DZIPHISALEMA 127:1 - BIVHILI KHETHWA Mafhungo Madifha

¹ Nnḓu arali i sa fhaṱwi nga Muṋe washu, vhafhaṱi a vha na tshine vha ita. Muḓi arali u sa lindwi nga Muṋe washu, mulindi a tshi lala o ruḓa maṱo u sokou ḓinetisa.

DZIPHISALEMA 127:1 Iomraidhean Croise

1 MAHOSI 5:12

Muṋe washu a ṋea Solomoni vhuṱali, nga he a mu fulufhedzisa ngaho. Hiramu na Solomoni vha ḓi dzula vha tshi pfana, vha ita na u vhofha mulanga.

1 KORONIKA 28:10

Elekanyani zwino, ngauri Muṋe washu o nanga inwi uri ni fhaṱe thembele khethwa. Ivhani na nungo, ni shume uyo mushumo.”

1 KORONIKA 28:20

Khosi Dafita a vhudza ṅwana wawe Solomoni a ri, “Khwaṱhani, ni vhe na nungo, ni shume mushumo hoyo. Ni songo ofha, ni songo kulea nungo; Mudzimu Muṋe washu Mudzimu wanga u na inwi. A nga si ni laṱedze, a nga si ni ṱutshele ha vhuya ha vuledzea mushumo woṱhe wa thembele ya Muṋe washu.

1 KORONIKA 29:19

Ita uri ṅwananga Solomoni a tevhedze ndaela dzau na zwine wa zwi ṱoḓa na ndayo dzau nga mbilu yoṱhe, a fhaṱe thembele ye nda i dzudzanyela.”

DZIPHISALEMA 120:1

Ndo vhidzelela Muṋe washu ndí khomboni, a mphindula.

DZIPHISALEMA 121:1

Ndi liladza maṱo anga dzithavhani, ndi ri, “A mpfarisaho ndi nnyi?”

DZIPHISALEMA 122:1

Ndo takala vha tshi mmbudza vha ri, “Nḓarieni nḓuni ya Muṋe washu!”

DZIPHISALEMA 123:1

Ndi sedza Iwe, ndi sedza ṱaḓulu hune wa vhusa hone.

DZIPHISALEMA 124:1

Ngavhe Muṋe washu a si ime na riṋe – Vhaisraele nga vha ralo –

DZIPHISALEMA 125:1

Vha fulufhelaho Muṋe washu vha nga thavha ya Tsioni; a i sudzuluswi, i ima yo khwaṱha lini na lini.

DZIPHISALEMA 126:1

Musi Muṋe washu o humisela mathubwa Tsioni, ro pfa zwi tshi nga muloro.

DZIPHISALEMA 72:1

Mudzimu, funza khosi vhuṱali, a haṱule nga hune wa funa; o bebelwaho vhuhosi mu ṋee maanḓa a khaṱhulo mbuya,

DZIPHISALEMA 78:69

Ndi hone he a fhaṱa thembele yawe, a i tea ya vha ya lini na lini, ya khwaṱha unga ḽifhasi, ya ṋanzwa makole.

MIRERO 16:9

U nga ḓi elekanya zwine wa funa u ita; a no u endedza ndi Muṋe washu.

MUFUNZI 9:11

Nda dovha nda vhona uri fhano fhasi ha ḓuvha ane a wana tshiphuga tsha mbambe a si a re na luvhilo; ane a kunda nndwani a si wa maanḓa; na zwiḽiwa a zwi wanwi nga muṱali; na lupfumo a lu wanwi nga a re na ṱhalukanyo; na u takalelwa nga vhathu a zwi ḓi nge muthu a funzea; zwoṱhe zwi langwa nga tshifhinga na shudu.

LUIMBOIMBO 3:3

Nda ṱangana na vhalindi vha muḓi, nda vha vhudzisa nda ri, “A no ngo vhona mufunwa wanga naa?”

LUIMBOIMBO 5:7

Nda ṱangana na vhalindi vha muḓi vha tshi khou tandula, vha mphula mbonzhe, vhalindi vha mitsheṱo ya muḓi vha nnzhiela tshali.

YESAYA 27:3

Nṋe Yahavee ndi a i londola, a thi fhidzi u i sheledza. Ndi i linda vhusiku na masiari hu sa ḓo ḓa muṅwe a tshinya.

YESAYA 56:10

Vharangaphanḓa vhavho vhoṱhe ndi mabofu, a vha ḓivhi khombo i ḓaho, vha nga mmbwa dza u linda dzi sa huvhi, tshadzo ndi u sokou shuvhama dza ḓilorela; vha funa hani khofhe!

YESAYA 62:6

Iwe Jerusalema, ndo vhea vhalindi mitsheṱoni yau; vhusiku na masiari vha songo vhuya vha fhumula. Nga vha humbudze Muṋe washu zwe a fulufhedzisa, vha si vhuye vha mu litsha a tshi vha hangwa;

JEREMIA 51:12

Imisani tshiphuga ni thuthe mitsheṱo ya Babele! Vheani vhalindi, vheani ṱholi, vheani vhalaleli!” Muṋe washu u ḓo ita zwe a dzudzanya, vhathu vha Babele u ḓo vha ita zwe a ri u ḓo zwi ita.

JEREMIA 51:31

Zhendedzi ḽi tevhela ḽiṅwe, muḓinḓa u tevhela muṅwe, vha yo ḓivhadza khosi ya Babele, uri muḓi wawe woṱhe wo thubiwa,

1 VHAKORINTA 15:14

Zwino-ha arali Khristo a songo vuswa vhafuni, izwo vhuṱanzi hashu a vhu farisi tshithu, na lutendo lwaṋu a lu farisi tshithu;

1 VHAKORINTA 3:7

Zwenezwo mugobeli a si tshithu, na musheledzi a si tshithu; mushumo muhulwane ndi wa Mudzimu mumedzi wazwo.

VHAGALATA 4:11

Ndi dinwa nga u vho vhona unga zwoṱhe zwe nda shuma henengeo ho vha hu u sokou ḓinetisa.

DOTORONOMIO 8:18

Elelwani Muṋe washu Mudzimu waṋu; ndi Ene ane a ni ṋea maanḓa a u kona u wana lupfumo holwo, u vhulunga mulanga wawe we a u fulufhedzisa vhomakhulukuku waṋu, unga ni tshi khou zwi vhona ṋamusi.

JOSHUA 2:2

Khosi ya Jerikho ya pfa hu tshi pfi vhaṅwe Vhaisraele vho ḓa vhusiku honoho u ṱola shango,