JOHANISI 1:4 - BIVHILI KHETHWA Mafhungo Madifha

⁴ O vha e Ene vhutshilo, huno vhutshilo honoho tsho vha tshi tshone tshedza tshi vhonetshelaho vhathu.

JOHANISI 1:4 Iomraidhean Croise

DZIPHISALEMA 49:6

vhathu vhane vha ḓitika nga lupfumo lwavho, vha zuwa u anda halwo?

DZIPHISALEMA 84:11

Mudzimu Muṋe washu ndi ḓuvha ḽashu, ndi tshiṱangu, u ri itela vhuthu, a ri hulisa; vho faraho nḓila ya Muṋe washu vha sa vhuyi vha pambuwa, ha vha dzimi tshivhuya na tshithihi.

YESAYA 42:16

ndi ḓo endedza vhathu vhanga vha mabofu nḓilani ine vha sa i ḓivhe nda vha tshimbidza gondoni ḽe vha si ḽi ḓowele, nda vha shandukisela swiswi ḽa vha tshedza, hu sa tshimbilei nda ita uri hu tshimbilee. Hezwo ndi ḓo zwi ita, a thi nga litshi u zwi ita.

MALAKIA 4:2

Hone inwi vhane na ofha dzina ḽanga ni ḓo penyelwa nga ḓuvha ḽi re u fulufhedzea, ḽa ni fhodza nga maṱalazaza aḽo. Ni ḓo khana unga ṋamana dzi tshi bva dangani.

MATIOSI 4:16

vhathu vho dzulaho swiswini vho vhona tshedza tshihulu. Vho dzulaho shangoni he vha tibwa nga gole ḽa lufu, ḽo vha ṱavhela.”

LUKASI 2:32

Ndi Ene tshedza tsha u vhonetshela na dziṅwe tshakha, tsha ṋea vhathu vhau vha Israele thendo.”

JOHANISI 11:25

Yesu a amba nae a ri, “U vuwa ha vhafu ndi Nṋe; vhutshilo ndi Nṋe. Ane a fulufhela Nṋe, naho a fa, u ḓo tshila;

JOHANISI 12:35

Yesu a fhindula a ri, “Tshedza tshi kha ḓi ḓo vha na inwi tshifhinga tshiṱukuṱuku. Tshimbilani zwino tshedza tshi tshee hone uri swiswi ḽi sa ḓo ni fara nḓilani. Hafhu ane a tshimbila swiswini ha ḓivhi hune a ya.

JOHANISI 12:46

Nṋe ndo ḓa shangoni ndi tshedza, uri vhoṱhe vhane vha mpfulufhela vha si tsha dzula swiswini.

JOHANISI 14:6

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

JOHANISI 3:19

Ndi uri mafhungo a khaṱhulo o tou rali: Tshedza tsho ḓa shangoni, vhathu vhone vha takalela swiswi u fhira tshedza nge mishumo yavho ya vha i mivhi.

JOHANISI 5:21

Ndi uri unga Khotsi a tshi vusa vhafu vha dovha vha tshila, na Murwa u ṋea vhutshilo onoyo ane a funa u mu ṋea.

JOHANISI 5:26

Vhunga Khotsi e Muṋe wa vhutshilo, o ita uri na Murwa a vhe Muṋe wa vhutshilo.

JOHANISI 8:12

Yesu a dovha u amba na vhathu a ri, “Nṋe ndi tshedza tsha shango. Ane a vha mufunziwa wanga ha nga tshimbili swiswini, u ḓo vha na tshedza tshi re vhutshilo.”

JOHANISI 9:5

Zwino ndi tshee fhano shangoni ndi Nṋe tshedza tsha shango.”

MISHUMO 26:23

ndi amba zwa uri Mesia u ḓo vhulawa a vha Ene wa u thoma u vuwa vhafuni uri a ḓivhadze Majuda na tshakha dza vhannḓa mafhungo a tshedza.”

1 VHAKORINTA 15:45

Na Maṅwalo a ri, “Adamu muthu wa u thoma o vha tshisikwa tshi tshilaho”; hone Adamu wa u fhiledza a vha Muya a ṋeaho vhutshilo.

VHAEFESA 5:14

Tshiṅwe na tshiṅwe tsho bviselwaho tshedzani tshi vhonala zwavhuḓi. Ndi zwine ri tshi imba ra ri, “Iwe wo lalaho, karuwa! Karuwa u vuwe vhafuni, Khristo a u vhonetshele.”

VHAKOLOSA 3:4

Khristo ndi Ene vhutshilo haṋu. Musi a tshi ḓo dovha a vhonala, ndi hone na inwi ni tshi ḓo vhonala nae ni na vhugala.

1 JOHANISI 1:1

Ri ni ṅwalela nga Ipfi ḽi ri ṋeaho vhutshilo, ḽe ḽa vha ḽi hone u bva mathomoni. Ro zwi pfa nga dzashu nḓevhe, ra zwi vhona nga ashu maṱo, ra zwi sedza, ra zwi kwama nga zwanḓa zwashu.

1 JOHANISI 1:2

Vhutshilo honoho ro vhu dzumbululelwa ra vhu vhona; ri ṱhanzi dzazwo. Zwino riṋe fhano ri ni ḓivhadza zwa vhutshilo vhu sa gumi he ha vha vhu na Khotsi, ha vhuya ha dzumbululelwa riṋe.

1 JOHANISI 5:11

Huno vhuṱanzi uho ndi ha uri Mudzimu o ri ṋea vhutshilo vhu sa gumi, ri vhu wana nga Murwa wawe.

NZUMBULULO 22:1

Muruṅwa a dovha a ntsumbedza mulambo wa maḓi a ṋeaho vhutshilo a penyaho sa ngilasi a tshi bva kha khuluṋoni ya Mudzimu na Ngwana.

NZUMBULULO 22:16

“Nṋe Yesu ndo ruma muruṅwa wanga uri a ḓe a ni ṱanziele zwithu hezwi zwivhidzoni. Ndi Nṋe Mudzi wa Dafita. Ndi Nṋe Masase.”