JOHANISI 1:14 - BIVHILI KHETHWA Mafhungo Madifha

¹⁴ Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

JOHANISI 1:14 Iomraidhean Croise

DZIPHISALEMA 2:7

Litshani ndi ni vhudze zwe Muṋe washu a vhofha: O amba na nṋe a ri, “Iwe u murwa wanga, ndo u beba ṋamusi ḽino.

DZIPHISALEMA 45:2

Wo naka u fhira vhathu vhoṱhe, u tshi zwa hu pfala maḓifha fhedzi; ndi zwe Mudzimu a u shudufhadza lini na lini.

DZIPHISALEMA 85:9

Ngoho, ha lengi u tshidza vhane vha mu ofha; vhugala hawe vhu ḓo dovha ha dzula shangoni ḽashu.

YESAYA 40:5

Ndi hone hu tshi ḓo dzumbululwa vhugala ha Muṋe washu; ḽifhasi ḽoṱhe ḽi ḓo vhu vhona. Ho amba Muṋe washu Ene muṋe!”

YESAYA 53:2

Muḓinḓa wa Muṋe washu o aluwa unga ḓadzwane ḽi tshi simuwa kha tshiguthe mavuni o omelelaho. O vha a si na lunako kana vhugala zwine ra nga vhuya ra mu sedza-vho; ri tshi mu sedza o vha a sa vhuyi a takadza.

YESAYA 7:14

Zwino Muṋe wa zwoṱhe nga dzawe u ḓo ni sumbedza tshiga: Musidzana ndi muthu wa thovhela; u ḓo beba ṅwana wa mutuka, a mu rina dzina ḽi no pfi Imanuele (Mudzimu u na riṋe).

ESEKIELE 37:27

Vhudzulo hanga vhu ḓo vha henefho khavho; ndi ḓo vha Mudzimu wavho, vhone vha vha vhathu vhanga.

MATIOSI 1:16

Jakopo a beba Josefa munna wa Maria we a vha mme a Yesu ane a pfi Khristo.

LUKASI 2:11

Vhusiku ha ṋamusi no bebelwa Mutshidzi fhaḽa muḓini wa Dafita, Ene Mesia Muṋe washu!

LUKASI 2:7

a beba ṅwana wawe wa mutukana wa tanzhe, a mu putela nga masila a mu ladza mukungwani, ngauri nnḓu ya vhaeni yo vha yo no ḓala.

LUKASI 9:32

Zwi tshi khou ralo Pitrosi na khonani dzawe vho vha vho tou ya nga khofhe, hone vha tshi karuwa vha vhona vhugala ha Yesu, vha vhona na vhaḽa vhanna vhavhili vho imaho nae.

JOHANISI 1:1

U rangani ha zwoṱhe Ipfi o vha e hone, huno Ipfi o vha e na Mudzimu, nahone e Ene Mudzimu.

JOHANISI 11:40

Yesu a mu vhudza a ri, “Nṋa a thi ri ndo ni vhudza nda ri arali ni tshi fulufhela ni ḓo vhona vhugala ha Mudzimu?”

JOHANISI 14:6

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

JOHANISI 14:9

Yesu a fhindula a ri, “Filipi, nṋa tshee nda dzula na inwi, a ni athu nnḓivha na zwino? O vhonaho Nṋe o vhona na Ene Khotsi. Zwino ndi mini ni tshi ri, ‘Ri sumbedze Khotsi’?

JOHANISI 17:22

Na Nṋe ndo vha ṋea vhugala he Iwe wa nṋea, uri vha vhe tshithu tshithihi unga Nṋe na Iwe ri tshithu tshithihi:

JOHANISI 17:24

“Khotsi anga, havha vhathu vhe wa vha kumedza Nṋe ndi funa vha tshi vha na Nṋe hune nda vha hone uri vha vhone vhugala hanga he nda ṋewa nga Iwe vhunga iṱali wo ḓi mpfuna shango ḽi sa athu sikwa.

