JOHANISI 10:11 - BIVHILI KHETHWA Mafhungo Madifha

¹¹ “Ndi Nṋe mulisa wa ndele. Mulisa wa ndele u kumedza vhutshilo hawe a tshi itela nngu dzawe.

JOHANISI 10:11 Iomraidhean Croise

2 SAMUELE 24:17

Musi Dafita a tshi vhona muruṅwa we a vha a tshi khou vhulaha vhathu, a amba na Muṋe washu a ri, “Ndi nṋe we nda tshinya, nda khakha. Huno avha ndi nngu zwadzo. Vho itani? Tshanḓa tshau nga tshi lifhedze nṋe na nnḓu yanga.”

DZIPHISALEMA 23:1

Muṋe washu ndi Mulisa wanga, tshi shayi tshithu.

DZIPHISALEMA 80:1

Ri pfe, Iwe Mulisa wa Israele, Iwe une wa endedza Josefa unga sambi ḽa nngu, Iwe une wa dzula kha khuluṋoni vhukati ha vhakherube,

YESAYA 40:11

U khou vha londola unga mulisa a tshi lisa sambi ḽawe: u takula ngwana nga zwanḓa, a dzi kuvhatedza khanani yawe, vhomme adzo a vha endedza zwavhuḓi.”

YESAYA 53:6

Roṱhe ro vha ri tshi nga nngu dzo xelaho, muṅwe na muṅwe ó fara yawe nḓila, hone Muṋe washu a mu hwesa milandu yashu roṱhe.

ESEKIELE 34:2

“Iwe ṅwana wa muthu, porofita u tshi haṱula vhalisa vha Israele; porofita u vha vhudze u ri, ‘Inwi vhalisa, Muṋe wa zwoṱhe Yahavee u ri: Khombo i ḓo wela vhalisa vha Israele vhane vha ḓifusha vhone vhaṋe! Tsha mulisa a si u lisa sambi ḽawe ḽa dzinngu naa?

ESEKIELE 34:23

“Ndi ḓo vhea mulisa muthihi, ene mulanda wanga Dafita, nda mu vhea uri a dzi lise, u ḓo dzi fulisa a vha mulisa wadzo.

ESEKIELE 37:24

Mulanda wanga Dafita u ḓo vha vhusa, u ḓo vha mulisa wavho vhoṱhe; vha ḓo tevhedza ndayo dzanga, vha vhulunga milayo yanga vha i pfa.

MIKA 5:4

U ḓo takuwa a lisa sambi ḽawe ḽa nngu nga maanḓa a no bva ha Muṋe washu, nga vhugala ha dzina ḽa Muṋe washu Mudzimu wawe ḽi re na bvumo. Vha ḓo dzula vha sa ofhi tshithu, ngauri vhuhulu hawe vhu ḓo vhonala u swika vhugumoni ha ḽifhasi.

ZAKARIA 13:7

Muṋe washu Mulangazwoṱhe u ri, “Iwe pfumo, vuwa u runge mulisa wa nngu dzanga! Vhulaha mulisa, nngu dzi balangane! Tshanḓa tshanga tshi ḓo rwa na dzone ngwana.”

MATIOSI 20:28

unga na Mubebwa-nga-muthu a songo ḓa u shumelwa, o ḓa u shumela vhaṅwe na uri a fe a vhe tshipfumelo tsha u vhofholola vhanzhi.”

JOHANISI 10:2

Ane a dzhena nga muṋango ndi Ene mulisa wa nngu.

JOHANISI 15:13

“A hu na lufuno lune lwa fhira lwa muthu ane a fela khonani dzawe.

VHAEFESA 5:2

Vhutshilo haṋu nga vhu langwe nga lufuno, sa zwe Khristo a ri funa a vhuya a kumedza vhutshilo hawe a tshi itela riṋe, zwa nga nduvho na tshiṱhavhelo tshi fhiswaho tshi takadzaho Mudzimu.

TITOSI 2:14

Ene Yesu Khristo o ḓikumedza lufu a tshi itela riṋe uri a ri vhofholole vhuvhini hoṱhe a ṱanzwe mbilu dzashu ri vhe lushaka lwawe e eṱhe, ro ḓiimisela u shuma mishumo mivhuya.

VHAHEBERU 13:20

Muṋe washu Yesu ndi Mulisa muhulu wa dzinngu. Mudzimu Ṋemulalo o mu vusa vhafuni nga malofha a khwaṱhisaho mulanga u sa gumi.

1 PITROSI 5:4

Ndi hone Mulisa muhulwane a tshi ḓo ri a tshi vhuya a ḓo kona u ni ṋea muṅene u sa ṱahali, hone vhutshilo ha vhugala.

1 JOHANISI 3:16

Zwine ra ḓivha ngazwo uri lufuno ndi mini asizwi: Khristo o kumedza vhutshilo hawe lufuni a tshi itela riṋe, izwo na riṋe ri fanela u itelana zwenezwo.

NZUMBULULO 7:17

“Ngwana i re vhukati ha khuluṋoni i ḓo vha lisa, ya vha endedza ya vha isa zwisimani zwa maḓi a ṋeaho vhutshilo. Mudzimu Ene u ḓo vha fhuluṱa miṱodzi.”