JOHANISI 1:51 - BIVHILI KHETHWA Mafhungo Madifha

⁵¹ A vha vhudza a ri, “Zwino ipfani-ha: ni ḓo vhona ḽiṱaḓulu ḽo vulea, vharuṅwa vha Mudzimu vha tshi gonya vha tshi tsela kha Mubebwa-nga-muthu!”

JOHANISI 1:51 Iomraidhean Croise

GENESI 28:12

A lora a tshi khou vhona nḓila ya tshitizi tsho ima fhasi, nga nṱha hayo i tshi swika makoleni, vharuṅwa vha Mudzimu vha tshi gonya vha tshi tsa ngayo.

ESEKIELE 1:1

Muṋe washu a tshi thoma u amba na Esekiele ḽo vha ḽi ḓuvha ḽa vhuṱanu ḽa ṅwedzi wa vhuṋa wa ṅwaha wa vhuṱanu tshee khosi Jehoyakhini a thubelwa Babele. Esekiele ndi ṅwana wa tshifhe a no pfi Buzi. Vhukuma, Muṋe washu a amba nae henefho shangoni ḽa Vhakhaladia he Vhaisraele vha thubelwa hone, khunzikhunzini ya mulambo wa Khebara; lutombo lwa vulea Mudzimu a mu sumbedza mabono, Muṋe washu a vhea tshanḓa tshawe khae a mu ita muḓinḓa wawe. Zwenezwo Esekiele o vha e na miṅwaha ya 30.

ZAKARIA 13:7

Muṋe washu Mulangazwoṱhe u ri, “Iwe pfumo, vuwa u runge mulisa wa nngu dzanga! Vhulaha mulisa, nngu dzi balangane! Tshanḓa tshanga tshi ḓo rwa na dzone ngwana.”

MATIOSI 25:31

“Musi Mubebwa-nga-muthu a tshi vhuya e vhugalani hawe e na vharuṅwa vhoṱhe, ndi hone a tshi ḓo dzula kha khuluṋoni yawe ya vhugala.

MATIOSI 26:24

Zwe Maṅwalo a tela Mubebwa-nga-muthu zwi ḓo ṱuwa zwi tshi itea, hone hoyo ane a ḓo mu fheṱa u ḓo zwi vhona. Onoyo u ḓo ita na u ḓisola zwe a vhuya a bebwa.”

MATIOSI 3:16

Yesu a ri u lovhedzwa, a tshi bva maḓini ḽiṱaḓulu ḽa mbo ḓi vulea, Johanisi a vhona Muya wa Mudzimu a tshi tsa e kha tshivhumbeo tsha ḽiivha a kavha kha Yesu.

MATIOSI 4:11

Ndi hone diabolo a tshi mu ṱutshela, ha ḓa vharuṅwa vha mu thakha vha mu shumela.

MATIOSI 8:20

Yesu a mu fhindula a ri, “Phunguhwe dzi na milindi, na zwiṋoni zwi na zwiṱaha; a nga vha Mubebwa-nga-muthu ha na ha u siamedza ṱhoho a lala.”

MATIOSI 9:6

Hone Nṋe ndi ḓo ni sumbedza uri Mubebwa-nga-muthu u na maanḓa a u hangwela muthu vhutshinyi fhano fhasi.” Ndi hone a tshi vhudza uḽa munna o omaho miraḓo a ri, “Takuwani zwaṋu ni hwale hingo ḽaṋu ni ye hayani.”

MARKOSI 1:10

Musi Yesu a tshi bva maḓini, kathihi fhedzi a vhona lutombo lu tshi fhanduwa, Muya Mukhethwa a tshi khou tsela khae e kha tshivhumbeo tsha ḽiivha.

MARKOSI 14:62

Yesu a ri, “Ndi Nṋe. Noṱhe ni ḓo vhona ‘Mubebwa-nga-muthu o dzula thungo ya tshauḽa tsha Ramaanḓa vha vhusa vhoṱhe. U ḓo vhuya e kha gole.’ ”

LUKASI 2:13

Ndi hone henefho tsini ha muruṅwa hu tshi mbo ḓi bvelela mmbi khulu ya vharuṅwa vha ṱaḓulu vha tshi khou renda Mudzimu vha tshi ri,

LUKASI 2:9

Muruṅwa wa Muṋe washu a ima vhukati havho, vha vhonetshelwa nga lupenyo lwa Mudzimu, vha farwa nga nyofho khulu.

