1 JOHANISI 4:12 - BIVHILI KHETHWA Mafhungo Madifha

¹² A hu na we a vhuya a vhona Mudzimu, hone arali ri tshi funana, ndi hone Mudzimu a tshi dzula na riṋe, lufuno lwawe lwa vhonala nga vhuḓalo kha riṋe.

1 JOHANISI 4:12 Iomraidhean Croise

GENESI 32:30

Jakopo a ri, “Ndo vhona Mudzimu ndo livhana nae, hone ndi si fe.” Ndi zwe a ri afho fhethu hu pfi Phenuele (Tshifhaṱuwo tsha Mudzimu).

EKISODA 33:20

Tshifhaṱuwo tshanga u nga si kone u tshi vhona; muthu a mmbona a nga si tsha dovha a tshila.

NUMERI 12:8

Ene ndi amba nae zwi tshi tou pfala ro livhana zwifhaṱuwo, ndi sa ambi nga dzithai, na tshifhaṱuwo tshanga o no tshi vhona! Zwino ndi mini ni sa tati u sola muḓinḓa wanga Mushe?”

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

1 VHAKORINTA 13:13

Zwino-ha zwi sa gumi ndi zwiraru: Ndi lutendo, na u lavhelela zwi ḓaho, na lufuno; hone-ha tshi fhiraho zwoṱhe ndi lufuno.

1 TIMOTI 1:17

Ene Khosi ya lini na lini, i sa dzami, i sa vhonwi nga maṱo, Ene Mudzimu e eṱhe, kha a huliswe a rendwe nga hu sa fheli. Amen.

1 TIMOTI 6:16

Ene e eṱhe a sa fi, a dzulaho tshedzani tshi sa swikelwi nga muthu; ha athu vhonwa nga maṱo a muthu nahone ha nga vhuyi a vhonwa nga maṱo. Ene nga a huliswe a vhuse lini na lini. Amen.

VHAHEBERU 11:27

A tshi ṱuwa Egipita ho vha hu si nga u ofha mbiti dza khosi, o itwa nga lutendo; a hana u humela murahu, zwa nga u khou vhona Mudzimu a sa vhonwi nga maṱo.

1 JOHANISI 2:5

Ane a tevhedza ipfi ḽa Mudzimu, ndi ene a mu funaho lwo khunyelelaho. Zwine ra ḓivha ngazwo uri ri vhathihi nae ngezwi:

1 JOHANISI 3:24

Ane a tevhedza ndaela dza Mudzimu, u dzula e na vhuthihi nae, na Mudzimu e muthihi na onoyo. Zwine ra ḓivha ngazwo uri ri vhathihi nae ndi Muya wawe we a ri ṋea.

1 JOHANISI 4:16

Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.

1 JOHANISI 4:20

Ane a ri, “Ndi funa Mudzimu,” ngeno a tshi vhenga mutendi ngae, onoyo ndi mudzia-u-zwifha. Arali a sa funi mutendi ngae ane a kona u mu vhona nga maṱo, u ḓo funa hani Mudzimu a sa mu vhoni nga maṱo?

1 JOHANISI 4:6

Riṋe ri vha Mudzimu; ane a ḓivha Mudzimu u a ri thetshelesa. A si wa Mudzimu ha ri thetshelesi. Ndi zwone zwine ra kona u ṱalukanya ngazwo Muya wa ngoho na wa vhufhura.