1 JOHANISI 5:4 - BIVHILI KHETHWA Mafhungo Madifha

⁴ hufha o bebwaho nga Mudzimu a tshi kunda zwa shango. Tshine ra kunda ngatsho ndi lutendo lwashu.

1 JOHANISI 5:4 Iomraidhean Croise

JOHANISI 1:13

vhá songo tsha tou bebwa nga malofha kana nga u tamana ha vhathu zwavho kana nga u funa ha munna, vho tou bebwa nga Mudzimu Ene muṋe.

JOHANISI 16:33

Ndi tshi ni vhudza hezwi zwithu ndi u itela uri ni vhe na mulalo nga u vha vhathihi na Nṋe. Shangoni ḽino ni ḓo tambudzwa, hone ni songo fhela mbilu; hufha Nṋe shango ndo ḽi kunda!”

JOHANISI 3:3

Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

1 VHAKORINTA 15:57

Kha ri livhuhe Mudzimu we a ita uri ri kunde nga Muṋe washu Yesu Khristo.

1 JOHANISI 2:29

Vhunga ni tshi ḓivha uri Ene ndi muvhuya, ni ḓo zwi ḓivha-vho uri ane a ita zwi re zwone o bebwa nga Mudzimu.

1 JOHANISI 3:9

O bebwaho nga Mudzimu ha tsha endela u tshinya, ngauri mbeu ye Mudzimu a mu beba ngayo i dzula i ngomu hawe. Nahone a zwi tsha konadzea uri a endele u tshinya; hufha o bebwa nga Mudzimu.

1 JOHANISI 4:4

Hone inwi vhananga ni vha Mudzimu. No no ḓi kunda vhaporofita vha khole-khole ngauri Mudzimu u na inwi; u na maanḓa a no fhira a Muvhi a re kha vha shango ḽino.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

1 JOHANISI 5:18

Ri a ḓivha uri o bebwaho nga Mudzimu ha endeli u tshinya; Murwa wa Mudzimu u ḓi mu tsireledza uri Muvhi a si mu kone.

1 JOHANISI 5:5

Ndi nnyi-ha ane a kona u kunda shango? A si onoyo fhedzi ane a tenda uri Yesu ndi Murwa wa Mudzimu naa?

NZUMBULULO 12:11

Vho mu kunda nga malofha a Ngwana na nga u ṱanzilela ipfi ḽayo. Vha tshi pfi vha fele Ngwana a vho ngo lilela u tshila.

NZUMBULULO 15:2

Ndi hone ndi tshi vhona tshithu tshi ngaho lwanzhe lu penyaho sa ngilasi yo ṱangana na mulilo. Nda vhona vhaḽa vhe vha kunda zwiḽa vha tshi tambudzwa nga ḽiḽa ḽivhanda na tshifanyiso tshaḽo na nomboro ya dzina ḽaḽo. Vho vha vho ima tsini ha lwanzhe luḽa lwa ngilasi vho fara haripa dze vha ṋewa nga Mudzimu

NZUMBULULO 2:11

“ ‘A na nḓevhe nga a thetshelese zwine Muya a vhudza zwivhidzo. “ ‘Ane a kunda, lufu lwa vhuvhili lwone a lu nga mu iti tshithu.’

NZUMBULULO 2:17

“ ‘A na nḓevhe nga a thetshelese zwine Muya a vhudza zwivhidzo. “ ‘Ane a kunda ndi ḓo mu ṱusela mana ye nda dzumba, nda mu fha na tombo ḽitshena ḽo ṅwalwaho dzina ḽiswa ḽi sa ḓihwi nga muthu arali e si onoyo fhedzi we nda mu ṋea.’

NZUMBULULO 2:26

“ ‘Ane a kunda, a si litshe u ita zwine Nṋe nda funa, a vhuya a khunyeledza, onoyo ndi ḓo ri a vhuse dzitshakha.

NZUMBULULO 2:7

“ ‘A na nḓevhe nga a thetshelese zwine Muya a vhudza zwivhidzo. “ ‘Ane a kunda ndi ḓo mu tendela u ḽa muri wa vhutshilo u re Pharadisoni ya Mudzimu.’

NZUMBULULO 3:12

Ane a kunda ndi ḓo mu ita phuphu nḓuni ya Mudzimu wanga, ha tsha ḓo dovha a bva khayo, u ḓo dzula henefho. Ndi ḓo ṅwala dzina ḽa Mudzimu wanga khae, khathihi na dzina ḽa muḓi wa Mudzimu wanga, wone Jerusalema muswa u bvaho ha Mudzimu wanga ngei ṱaḓulu, nda ṅwala na dzina ḽanga ḽiswa khae.

NZUMBULULO 3:21

“ ‘Ane a kunda u ḓo dzula na Nṋe kha khuluṋoni yanga ra vhusa roṱhe, unga na Nṋe ndo ri u kunda nda yo dzula na Khotsi anga kha khuluṋoni yawe ra vhusa roṱhe.

NZUMBULULO 3:5

“ ‘Ane a ḓo kunda nndwani iyo u ḓo ambadzwa nguvho dzenedzo tshena. A thi nga vhuyi nda thutha dzina ḽawe buguni ya vha tshilaho. Ndi ḓo tou bula phanḓa ha Khotsi anga na vharuṅwa nda ri hoyu ndi wanga.