1 JOHANISI 4:8 - BIVHILI KHETHWA Mafhungo Madifha

⁸ A si na lufuno ha ḓivhi Mudzimu, ngauri Mudzimu ndi lufuno.

1 JOHANISI 4:8 Iomraidhean Croise

DZIPHISALEMA 86:15

Hone Iwe Muṋe wa zwoṱhe u Mudzimu wa tshilidzi na khathutshelo; a u fheli mbilu, lufuno lwau a lu dzinginyei, u a fulufhedzea.

DZIPHISALEMA 86:5

Muṋe wa zwoṱhe, u na vhuthu, u a hangwela, vhane vha u vhidzelela u vha sumbedza lufuno luhulu.

2 VHAKORINTA 13:11

Zwino-ha vha hashu, ni vhe hone! Vhuelelani nḓilani; ipfani ndi tshi ni laya; anḓanani nga tshaṋu, ni tshile nga mulalo, ndi hone Mudzimu wa lufuno na mulalo a tshi ḓo vha na inwi.

VHAEFESA 2:4

Hone Mudzimu o pfuma tshilidzi, o ri funa nga lufuno luhulu,

VHAHEBERU 12:29

Ḓivhani uri Mudzimu washu ndi mulilo u lozwaho.

1 JOHANISI 1:5

Zwino-ha ndaedzo ye ra pfa ngae, ine zwino ra ni ḓivhadza yone ngei: Mudzimu ndi tshedza, khae a hu na swiswi na kathihi.

1 JOHANISI 2:4

Ane a ri, “Ndi ḓivha Mudzimu,” ngeno a sa tevhedzi ndaela dzawe, onoyo ndi muzwifhi, ha na ngoho.

1 JOHANISI 2:9

Ane a ri u tshedzani ngeno a tshi vhenga mutendi ngae, u tshee swiswini na ṋamusi.

1 JOHANISI 3:10

Zwine ra kona u ṱalukanya ngazwo vhana vha Mudzimu na vha diabolo khezwi: ane a si ite zwine Mudzimu a funa a si wa Mudzimu; zwi ḓi nga a sa funi vhatendi ngae e si wa Mudzimu.

1 JOHANISI 3:6

Zwenezwo ane a tshila e muthihi nae ha tsha endela u tshinya. Ane a endela u tshinya ha athu mu vhona, na u mu ḓivha ha athu mu ḓivha.

1 JOHANISI 4:16

Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.

1 JOHANISI 4:7

Vhafunwa, kha ri funane, ngauri lufuno lu bva ha Mudzimu; a re na lufuno o bebwa nga Mudzimu, u ḓivha Mudzimu.