JOHANISI 1:18 - BIVHILI KHETHWA Mafhungo Madifha

¹⁸ A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 1:18 Iomraidhean Croise

GENESI 16:13

Hagara a rina Muṋe washu we a amba nae dzina a ri, “Ndi Iwe Mudzimu ane a mmbona”, nge a ri, “Vhukuma, we a mmbona, nṋe ndo mu vhona-vho!”

GENESI 18:33

Musi Muṋe washu o fhedza u amba na Abrahamu, a ṱuwa, Abrahamu a humela hayani.

EKISODA 23:21

U mu thetshelese, u ite zwine a u vhudza. U songo mu vutshela, o ruṅwa nga Nṋe, a nga si u hangwele vhushandukwa honoho.

EKISODA 24:10

Vha vhona Mudzimu wa Israele, fhasi ha ṋayo dzawe ho vha hu na zwine zwa nga luvhanḓe lwa safire, lwa muvhala wa denga u no fana na lutombo.

MIRERO 8:30

ndo vha ndi nae ndí mutsila wawe. Ndo vha ndi tshi mu takadza misi yoṱhe, ndi tshi ḓiphiṋa ndi nae,

YESAYA 40:11

U khou vha londola unga mulisa a tshi lisa sambi ḽawe: u takula ngwana nga zwanḓa, a dzi kuvhatedza khanani yawe, vhomme adzo a vha endedza zwavhuḓi.”

ZWILILO 2:12

vha vhudzisa vhomme avho vha ri, “Vhurotho na waini zwi ngafhi?” vha tshi ṋoka mikotoni ya muḓi unga vhanna vho rungwaho nga pfumo; vha fela ngozwini.

NUMERI 12:8

Ene ndi amba nae zwi tshi tou pfala ro livhana zwifhaṱuwo, ndi sa ambi nga dzithai, na tshifhaṱuwo tshanga o no tshi vhona! Zwino ndi mini ni sa tati u sola muḓinḓa wanga Mushe?”

MATIOSI 11:27

“Khotsi anga o nkumedza zwithu zwoṱhe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Murwa a takalela u mu dzumbululela.

LUKASI 10:22

“Zwithu zwoṱhe Khotsi anga o zwi kumedza Nṋe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Ene Murwa a takalela u mu dzumbululela.”

JOHANISI 1:14

Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

JOHANISI 12:41

Yesaya a tshi ralo o vha o vhona vhugala ha Yesu a ṱanzilela ngae.

JOHANISI 13:23

Muṅwe wa vhafunziwa, uḽa we Yesu a vha a tshi mu funa, o vha o ḓisendeka ngae.

JOHANISI 14:9

Yesu a fhindula a ri, “Filipi, nṋa tshee nda dzula na inwi, a ni athu nnḓivha na zwino? O vhonaho Nṋe o vhona na Ene Khotsi. Zwino ndi mini ni tshi ri, ‘Ri sumbedze Khotsi’?

JOHANISI 17:26

Ndo u ḓivhadza khavho nahone ndi kha ḓi ḓo u ḓivhadza khavho uri lufuno lune Nṋe wa mpfuna ngalwo na vhone vha vhe nalwo, na Nṋe ndi vhe khavho.”

JOHANISI 17:6

“Ndo u ḓivhadza kha vhathu vhe wa nkumedza fhano shangoni. Vho vha vhe vhau, hone Iwe wa vha kumedza Nṋe. Zwe wa amba vho zwi ṱanganedza,

JOHANISI 3:11

Zwino kha vha dzou pfa-ha: riṋe ri amba tshine ra tshi ḓivha nahone ri ṱanzilela zwe ra tou vhona; hone inwi a no ngo ṱanganedza vhuṱanzi hashu.

JOHANISI 6:46

Hezwi a zwi ambi uri hu na muthu o no vhonaho Khotsi; o mu vhonaho ndi muthihi fhedzi: ndi a bvaho ha Mudzimu.

2 VHAKORINTA 4:4

Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu.

DOTORONOMIO 4:12

Muṋe washu a amba na inwi e ngomu muliloni ni sa vhuyi na vhona tshivhumbeo tshawe, ni tshi tou pfa ipfi ḽi tshi khou amba,

VHAKOLOSA 1:15

Mudzimu Ene muṋe ha vhonwi nga maṱo. Murwa ndi lufayo lwo khunyelelaho lwa Mudzimu; Murwa ndi Ene Tanzhe, Tanzhe ḽi re nṱha ha tsiko yoṱhe.

1 TIMOTI 1:17

Ene Khosi ya lini na lini, i sa dzami, i sa vhonwi nga maṱo, Ene Mudzimu e eṱhe, kha a huliswe a rendwe nga hu sa fheli. Amen.

1 TIMOTI 6:16

Ene e eṱhe a sa fi, a dzulaho tshedzani tshi sa swikelwi nga muthu; ha athu vhonwa nga maṱo a muthu nahone ha nga vhuyi a vhonwa nga maṱo. Ene nga a huliswe a vhuse lini na lini. Amen.

JOSHUA 5:13

Ḽifiṅwe ḓuvha Joshua e tsini ha Jerikho, a lavhelesa a mbo ḓi vhona munna ó ima phanḓa hawe, ó fara banga. Joshua a ya khae a vhudzisa a ri, “Vha muṅwe wa vhahali vhashu kana vha swina naa?”

1 JOHANISI 4:12

A hu na we a vhuya a vhona Mudzimu, hone arali ri tshi funana, ndi hone Mudzimu a tshi dzula na riṋe, lufuno lwawe lwa vhonala nga vhuḓalo kha riṋe.

1 JOHANISI 4:20

Ane a ri, “Ndi funa Mudzimu,” ngeno a tshi vhenga mutendi ngae, onoyo ndi mudzia-u-zwifha. Arali a sa funi mutendi ngae ane a kona u mu vhona nga maṱo, u ḓo funa hani Mudzimu a sa mu vhoni nga maṱo?

1 JOHANISI 4:9

Zwe Mudzimu a ri dzumbululela lufuno lwawe ngazwo asizwi: o ruma Murwa wawe muthihi fhedzi fhano shangoni uri riṋe ri wane vhutshilo ngae.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.