DZIPHISALEMA 67:7 - BIVHILI KHETHWA Mafhungo Madifha

⁷ Mudzimu o ri shudufhadza, ḽifhasi ḽoṱhe nga he ḽa guma nga ḽi mu ofhe.

DZIPHISALEMA 67:7 Iomraidhean Croise

DZIPHISALEMA 22:27

Ḽifhasi nga he ḽa guma ḽi ḓo mu elelwa, ḽi ḓo rembulutshela ha Muṋe washu; tshakha dzoṱhe dza shango dzi ḓo mu gwadamela.

DZIPHISALEMA 29:11

Muṋe washu u ḓo ṋea vhathu vhawe nungo, Muṋe washu u ḓo shudufhadza lushaka lwawe ḽa lala.

DZIPHISALEMA 33:8

Ḽifhasi ḽoṱhe kha ḽi ofhe Muṋe washu, vhathu vhoṱhe nga shango kha vha mu tetemele.

DZIPHISALEMA 65:5

Iwe Mudzimu Mutshidzi washu, u a fulufhedzea; u pfa thabelo dzashu, wa ita zwi ofhisaho. Ḽifhasi ḽoṱhe nga he ḽa guma, na malwanzhe a kule-kule, zwo fulufhela Iwe.

DZIPHISALEMA 72:17

Ngavhe dzina ḽa khosi ḽi sa hangwiwi, bvumo ḽawe ḽa nga ḓuvha ḽi sa kovheli; vhathu vha tshi shudufhadzana vha ri, “Mudzimu a u shudufhadze unga a tshi shudufhadza khosi yashu!” tshakha dzoṱhe dza khoḓa mashudu awe.

DZIPHISALEMA 98:3

U a fulufhedzea; zwe a fulufhedzisa Israele nga lufuno o zwi ita; ḽifhasi nga he ḽa kanda ḽo vhona gundo ḽa Mudzimu washu.

YESAYA 30:23

Ni tshi zwala mbeu mavuni Muṋe washu u ḓo ni nisela mvula, na kaṋa zwinzhi zwi fushaho; misi yeneyo kholomo dzaṋu dzi ḓo vha na pfulo i si na vhukono.

YESAYA 43:6

Ndi ḓo vhudza devhula nda ri, ‘Vha litshe vha ṱuwe!’ nda vhudza tshipembe nda ri, ‘Vha tshi ṱuwa u songo vha dzivhisa! Litsha vhana vhanga vha humele hayani vha tshi bva mashangoni a kule, na vhananyana vhanga vha tshi bva migumoni ya ḽifhasi –

YESAYA 45:22

“Vhuyani ha Nṋe zwino ni tshidzwe, inwi tshakha dzoṱhe dza shango nga he ḽa guma! Ndi Nṋe Mudzimu a re hone ndi ndoṱhe.

YESAYA 52:10

Muṋe washu u ḓo angaladza tshanḓa tshawe tshikhethwa, tshakha dzoṱhe dza tshi vhona, migumo yoṱhe ya ḽifhasi ya vhona Mudzimu washu a tshi tshidza vhathu vhawe.

LIVITIKO 26:4

ndi ḓo ni nisela mvula nga tshifhinga tsho teaho, shango ḽa bveledza zwe na lima na zwala, miri ya aṋwa mitshelo.

MIKA 5:4

U ḓo takuwa a lisa sambi ḽawe ḽa nngu nga maanḓa a no bva ha Muṋe washu, nga vhugala ha dzina ḽa Muṋe washu Mudzimu wawe ḽi re na bvumo. Vha ḓo dzula vha sa ofhi tshithu, ngauri vhuhulu hawe vhu ḓo vhonala u swika vhugumoni ha ḽifhasi.

ZAKARIA 8:12

“Mbeu i vho ḓo aluwa zwavhuḓi, minḓirivhe i ḓo aṋwa mitshelo yayo, mavu a ḓo bveledza zwimela zwao, ḽiṱaḓulu ḽi ḓo wisa ṅwando waḽo. Mashudu oṱhe hayo ndi ḓo a ṋea tsalela dza lushaka holu.

ZAKARIA 9:10

Ndi ḓo ṱuwisa gariki dza nndwa kha ḽa Efraimi, nda thatha bere dza nndwa Jerusalema, vhura ha nndwani vhu ḓo vunḓekana. U ḓo ḓivhadza dzitshakha a mulalo. U ḓo vhusa u bva kha luṅwe lwanzhe u swika kha luṅwe, na u bva Yufuratha u swika hune ḽifhasi ḽa guma.

MALAKIA 1:11

Vhukuma dzina ḽanga ndi ḽihulu vhukati ha dzitshakha, u bva vhubvaḓuvha u swika vhukovhela. Hoṱhe-hoṱhe ndi dubiselwa zwioro nda ṋekedzwa nduvho dzi si na tshika, ngauri dzina ḽanga ndi ḽihulu vhukati ha dzitshakha. Hu amba Nṋe Yahavee Mulangazwoṱhe.

MALAKIA 4:2

Hone inwi vhane na ofha dzina ḽanga ni ḓo penyelwa nga ḓuvha ḽi re u fulufhedzea, ḽa ni fhodza nga maṱalazaza aḽo. Ni ḓo khana unga ṋamana dzi tshi bva dangani.

MISHUMO 13:26

“Vha hashu, ndi amba inwi vhaḓuhulu vha Abrahamu, na inwi noṱhe ni ofhaho Mudzimu, na inwi noṱhe ni ofhaho Mudzimu, haya maipfi a u tshidzwa o swikiswa kha riṋe.

MISHUMO 13:47

ngauri Muṋe washu o ri laya a ri, “ ‘Ndo u vhea uri u vhe tshedza kha vhannḓa, uri shango nga he ḽa guma ḽi kone u tshidzwa nga Iwe.’ ”

MISHUMO 2:28

Wo ntsumbedza nḓila dzi isaho vhutshiloni; ndo takala lwa u takala ngauri u na nṋe!’

VHAGALATA 3:14

Zwino-ha Khristo o pfalwo-vho uri mashudu e Mudzimu a fulufhedzisa Abrahamu, na vhannḓa vha a wane nga Khristo Yesu, uri nga u fulufhela Ene ri kone u wana Muya we Mudzimu a ri fulufhedzisa.

VHAGALATA 3:9

Abrahamu o fulufhela Mudzimu a konou vha na mashudu; ndi zwine vhoṱhe vha fulufhelaho vha vha-vho na mashudu unga ene.

NZUMBULULO 15:4

Muṋe washu, ndi nnyi ane a nga si u ofhe? Ndi nnyi ane a nga lamba u u renda? Mukhethwa e eṱhe ndi Iwe. Tshakha dzoṱhe dzi ḓo ḓa dza u luvha, ngauri khaṱhulo dzau dzi sa khakhi dzo vhonala!”