JOHANISI 10:18 - BIVHILI KHETHWA Mafhungo Madifha

¹⁸ A si uri vhutshilo hanga ndi khou tou dzhielwa nga muṅwe. Nṋe muṋe ndi tou vhu kumedza ndi tshi zwi funa. Ndi na maanḓa a u vhu kumedza, nda dovha nda vha na maanḓa a u vhu dzhiulula, ngauri ndo tou laiwa nga Khotsi anga uri ndi ite zwenezwo.”

JOHANISI 10:18 Iomraidhean Croise

JOHANISI 10:11

“Ndi Nṋe mulisa wa ndele. Mulisa wa ndele u kumedza vhutshilo hawe a tshi itela nngu dzawe.

JOHANISI 10:17

“Ndi zwone zwine Khotsi anga a mpfunela zwone, ngauri ndi kumedza vhutshilo hanga uri ndi dovhe ndi vhu wane.

JOHANISI 14:31

Hone shango ḽi fanela u ḓivha uri Nṋe ndi funa Khotsi, ndi ita zwenezwo zwe a nndaya. “Takuwani ri ṱuwe.

JOHANISI 15:10

Arali ni tshi tevhedza ndaela dzanga ndi ḓo ḓi dzula ndi tshi ni funa, zwa nga Nṋe ndo tevhedza ndaela dza Khotsi anga, a ḓi dzula a tshi mpfuna.

JOHANISI 19:11

Yesu a fhindula a ri, “Vho vha vha tshi ḓo vha vha si na maanḓa na maṱukuṱuku kha Nṋe arali vho vha vha songo tou a fhiwa a tshi bva ṱaḓulu. Ndi zwine mulandu muhulwane wa vha wa uyo we a nkumedza vhone.”

JOHANISI 5:26

Vhunga Khotsi e Muṋe wa vhutshilo, o ita uri na Murwa a vhe Muṋe wa vhutshilo.

JOHANISI 5:30

“Nṋe a thi koni u ita tshithu nga ndoṱhe; ndi haṱula nga hune Mudzimu a ri ndi haṱule ngaho. Ndi tshi haṱula a thi na tshiṱalula, ngauri a thi iti zwine nda funa Nṋe muṋe, ndi ita zwi funwaho nga we a nthuma.

JOHANISI 6:38

vhunga ndi tshi tsa ndi tshi bva ṱaḓulu ndi songo ḓela u ita zwine Nṋe nda funa, ndó ḓela u ita zwine zwa funwa nga o nthumaho.

MISHUMO 2:24

Hone Mudzimu o mu vusa vhafuni, a mu lamukisa kha vhuṱungu ha lufu, zwi sa tsha konadzea uri lufu lu dzule lwo mu fara.

MISHUMO 2:32

“Onoyo Yesu Mudzimu o mu vusa vhafuni, huno riṋe roṱhe ri ṱhanzi dzazwo.

MISHUMO 3:15

na vhulaha Ene a ni isaho vhutshiloni. Mudzimu Ene o mu vusa vhafuni, nazwino riṋe ri dziṱhanzi dzazwo.

TITOSI 2:14

Ene Yesu Khristo o ḓikumedza lufu a tshi itela riṋe uri a ri vhofholole vhuvhini hoṱhe a ṱanzwe mbilu dzashu ri vhe lushaka lwawe e eṱhe, ro ḓiimisela u shuma mishumo mivhuya.

VHAHEBERU 2:9

Ane ra mu vhona ndi Yesu we a vha o ṱukufhadzwa a tambula nga lufu e fhirwi nga vharuṅwa tshifhinganyana, uri nga khathutshelo ya Mudzimu a fele vhoṱhe, a konou ambadzwa khare ya vhugala na khuliso.