1 JOHANISI 4:6 - BIVHILI KHETHWA Mafhungo Madifha

⁶ Riṋe ri vha Mudzimu; ane a ḓivha Mudzimu u a ri thetshelesa. A si wa Mudzimu ha ri thetshelesi. Ndi zwone zwine ra kona u ṱalukanya ngazwo Muya wa ngoho na wa vhufhura.

1 JOHANISI 4:6 Iomraidhean Croise

2 KORONIKA 18:21

Muya wa fhindula wa ri, ‘Ndi ḓo bva nda vha muya wa mazwifhi milomoni ya vhaporofita vhoṱhe.’ Muṋe washu a ri, ‘Tshimbila u yo mu fhura, u ḓo zwi kona.’

YESAYA 29:10

Muṋe washu o ni farisa khofhe, ni ḓo ṱuwa ni tshi eḓela khofhe khulu; vhaporofita vho fanela u vha vhone maṱo a vhathu, hone Mudzimu o vha pofudza; vhavhoni vha mabono vho fanela u vha vhone ṱhoho dzaṋu, hone Mudzimu o vha khurumedza.

YESAYA 8:20

Inwi tshaṋu kha hu vhe u humela kha pfunzo ya Mudzimu na vhuṱanzi hawe. Vha sa tevhedzi zwenezwo a vha tsha ḓo vhona mapfuvhi a tshi tswuka.

HOSIA 4:12

havha vhathu vhanga. Vha vho vhudzisa mudzimu wa thanda vha fhindulwa nga lutanda. Muya wa vhupombwe u xedza vhotshifhe vha shandukela Mudzimu wavho vha ita vhupombwe.

MIKA 2:11

Kani-ha muthu a no endedzwa nga Muya a nga porofita mazwifhi? Ndi hone-ha nṋe ndi tshi nga porofita nda ni fulufhedzisa waini na thothotho. Hone havha vhathu vha ḓi futelela u porofita vha ri, “Mudzimu o ri fulufhedzisa a ri,

MIKA 3:8

A vha nṋe, ndi na maanḓa mahulu, ndi na Muya wa Muṋe washu, ndi lwela zwi re zwone, ndi na nungo, a thi ofhi u kaidza vhaḓuhulu vha Jakopo nge vha shandukela Muṋe washu, Vhaisraele ndi vha ḓivhadza u tshinya havho.

LUKASI 10:22

“Zwithu zwoṱhe Khotsi anga o zwi kumedza Nṋe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Ene Murwa a takalela u mu dzumbululela.”

JOHANISI 10:16

“Ndi tshee na dziṅwe nngu dzanga dzi sa athu dzhena kha tshino tshitumba. Na dzenedzo ndi fanela u dzi ḓisa; dzi ḓo pfa ipfi ḽanga, dza vha sambi ḽithihi ḽi re na Mulisa muthihi.

JOHANISI 10:27

Nngu dzanga dzone dzi thetshelesa ipfi ḽanga; ndi a dzi ḓivha nahone dzi a ntevhela.

JOHANISI 10:3

Onoyo, mulindamuṋango u a mu vulela, mulisa a vhidza nngu dzawe nga madzina, dzone dza mu pfa, a bva nadzo.

JOHANISI 13:20

Zwino ipfani-ha: Ane a vhuya a ṱanganedza we nda mu ruma u ṱanganedza Nṋe, huno ane a ṱanganedza Nṋe u ṱanganedza we a nthuma.”

JOHANISI 14:17

Ene Muya Muḓivhadzangoho. Shango ḽone a ḽi koni u mu ṱanganedza ngauri a ḽi mu vhoni, na u mu ḓivha a ḽi mu ḓivhi, hone inwi ni a mu ḓivha, ngauri u dzula na inwi, u kha inwi.

JOHANISI 15:26

“Mutiki u ḓo ḓa – ndi amba Muya Muḓivhadzangoho, Ene a bvaho ha Mudzimu Khotsi. Ndi ḓo mu ruma kha inwi a tshi bva ha Khotsi; Ene Muya u ḓo nṱanzilela.

JOHANISI 16:13

Hone hu tshi ḓo ḓa Ene Muya Muḓivhadzangoho u ḓo ni dededza na ḓivha ngoho yoṱhe. Ha nga ambi zwawe; u ḓo amba zwenezwo zwine a ḓo vhudzwa, a ni vhudza na zwine zwa kha ḓi ḓa.

