱhe vha ḓo tou funzwa nga Mudzimu!’ Zwino muṅwe na muṅwe ane a thetshelesa Khotsi, a dovha a funzwa ngae, u ḓa ngeno kha Nṋe.

VHAROMA 8:30

Vhenevho vhe a vha ta, o vha vhidza; vhe a vha vhidza o ri vha pfi vhavhuya; vhe a ri vha pfi vhavhuya o vha ṋea vhugala.

1 VHAKORINTA 16:9

ngauri henefhano Mudzimu o mmvulela gondo ḽa u shuma mushumo muhulwane, naho hu na vhahanedzi vhanzhi.

VHAFILIPI 4:3

Na inwi mushumi nga nṋe a fulufhedzeaho, ndi ni humbela uri ni farise vhasadzi havho. Vho ḓidina vhe na nṋe na Klementsi na vhaṅwe vhashumisani na riṋe ri tshi anḓadza mafhungo maḓifha. Avho madzina avho a buguni yo ṅwalwaho maḽaifa a vhutshilo.

VHAKOLOSA 4:3

Ni ri rabelele-vho uri Mudzimu a ri vulele nḓila, ri kone u ḓivhadza vhathu tshiphiri tsha Khristo tshe nda farelwa tshone zwino.

2 TIMOTI 2:19

Naho zwo ralo muteo wo khwaṱhaho wo tewaho nga Mudzimu u nga si dzinginyee. Khawo ho ṅwalwa ha pfi, “Muṋe washu vha re vhawe u a vha ḓivha,” ha dohwa ha pfi, “Ane a ri ndi wa Muṋe washu nga a furalele vhuvhi.”

1 PITROSI 1:12

Vho vhudzwa uri naho vho ḓivhadza ayo mafhungo o vha a songo vha livha, o vha o livha inwi. Ndi uri zwino Muya Mukhethwa ó rumiwa ngeno fhasi a tshi bva ṱaḓulu, ndi nga maanḓa awe vhaḓivhadzi vha ayo mafhungo maḓifha vho kona u a ḓivhadza – mafhungo ane na vharuṅwa vha tama u a vhona.

1 JOHANISI 4:6

Riṋe ri vha Mudzimu; ane a ḓivha Mudzimu u a ri thetshelesa. A si wa Mudzimu ha ri thetshelesi. Ndi zwone zwine ra kona u ṱalukanya ngazwo Muya wa ngoho na wa vhufhura.

3 JOHANISI 1:14

Ndi fulufhela uri ndi ḓo ḓa hu si kale ra ḓo konou amba ro livhana.

NZUMBULULO 20:15

Muṅwe na muṅwe we dzina ḽawe ḽa vha ḽi songo ṅwalwa buguni ya vha tshilaho a kudzwa ishani ḽeneḽo ḽa mulilo.

NZUMBULULO 3:20

Ndi fhano, ndo ima muṋangoni, ndi khou khokhonya. Ane a pfa ipfi ḽanga a mmvulela, ndi dzhena nḓuni yawe ra dzula fhasi ra ḽa roṱhe.

NZUMBULULO 7:17

“Ngwana i re vhukati ha khuluṋoni i ḓo vha lisa, ya vha endedza ya vha isa zwisimani zwa maḓi a ṋeaho vhutshilo. Mudzimu Ene u ḓo vha fhuluṱa miṱodzi.”