JOHANISI 18:37

Pilato ndi hone a tshi mu vhudzisa a ri, “Zwi amba uri u vha khosi ni khosi?” Yesu a fhindula a ri, “Ndi vhone vha no khou ri ndi khosi. Nṋe ndi tshi bebiwa na musi ndi tshi ḓa shangoni ndo ḓela tshithu tshithihi fhedzi: Ndo ḓela u ṱanzilela ngoho. Ane a vha wa ngoho u a mpfa.”

JOHANISI 2:11

Enea maḓembe Yesu o a ita muḓini wa Kana vunduni ḽa Galelia tsha vha tshiga tsha u thoma. Henefho ndi hone he a sumbedza vhugala hawe, na vhafunziwa vhawe vha mu fulufhela.

JOHANISI 3:16

Mudzimu shango o ḽi funa zwihulu lwe a vhuya a kumedza Murwa wawe muthihi fhedzi, uri muṅwe na muṅwe ane a mu fulufhela a si lovhe, tshawe hu vhe u wana vhutshilo vhu sa gumi.

JOHANISI 3:18

“Ane a mu ṱanganedza ha nga haṱulwi; ane a mu landula, Ene o no ḓi haṱulwa nge a landula Murwa muthihi fhedzi wa Mudzimu.

JOHANISI 6:51

Ndi Nṋe honoho vhuswa vhu tshidzaho he ha tou tsa vhu tshi bva ṱaḓulu. Arali muthu a ḽa vhuswa honoho u ḓo tshila lini na lini. Vhuswa vhune nda ḓo mu ṋea ndi muvhili wanga une nda u kumedzela shango uri ḽi kone u tshila.”

JOHANISI 8:32

ni ḓo ḓivha ngoho; huno ngoho i ḓo ni vhofholola.”

MISHUMO 13:33

zwenezwo o itela riṋe vhaḓuhulu vhavho nga u vusa Yesu vhafuni, unga zwo ṅwaliwa kha Phisalema ya vhuvhili ha pfi, “ ‘Iwe u Murwa wanga, ndo u beba ṋamusi.’

VHAROMA 8:3

Mudzimu o ita tshe Mulayo wa kundwa u ita nge muthu nga tsiko yawe a shaya nungo. O haṱula vhutshinyi nga u ruma Murwa wawe, uri a ḓe nga tshivhumbeo tsha muthu a vhuswaho nga vhutshinyi, a vhe tshipfumelo tsha vhutshinyi.

VHAROMA 9:5

Ndi vhone vhane vhokhotsi a Vhaisraele vha vha vhomakhulukuku wavho. Ndi vhone vhe Mesia a bebwa khavho – Ene a re Mudzimu wa ṱaḓulu ha zwoṱhe, Murendwa wa lini na lini! Amen!

1 VHAKORINTA 15:47

Muthu wa u thoma o vhumbwa nga vumba, ndi wa shango; wa vhuvhili u bva ṱaḓulu.

2 VHAKORINTA 12:9

Phindulo yawe ya ri, “Tshine wa tshi lila ndi tshilidzi tshanga fhedzi. Maanḓa anga a vhonala tshoṱhe kha onoyo ane a shaya nungo.” Ndi zwine nda takadzwa nga honoho u shaya nungo hanga, ngauri ndi hone ndo tsireledzwa nga maanḓa a Khristo.

VHAGALATA 4:4

Hone musi tshifhinga tsho tiwaho tsho swika Mudzimu a konou ruma Murwa wawe, a bebwa nga mme a re muthu wa ṋama, u bva hanani hawe a ḓi vhuswa nga Mulayo,

VHAEFESA 3:8

Kha vhakhethwa vhoṱhe vha Mudzimu nṋe ndi tou vha muṱuku sa muroho; naho zwo ralo Mudzimu nga vhuthu hawe a nthuma u vhudza vhannḓa mafhungo maḓifha a lupfumo lwa Khristo lu sa vhalei,

VHAKOLOSA 1:19

Mudzimu o ḓitela u dzula khae, zwoṱhe zwine a vha zwone zwa tou khunyelela kha Murwa.

