JOHANISI 1:21 - BIVHILI KHETHWA Mafhungo Madifha

²¹ Vhone vha mu vhudzisa vha ri, “Zwino ri ḓo ri ndi vhone vhonnyi-ha? Kani ndi vhone Vho-Elia zwavho?” “Na onoyo a thi ene.” “Kani ndi vhone uḽa Muporofita we a pfi u ḓo ḓa?” Ene a ri, “Hai.”

JOHANISI 1:21 Iomraidhean Croise

MALAKIA 4:5

Vhonani, ndi ḓo ruma muporofita Elia a ḓa ha inwi, ḓuvha ḽanga iḽo ḽihulu ḽi ofhisaho ḽi sa athu ḓa.

MATIOSI 11:14

Zwino arali ni tshi nga zwi tenda, ndi khou ni vhudza ndi ri: Johanisi ndi ene Elia we a pfi u ḓo ḓa.

MATIOSI 16:14

Vha fhindula vha ri, “Vhaṅwe vha ri ndi Vhone Johanisi Mulovhedzi, vhaṅwe vha ri ndi Vhone Elia; hafhu hu ḓi dovha ha vha na vhaṅwe vhane vha ri ndi Vhone Jeremia kana muṅwe wa vhaporofita vha kale.”

MATIOSI 21:11

Ḽiḽa gogo ḽa fhindula ḽa ri, “Ndi uḽa muporofita, Yesu wa Nazaretha kha ḽa Galelia.”

LUKASI 1:17

U ḓo vha muḓinḓa wa Mudzimu, a re na Muya Mukhethwa na maanḓa a Muporofita Elia. U ḓo pfumedzanya vhabebi na vhana vhavho; vhadzia-u-sa-pfa u ḓo ita uri vha vhe vhavhuya, uri vhathu vha dzule vho lindela Muṋe wavho.”

JOHANISI 1:22

“Zwino ri ḓo ri ndi vhone vhonnyi-ha? Ri fanela u ḓivha uri ri ḓo swika ngei ha vho ri rumaho ra vha vhudza mini. Vhone vhaṋe vha tshi ḓiamba vha ri ndi vhone vhonnyi?”

JOHANISI 1:25

vhone vha vhudzisa vha ri, “Zwino arali vhe si vhone Mesia kana Elia kana ene muporofita khezwi vha tshi lovhedza?”

JOHANISI 6:14

Vhathu vha tshi vhona maḓembe e Yesu a ita vha thoma u ri, “Vhukuma hoyu ndi onouḽa muporofita we a pfi u ḓo ḓa shangoni.”

JOHANISI 7:40

Vhaṅwe vhathu henefho kha gogo ḽeneḽo vha tshi pfa a tshi ralo vha ri, “Nangoho hoyu munna ndi onouḽa Muporofita we a pfi u ḓo ḓa.”