LUKASI 22:43

[A vhona muruṅwa a tshi bva ṱaḓulu a tshi ḓa u mu khwaṱhisa.

LUKASI 22:69

Hone u bva zwino Mubebwa-nga-muthu u vho ḓo dzula thungo ya tshauḽa tsha Mudzimu Ramaanḓa a vhusa nae.”

LUKASI 24:4

Vha tshee vho hanganea, vha tshenuwa henefho tsini havho ho no ima vhanna vhavhili vho ambara zwiambaro zwi penyaho.

LUKASI 3:21

Misi iḽa vhathu vhoṱhe vha tshi lovhedzwa, na Yesu a ḓa a lovhedzwa-vho. O no lovhedzwa, a tshi khou rabela, lutombo lwa vulea,

JOHANISI 1:50

Yesu a ri, “Nṋa ni vho tenda nge nda ri ndo ni vhona ni tshi kha ḓi vha fhasi ha muhuyu? Ni kha ḓi ḓo vhona zwihulu zwi fhiraho izwo kule.”

JOHANISI 10:1

“Zwino ipfani-ha: Muthu ane a sia u dzhena tshitumbani tsha nngu nga muṋango, tshawe ha vha u fhufhela nga huṅwe, onoyo ndi fobvu, ndi ḽivemu.

JOHANISI 10:7

Yesu a dovha a ri, “Zwino ipfani-ha: muṋango wa tshitumba tsha nngu ndi Nṋe.

JOHANISI 13:16

Zwino ipfani-ha: A hu na phuli ine ya fhira muṋe wayo; na muḓinḓa ha fhiri we a mu ruma.

JOHANISI 13:38

Yesu a ri, “Ni ri no ḓiimisela u mpfela? Thetshelesani ndi ni vhudze: Mukukulume u sa athu lila ni ḓo vha no no landula luraru na ri a ni nnḓivhi.”

JOHANISI 14:12

Zwino ipfani-ha: Ane a fulufhela Nṋe u ḓo ita-vho mishumo ine Nṋe nda ita; u ḓo ita na i fhiraho yanga, ngauri Nṋe ndi khou ya ha Khotsi.

JOHANISI 16:20

Zwino ipfani-ha: Inwi ni ḓo lila lwa u lila, shango ḽone ḽo ḓitakalela. Inwi ni ḓo ṱungufhala, hone u ṱungufhala haṋu hu ḓo shanduka ha vha dakalo.

JOHANISI 16:23

“Musi wazwo a ni tsha ḓo vhuya na mmbudzisa na tshithu. Zwino ipfani-ha: Zwoṱhe zwine na humbela Khotsi nga dzina ḽanga u ḓo ni fha.

JOHANISI 21:18

Zwino ipfani-ha: Musi ni tshee muswa no vha ni tshi ḓivhofha bannda na ya hune na funa, hone ni tshi kalaha ni ḓo ṋekedza zwanḓa zwaṋu, muṅwe a ni vhofha a ni isa hune ni si hu fune.”

JOHANISI 3:3

Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

JOHANISI 3:5

Yesu a ri, “Zwino kha vha dzou pfa: a hu na ane a ḓo dzhena muvhusoni wa Mudzimu arali a sa athu bebwa zwi tshi bva kha maḓi na Muya Mukhethwa.

JOHANISI 5:19

Yesu a vha vhudza a ri, “Zwino ipfani-ha: Murwa ha koni u ita tshithu nga eṱhe; u ita zwenezwo fhedzi zwine a vhona Khotsi awe a tshi ita. Murwa u ita zwenezwo zwine Khotsi a ita,

JOHANISI 5:27

O kumedza Murwa maanḓa a u haṱula, ngauri Murwa ndi Ene Mubebwa-nga-muthu.

