JOHANISI 10:25 - BIVHILI KHETHWA Mafhungo Madifha

²⁵ Yesu a fhindula a ri, “Hufha ndo no ḓi ni vhudza na si tende! Mishumo ine nda i ita nga dzina ḽa Khotsi anga i a nṱanzilela;

JOHANISI 10:25 Iomraidhean Croise

JOHANISI 10:38

Hone arali ndi tshi khou ita yone, fulufhelani-ha yone mishumo, naho Nṋe ni sa mpfulufheli, ndi hone ni tshi ḓo vhona na mbo ḓi ḓivha tshoṱhe uri Khotsi u kha Nṋe, Nṋe ndi kha Khotsi.”

JOHANISI 8:58

Yesu a fhindula a ri, “Zwino ipfani-ha: Abrahamu a sa athu bebiwa, ndi ḓi vha ane nda vha ene.”

JOHANISI 14:11

Tendani zwenezwo zwine nda ri Nṋe ndi kha Khotsi, Khotsi u kha Nṋe. Arali zwa kunda, izwo tendani nga u vhona mishumo ine nda shuma.

VHAHEBERU 2:3

Zwino-ha riṋe ri ḓo ponyoka hani arali ri sa londi u tshidzwa hohu hungafhangafha? Ro thoma u hu ḓivhadzwa nga Muṋe washu Ene muṋe, zwa sala zwi tshi khwaṱhiswa nga vhe vha mu pfa.

MISHUMO 10:38

Ndi amba zwa Yesu wa Nazaretha we Mudzimu a mu ta a mu ṋea Muya Mukhethwa na maanḓa, a tshimbila hoṱhe a tshi tonda vhathu khathihi na u fhodza vhoṱhe vhe vha vha vho tsikeledzwa nga diabolo, ngauri Mudzimu o vha e nae.

JOHANISI 20:30

Hu tshee na maḓembe manzhi e Yesu a a ita, zwa vha zwiga zwe vhafunziwa vhawe vha zwi vhona. Ndi zwiga zwi songo ṅwalwaho buguni iyi.

JOHANISI 12:37

Naho o vha o vha sumbedza zwiga zwa maḓembe mangafho, vha tshi tou zwi vhona nga maṱo, a vho ngo mu fulufhela,

JOHANISI 11:47

Ndi hone Vhafarisei na vhotshifhe vhahulwane vha tshi ramba Khoro ya Majuda vha ri, “Nṋa ri nga tou zwi ita hani? Edzonu vhona maḓembe ane munna uyu a khou ita!

JOHANISI 10:32

Yesu a vha vhudza a ri, “Ndo ni sumbedza mishumo minzhi mivhuya ye nda shuma nga maanḓa a Khotsi anga; zwino ndi ufhio mushumo une na khou ṱoḓa u mmbulahela wone?”

JOHANISI 8:24

Ndi zwe nda ni vhudza nda ri ni ḓo fela vhutshinyini haṋu. Nangoho ni ḓo fela vhutshinyini haṋu arali ni sa tendi uri ‘Ndi ane nda vha Ene’.”

JOHANISI 8:12

Yesu a dovha u amba na vhathu a ri, “Nṋe ndi tshedza tsha shango. Ane a vha mufunziwa wanga ha nga tshimbili swiswini, u ḓo vha na tshedza tshi re vhutshilo.”

JOHANISI 7:31

Hone vhanzhi kha gogo ḽeneḽo vha mu fulufhela vha ri, “Kani Mesia a tshi ḓa u kha ḓi ḓo ita maṅwe maḓembe a fhiraho e uyu a ita?”

JOHANISI 3:2

Onoyo o vhuya a ya ha Yesu vhusiku a ri, “Vhafunzi vhanga, ri a zwi ḓivha uri vhone vho tou ruṅwa nga Mudzimu u ḓa u funza vhathu, ngauri a hu na muthu ane a nga kona u ita haya maḓembe ane vhone vha ita arali Mudzimu a si nae.”

MISHUMO 2:22

“Vhaisraele vha hashu, edzonu pfa! Yesu wa Nazaretha ndi munna we Mudzimu a sumba nga maḓembe na mishumo i kanukisaho na zwiga zwe a ita ngae uri ni mu ḓivhe; hezwi inwi vhaṋe ni a zwi ḓivha vhunga zwo itwa ni tshi zwi vhona.

JOHANISI 8:56

“Khotsi aṋu Abrahamu o pembela ó lavhelela u ḓa hanga; nangoho a ri u zwi vhona a takala.”

JOHANISI 10:37

Arali ndi sa khou ita mishumo ya Khotsi anga ni songo mpfulufhela.