VHAKOLOSA 2:3

ngauri ndi Ene tshisiku tshine lupfumo lwoṱhe lwa vhuṱali na nḓivho lwa rafhiwa khatsho.

VHAKOLOSA 2:9

Kha Khristo hu dzula Mudzimu, zwoṱhe zwine Mudzimu a vha zwone zwa tou khunyelela khae zwa ambara muvhili.

1 TIMOTI 3:16

Tshiphiri itshi tsha u ofha Mudzimu a hu na ane a nga kona u hanedza a ri a si tshihulu: O ḓa shangoni a vha muthu; Muya o sumbedza tshine a vha tshone, a vhonwa na nga vharuṅwa, a ḓivhadzwa tshakha dzoṱhe, shango ḽoṱhe ḽa mu ṱanganedza, a takulwa a ya vhugalani.

VHAHEBERU 1:3

Hu vhonala lupenyo lwa Mudzimu khae; zwoṱhe zwine Mudzimu a vha zwone o tou zwi kokotolo. O tika tsiko yoṱhe nga ipfi ḽawe ḽa maanḓa. O ri u ṱanzwa vhathu vhutshinyi havho a yo dzula ngei ṱaḓulu thungo ya tshauḽa tsha Ramaanḓaoṱhe vha vhusa vhoṱhe,

VHAHEBERU 1:5

Ndi ufhio muruṅwa we Mudzimu a vhuya a mu vhudza a ri, “U Murwa wanga, ndo u beba ṋamusi”? a dovha a ri, “Ndi ḓo vha khotsi awe, Ene a vha Murwa wanga”?

VHAHEBERU 10:5

Ndi zwe Khristo a tshi ḓa fhano shangoni a ri, “A u ṱoḓi zwiṱhavhelo na nduvho; tshine tsha u takadza ndi muvhili uyu we wa mpha.

VHAHEBERU 2:11

Ene Yesu ane vhathu a vha ita vhakhethwa, na vhenevho vhane a vha ita vhakhethwa, ndi vha Khotsi muthihi. Ndi zwine a si shone a tshi ri ndi vharathu vhawe.

VHAHEBERU 5:5

Sa zwenezwo na Khristo ho ngo sokou ḓivhea kha vhuhulwane hovhu ha u vha tshifhe muhulu, ndi Mudzimu we a tou a amba nae a ri, “U Murwa wanga, ndo u beba ṋamusi.”

1 JOHANISI 4:14

Khotsi o ruma Murwa wawe u tshidza shango; ri ṱhanzi dzazwo, ro zwi vhona nga ashu maṱo.

1 JOHANISI 4:9

Zwe Mudzimu a ri dzumbululela lufuno lwawe ngazwo asizwi: o ruma Murwa wawe muthihi fhedzi fhano shangoni uri riṋe ri wane vhutshilo ngae.

2 JOHANISI 1:7

Ndi tshi ralo ndi uri ho bvelela vhadzia-u-xedza-vhathu fhano shangoni, nahone ndi vhanzhi. Vhenevho ndi vhane vha ṱanziela uri Yesu Khristo ho ngo vha muthu. Ndi vhenevho vhane nda vha amba ndi tshi ri, “ndi vhadzia-u-xedza-vhathu” na “vhavhangisakhristo”.

NZUMBULULO 19:13

O vha o ambara phuraphura yo tswukaho nga malofha. Dzina ḽawe ḽi pfi “Ipfi ḽa Mudzimu”.

NZUMBULULO 21:3

Nda pfa ipfi ḽihulu ḽi bvaho kha khuluṋoni ḽi tshi ri, “Zwino ndi hone Mudzimu nga dzawe a tshi vho dzula na vhathu. U ḓo dzula navho vha vha tshakha dzawe. Mudzimu nga eṱhe u ḓo dzula navho e Mudzimu wavho.