1 JOHANISI 4:9 - BIVHILI KHETHWA Mafhungo Madifha

⁹ Zwe Mudzimu a ri dzumbululela lufuno lwawe ngazwo asizwi: o ruma Murwa wawe muthihi fhedzi fhano shangoni uri riṋe ri wane vhutshilo ngae.

1 JOHANISI 4:9 Iomraidhean Croise

GENESI 22:2

Mudzimu a ri, “Dzhia mutukana wau muthihi fhedzi Isaka, ane wa mu funa, u ye dzinguni ḽa Moria, thavhani ine nda ḓo u sumbedza, u mu ite tshiṱhavhelo tshi fhiswaho henefho.”

DZIPHISALEMA 2:7

Litshani ndi ni vhudze zwe Muṋe washu a vhofha: O amba na nṋe a ri, “Iwe u murwa wanga, ndo u beba ṋamusi ḽino.

MARKOSI 12:6

ha vhuya ha sala ṅwana wawe muthihi fhedzi wa mutuka, ene mufunwa. A fhedza nga u ruma onoyo ṅwana ha vhalimi, nge a ri, ‘Ndi vhona uri ṅwananga vha ḓo mu teledza.’

LUKASI 4:18

“Muya wa Muṋe washu u kha Nṋe. O nnḓodza uri ndi funze vha si na tshavho mafhungo maḓifha, ndi ḓivhadze uri mathubwa a ḓo vhofhololwa, mabofu a swinguluswa, uri ndi lamulele vho kandeledzwaho,

JOHANISI 10:10

Tsha fobvu ndi u dzhenela u tswa na u vhulaha na u tshinyekanya fhedzi. Nṋe tshe nda ḓela tshone ndi uri vhathu vha vhe na vhutshilo nga vhuḓalo.

JOHANISI 14:6

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

JOHANISI 3:16

Mudzimu shango o ḽi funa zwihulu lwe a vhuya a kumedza Murwa wawe muthihi fhedzi, uri muṅwe na muṅwe ane a mu fulufhela a si lovhe, tshawe hu vhe u wana vhutshilo vhu sa gumi.

JOHANISI 3:18

“Ane a mu ṱanganedza ha nga haṱulwi; ane a mu landula, Ene o no ḓi haṱulwa nge a landula Murwa muthihi fhedzi wa Mudzimu.

JOHANISI 5:23

uri vhoṱhe vha hulise Murwa nga hune vha hulisa Khotsi ngaho. A sa hulisi Murwa u nyadza Khotsi we a mu ruma.

JOHANISI 6:29

Yesu a vha fhindula a ri, “Ndi mushumo muthihi fhedzi une a funa ni tshi ita: Ndi u ṱanganedza we a mu ruma.”

JOHANISI 6:51

Ndi Nṋe honoho vhuswa vhu tshidzaho he ha tou tsa vhu tshi bva ṱaḓulu. Arali muthu a ḽa vhuswa honoho u ḓo tshila lini na lini. Vhuswa vhune nda ḓo mu ṋea ndi muvhili wanga une nda u kumedzela shango uri ḽi kone u tshila.”

JOHANISI 6:57

Nṋe ndi tshila nga Khotsi a tshilaho we a nthuma; sa zwenezwo ane a nndya u ḓo tshila-vho nga Nṋe.

JOHANISI 8:29

Zwino we a nthuma u na Nṋe; ha nndaṱedzi, ngauri ndi dzula ndi tshi ita zwine zwa mu takadza.”

JOHANISI 8:42

Yesu a vha vhudza a ri, “Arali nangoho Mudzimu o vha e Khotsi aṋu ndi musi ni tshi ḓo mpfuna, ngauri ndi bva ha Ene ni tshi mmbona ndi fhano. Hafhu a tho ngo tou ḓiḓisa, Ene ndi Ene we a nthuma.

JOHANISI 9:3

Yesu a fhindula a ri, “Vhupofu ha hoyu muthu a ho ngo bva kha vhutshinyi ha ene muṋe kana ha vhabebi vhawe; ho vha u itela fhedzi uri Mudzimu a sumbedze vhathu maanḓa awe khae.

VHAROMA 8:32

Ene we a si tshivhe na Murwa wawe muthihi fhedzi, a tou mu kovha a tshi ri a fele roṱhe; a tshi ri ṋea Murwa wawe ndi zwine a nga kundwa ngani u ri ṋea zwoṱhe-zwoṱhe naa?

VHAHEBERU 1:5

Ndi ufhio muruṅwa we Mudzimu a vhuya a mu vhudza a ri, “U Murwa wanga, ndo u beba ṋamusi”? a dovha a ri, “Ndi ḓo vha khotsi awe, Ene a vha Murwa wanga”?

1 JOHANISI 3:16

Zwine ra ḓivha ngazwo uri lufuno ndi mini asizwi: Khristo o kumedza vhutshilo hawe lufuni a tshi itela riṋe, izwo na riṋe ri fanela u itelana zwenezwo.

1 JOHANISI 4:10

Lufunofuno a si lwashu lwa u funa Mudzimu, ndi lwa Mudzimu lwa u funa riṋe, a vhuya a tou ruma Murwa wawe u ri pfumelela vhutshinyi hashu.

1 JOHANISI 4:16

Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.

1 JOHANISI 5:11

Huno vhuṱanzi uho ndi ha uri Mudzimu o ri ṋea vhutshilo vhu sa gumi, ri vhu wana nga Murwa wawe.

1 JOHANISI 5:13

Luṅwalo ulu ndi khou ni ṅwalela uri ni kone u ḓivha uri ni na vhutshilo vhu sa gumi – ndi amba inwi ni fulufhelaho Murwa wa Mudzimu.