JOHANISI 18:37

Pilato ndi hone a tshi mu vhudzisa a ri, “Zwi amba uri u vha khosi ni khosi?” Yesu a fhindula a ri, “Ndi vhone vha no khou ri ndi khosi. Nṋe ndi tshi bebiwa na musi ndi tshi ḓa shangoni ndo ḓela tshithu tshithihi fhedzi: Ndo ḓela u ṱanzilela ngoho. Ane a vha wa ngoho u a mpfa.”

JOHANISI 20:21

Yesu a dovha a amba navho a ri, “Mulalo u vhe na inwi! Ndi a ni ruma sa zwiḽa Khotsi a tshi nthuma.”

JOHANISI 8:19

Vhone vha mu vhudzisa vha ri, “Nṋa khotsi aṋu vha ngafhi?” Yesu a fhindula a ri, “Inwi hu Nṋe a ni nnḓivhi, hu Khotsi anga a ni mu ḓivhi. Arali Nṋe no vha ni tshi nnḓivha ndi musi na Khotsi anga ni tshi ḓo vha ni tshi mu ḓivha.”

JOHANISI 8:23

Yesu a fhindula a ri, “Inwi ni vha fhano fhasi; Nṋe ndi bva ṱaḓulu. Hayani haṋu ndi fhano shangoni, hone kha Nṋe a zwo ngo ralo.

VHAROMA 1:1

Ndi nṋe Paulo, muḓinḓa wa Khristo Yesu o tiwaho uri ndi vhe muapostola nda khethelwa u ḓivhadza mafhungo maḓifha a bvaho ha Mudzimu.

VHAROMA 11:8

unga ho ṅwalwa ha pfi, “Mudzimu o eḓedza mimuya yavho, a swingisa maṱo avho, a dzingisa na nḓevhe dzavho, na ṋamusi.”

1 VHAKORINTA 14:37

Ane a vhona unga u na mpho ya u ḓivhadza zwe Mudzimu a dzudzanya, kana iṅwe mpho ya Muya, onoyo u fanela u ḓivha uri zwine nda ni ṅwalela ndi ndaela ya Muṋe washu.

2 VHAKORINTA 10:7

Ni sedzese! Arali hu na muṅwe henefho ane a fulufhela uri ene ndi wa Khristo, onoyo nga a ḓivhe uri na riṋe ri vha Khristo unga ene.

2 VHATHESALONIKA 1:8

e kha khavhu ya mulilo. U ḓo lifhedza vha landulaho Mudzimu vha sa funi u pfa mafhungo maḓifha a Muṋe washu Yesu.

1 TIMOTI 4:1

Muya Mukhethwa u tou amba zwi pfalaho u ri: misi ya vhufhelo vhaṅwe Vhakhriste vha vho ḓo landula zwe vha vha vha tshi zwi tenda, vha thetshelesa mimuya i xedzaho vhathu na pfunzo dza thuṅwa dza Saṱhane.

2 PITROSI 3:2

maipfi e a dzula o ambiwa nga vhaporofita vhakhethwa, na ndayo ya Mutshidzi Muṋe washu ye a ri laya nga vhaapostola vhaṋu.

1 JOHANISI 4:1

Vhafunwa, ni songo sokou tenda muṅwe na muṅwe ane a ri u na Muya wa Mudzimu; thomani u sedza ni vhone arali mimuya iyo i tshi bva ha Mudzimu. Ḓivhani uri vhaporofita vha khole-khole ndi vhanzhi, vho no ṱanganya shango.

1 JOHANISI 4:4

Hone inwi vhananga ni vha Mudzimu. No no ḓi kunda vhaporofita vha khole-khole ngauri Mudzimu u na inwi; u na maanḓa a no fhira a Muvhi a re kha vha shango ḽino.

1 JOHANISI 4:8

A si na lufuno ha ḓivhi Mudzimu, ngauri Mudzimu ndi lufuno.

1 JOHANISI 5:19

Riṋe ri ḓivha uri ri vha Mudzimu na uri shango ḽoṱhe ḽo thubiwa nga Muvhi.

JUDASI 1:17

Hone inwi vhafunwa, elelwani maipfi e a dzula o ambiwa nga vhaapostola vha Muṋe washu Yesu Khristo.