4 Hone inwi vhananga ni vha Mudzimu. No no ḓi kunda vhaporofita vha khole-khole ngauri Mudzimu u na inwi; u na maanḓa a no fhira a Muvhi a re kha vha shango ḽino.
Nṋe ndi khavho, Iwe ú kha Nṋe, uri vha tou vha tshithu tshithihi tshoṱhe; ndi hone shango ḽi tshi ḓo zwi vhona uri ndo rumiwa nga Iwe, na uri u a vha funa unga u tshi mpfuna.
Vhaṅwe vha ri, “Tsha thumbu ndi zwiḽiwa; tsha zwiḽiwa ndi thumbu.” Ndi zwone, hone ḓivhani uri Mudzimu u ḓo kaṱudza zwoṱhe vhuvhili hazwo. Muvhili a wo ngo sikelwa vhupombwe, wo sikelwa Muṋe washu, nahone Muṋe washu u a u vhavhalela.
Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu.
Nnḓu ya Mudzimu i nga tendelana hani na midzimu ya zwifanyiso? Ndi tshi ralo ndi uri riṋe ri Nnḓu ya Mudzimu a tshilaho. Na Mudzimu Ene muṋe o ri, “Ndi ḓo dzula navho, ra tshimbila roṱhe ndí Mudzimu wavho, vhone vhe lushaka lwanga.”
No vha ni tshi tshila nga u tevhela zwa shango ḽino, na zwa muvhusi a no langa thuṅwa dza Saṱhane dzi re tshikhalani; ndi wone muya u shumaho kha vha sa pfi Mudzimu.
Vhananga, ndi khou ni ṅwalela haya uri ni si tshinye. Hone arali muṅwe a nga tshinya, a ḓivhe uri ri na mupfumeleli ha Khotsi; ndi Yesu Khristo, Ene a sa khakhi.
Ane a tevhedza ndaela dza Mudzimu, u dzula e na vhuthihi nae, na Mudzimu e muthihi na onoyo. Zwine ra ḓivha ngazwo uri ri vhathihi nae ndi Muya wawe we a ri ṋea.
Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.
Riṋe ri vha Mudzimu; ane a ḓivha Mudzimu u a ri thetshelesa. A si wa Mudzimu ha ri thetshelesi. Ndi zwone zwine ra kona u ṱalukanya ngazwo Muya wa ngoho na wa vhufhura.