1 JOHANISI 4:2 - BIVHILI KHETHWA Mafhungo Madifha

² Zwine na ḓo ṱalukanya ngazwo Muya wa Mudzimu ngezwi: muṅwe na muṅwe ane a tenda uri Yesu Khristo o vha muthu wa ṋama, u na Muya wa Mudzimu.

1 JOHANISI 4:2 Iomraidhean Croise

JOHANISI 1:14

Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

1 VHAKORINTA 12:3

Zwino ni ḓivhe uri haho ane a nga ri, “Yesu kha a teketelwe!” o funzedzwa nga Muya wa Mudzimu; nahone haho-vho ane a nga ri, “Yesu ndi Muṋe wa zwoṱhe!” a songo funzedzwa nga Muya Mukhethwa.

1 TIMOTI 3:16

Tshiphiri itshi tsha u ofha Mudzimu a hu na ane a nga kona u hanedza a ri a si tshihulu: O ḓa shangoni a vha muthu; Muya o sumbedza tshine a vha tshone, a vhonwa na nga vharuṅwa, a ḓivhadzwa tshakha dzoṱhe, shango ḽoṱhe ḽa mu ṱanganedza, a takulwa a ya vhugalani.

1 JOHANISI 1:2

Vhutshilo honoho ro vhu dzumbululelwa ra vhu vhona; ri ṱhanzi dzazwo. Zwino riṋe fhano ri ni ḓivhadza zwa vhutshilo vhu sa gumi he ha vha vhu na Khotsi, ha vhuya ha dzumbululelwa riṋe.

1 JOHANISI 2:23

Ane a vhuya a landula Murwa, na u vha wa Khotsi a si wa Khotsi; ane a ṱanganedza Murwa, na Khotsi ndi khotsi awe.

1 JOHANISI 4:15

Ane a ṱanziela uri Yesu ndi Murwa wa Mudzimu, onoyo, Mudzimu u dzula nae, na ene u dzula e muthihi na Mudzimu.

1 JOHANISI 4:3

Ane a si tende Yesu nga u ralo ha na Muya wa Mudzimu; muya une a vha nawo ndi wa Muvhangisakhristo. A thi ri no pfa hu tshi pfi Muvhangisakhristo u ḓo ḓa? Nazwino o no ḓi vha hone fhano shangoni.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

2 JOHANISI 1:7

Ndi tshi ralo ndi uri ho bvelela vhadzia-u-xedza-vhathu fhano shangoni, nahone ndi vhanzhi. Vhenevho ndi vhane vha ṱanziela uri Yesu Khristo ho ngo vha muthu. Ndi vhenevho vhane nda vha amba ndi tshi ri, “ndi vhadzia-u-xedza-vhathu” na “vhavhangisakhristo”.