1 JOHANISI 4:7 - BIVHILI KHETHWA Mafhungo Madifha

⁷ Vhafunwa, kha ri funane, ngauri lufuno lu bva ha Mudzimu; a re na lufuno o bebwa nga Mudzimu, u ḓivha Mudzimu.

1 JOHANISI 4:7 Iomraidhean Croise

JOHANISI 13:34

Zwino mulayo muswa une nda ni ṋea asuyu: Funanani. Vhunga Nṋe ndo ni funa, na inwi ni fanela u funana.

JOHANISI 17:3

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

1 VHAKORINTA 8:3

Ane a funa Mudzimu ndi ene we a ḓivhiwa nga Mudzimu .

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

VHAGALATA 4:9

Hone zwino nó no ḓivha Mudzimu – hone litshani ndi ri: Mudzimu u vho ni ḓivha – zwino ndi mini ni tshi vho ṱoḓa u humela kha zwidayo zwa shango zwi nyadzeaho zwi si na mushumo, na dovha na vha phuli dzazwo?

VHAGALATA 5:22

Hone mutshelo wa Muya ndi lufuno na dakalo na mulalo na u sa fhela mbilu na vhulenda na vhuthu na u fulufhedzea

DOTORONOMIO 30:6

“Ndi hone Muṋe washu Mudzimu waṋu a tshi ḓo fumbisa mbilu dzaṋu na dza vhana vhaṋu uri ni kone u mu funa nga mbilu yoṱhe na nga zwoṱhe zwine na vha zwone, na tshila,

2 TIMOTI 1:7

ngauri Muya we Mudzimu a ri ṋea ha ri iti magoswi, u ri ṋea maanḓa na lufuno na u kona u ḓilanga.

1 PITROSI 1:22

No thetshelesa ngoho ha vha u ṱamba mbilu na thoma u funana ni sa hoyi. Ndi zwone, funanani nga mbilu yoṱhe,

1 JOHANISI 2:10

A funaho vhatendi ngae u tshila tshedzani, ha na tshine tsha nga mu khakhisa.

1 JOHANISI 2:29

Vhunga ni tshi ḓivha uri Ene ndi muvhuya, ni ḓo zwi ḓivha-vho uri ane a ita zwi re zwone o bebwa nga Mudzimu.

1 JOHANISI 2:3

Arali ra tevhedza ndaela dzawe ndi hone ri na ngoho ya uri ri a mu ḓivha.

1 JOHANISI 2:4

Ane a ri, “Ndi ḓivha Mudzimu,” ngeno a sa tevhedzi ndaela dzawe, onoyo ndi muzwifhi, ha na ngoho.

1 JOHANISI 2:7

Vhafunwa, ndaela iyi ine nda ni ṅwalela a si ntswa, ndi ya kale, ndi yeneiḽa ye na i pfa u bva mathomoni ni tshi rembuluwa. Ndaela hei ya kale ndi mafhungo e na vha no no ḓi a pfa.

1 JOHANISI 3:9

O bebwaho nga Mudzimu ha tsha endela u tshinya, ngauri mbeu ye Mudzimu a mu beba ngayo i dzula i ngomu hawe. Nahone a zwi tsha konadzea uri a endele u tshinya; hufha o bebwa nga Mudzimu.

1 JOHANISI 4:11

Vhafunwa, arali Mudzimu o ri funa zwingafhongafho, riṋe a si pfanelo ri tshi funana-vho naa?

1 JOHANISI 4:12

A hu na we a vhuya a vhona Mudzimu, hone arali ri tshi funana, ndi hone Mudzimu a tshi dzula na riṋe, lufuno lwawe lwa vhonala nga vhuḓalo kha riṋe.

1 JOHANISI 4:16

Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.

1 JOHANISI 4:20

Ane a ri, “Ndi funa Mudzimu,” ngeno a tshi vhenga mutendi ngae, onoyo ndi mudzia-u-zwifha. Arali a sa funi mutendi ngae ane a kona u mu vhona nga maṱo, u ḓo funa hani Mudzimu a sa mu vhoni nga maṱo?

1 JOHANISI 4:8

A si na lufuno ha ḓivhi Mudzimu, ngauri Mudzimu ndi lufuno.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

2 JOHANISI 1:5

Zwino mukegulu, ndo vha ndi na khumbelo ndi ri: Riṋe vhatendi ri fanela u dzula ri tshi funana. Ndi tshi ṅwala nga u ralo a si uri ndi khou vha ṋea ndaela ntswa, ndi ye ra vha ri nayo u bva mathomoni.