JOHANISI 6:26

Yesu a vha fhindula a ri, “Zwino ipfani-ha: a ni khou nṱoḓa nge na vhona maḓembe anga, ni nṱoḓa nge na ḽa vhuswa na fura.

JOHANISI 6:32

Yesu a ri, “Zwino ipfani-ha: Matsina a si Mushe we a ni ṋea vhuswa vhukuma vhu bvaho ṱaḓulu, ane a ḓi ni fusha nga vhuswa vhukuma vhu bvaho ṱaḓulu ni Khotsi anga.

JOHANISI 6:47

Zwino ipfani-ha: a mpfulufhelaho u na vhutshilo vhu sa gumi.

JOHANISI 6:53

Yesu a vha vhudza a ri, “Zwino ipfani-ha: Na sa ḽa muvhili wa Mubebwa-nga-muthu, na nwa na malofha awe, a ni nga koni u vha na vhutshilo kha inwi.

JOHANISI 8:34

Yesu a vha vhudza a ri, “Thetshelesani ndi ni vhudze: Muthu ane a endela u tshinya o no vha phuli ya hone vhutshinyi.

JOHANISI 8:51

Zwino thetshelesani ndi ni vhudze: Ane a ita zwine nda amba, ha nga thetsheli lufu na kathihi.”

JOHANISI 8:58

Yesu a fhindula a ri, “Zwino ipfani-ha: Abrahamu a sa athu bebiwa, ndi ḓi vha ane nda vha ene.”

MISHUMO 10:11

a vhona ḽiṱaḓulu ḽo vulea hu tshi khou tsiswa tshithu tshi no tou nga pesa ḽihulu ḽa seila ḽo farwa nga khuḓa dzaḽo nṋa.

MISHUMO 7:56

“Ndi khou vhona ḽiṱaḓulu ḽo vulea, na Mubebwa-nga-muthu khouḽaa o ima thungo ya tshanḓa tshauḽa tsha Mudzimu!”

2 VHATHESALONIKA 1:7

a angula inwi ni tambudzwaho, khathihi na riṋe. Izwo u ḓo zwi ita musi Muṋe washu Yesu a tshi ḓidzumbulula a tshi bva makoleni e na vharuṅwa vha no sumbedza maanḓa awe,

2 VHATHESALONIKA 1:9

Vhenevho ṱhamu yavho i ḓo vha ya u lovha tshoṱhe lini na lini, vho fhandekanywa na Muṋe washu, vhe kule na vhugala ha maanḓa awe.

1 TIMOTI 3:16

Tshiphiri itshi tsha u ofha Mudzimu a hu na ane a nga kona u hanedza a ri a si tshihulu: O ḓa shangoni a vha muthu; Muya o sumbedza tshine a vha tshone, a vhonwa na nga vharuṅwa, a ḓivhadzwa tshakha dzoṱhe, shango ḽoṱhe ḽa mu ṱanganedza, a takulwa a ya vhugalani.

VHAHEBERU 1:14

Hone vharuṅwa ndi vhonnyi? A si mimuya zwayo naa i shumelaho Mudzimu, a i ruma u yo shumela vhane vha ḓo tshidzwa?

JUDASI 1:14

Ndi Enokho, uḽa wa murafho wa 7 u bva kha Adamu, we a vha porofita a ri, “Muṋe washu o ḓa na zwigidigidi zwa vharuṅwa vhawe vhakhethwa

NZUMBULULO 19:11

Nda vhona ḽiṱaḓulu ḽo vulea, ha bvelela bere tshena. Munameli wayo u pfi Mufulufhedzea-wa-ngoho. A tshi haṱula na musi a tshi lwa nndwa dzawe ha khakhi.

NZUMBULULO 4:1

Zwo no ralo nda dovha nda vhona ḽiṅwe bono. Ndo vhona muṋango wo vuleaho ngei ṱaḓulu, nda dovha nda pfa ḽiḽa ipfi ḽe nda ranga u ḽi pfa ḽi tshi nga phalaphala, ḽa amba na nṋe ḽa ri, “Gonya ngeno ndi u sumbedze zwi no ḓo itea ngavhuya.”