1 JOHANISI 4:1 - BIVHILI KHETHWA Mafhungo Madifha

¹ Vhafunwa, ni songo sokou tenda muṅwe na muṅwe ane a ri u na Muya wa Mudzimu; thomani u sedza ni vhone arali mimuya iyo i tshi bva ha Mudzimu. Ḓivhani uri vhaporofita vha khole-khole ndi vhanzhi, vho no ṱanganya shango.

1 JOHANISI 4:1 Iomraidhean Croise

1 MAHOSI 13:18

Muporofita uyo wa mukalaha a fhindula a ri, “Na nṋe ndi muporofita unga vhone. Muṋe washu o ruma muruṅwa a ḓa a mmbudza a ri, ‘Huma nae u mu ise muṱani wau uri a ḽe zwiḽiwa, a nwe maḓi.’ ” Hone muporofita uyo wa mukalaha o vha a tshi khou mu zwifhela.

MIRERO 14:15

Tshilendele ndi tendele; wa vhuronwane u sedza hune a ya.

JEREMIA 14:14

Muṋe washu a fhindula a ri, “Vhaporofita vha khou porofita mazwifhi nga dzina ḽanga. A tho ngo vha ruma, a tho ngo vha laedza, a tho ngo vhuya nda amba navho. Vha khou ni porofitela mabono a si a ngoho, vha ni bvumbela zwi sa tshidzi, ndi miloro ya u ḓihumbulela.

JEREMIA 23:16

Muṋe washu Mulangazwoṱhe u ri, “Ni songo thetshelesa zwine vhaporofita vha ni porofitela; vha ni fulufhelisa zwi si zwone. Vha amba mabono a no bva mihumbuloni yavho a songo ambiwa nga Nṋe Yahavee.

JEREMIA 5:31

Vhaporofita vha porofita mazwifhi fhedzi, vhotshifhe vha vhusela u ḓipfumisa fhedzi; vhathu vhanga na vhone vha funa zwo tou ralo. Hone musi zwi tshi fhela ni ḓo itani?’ ”

MARKOSI 13:21

“Zwenezwo arali ni tshi pfa muthu a tshi ri, ‘Vhonani Mesia khoyu!’ kana a tshi ri, ‘Vhonani khouḽaa!’ ni songo tenda.

LUKASI 12:57

“Ni itwa ngani ni sa koni u vhona uri zwine na fanela u ita ndi zwifhio?

LUKASI 21:8

Yesu a ri, “Ni dzule no fhaṱuwa uri ni si xedzwe; hu ḓo ḓa vhanzhi vha tshi ri ndi vhone Nṋe, muṅwe na muṅwe a tshi ri ndi ene Khristo, kana vha ri, ‘Tshifhinga tsho swika.’ Inwi ni songo vha tevhela.

MISHUMO 17:11

Afho vha wana vhathu vha no pfesesa u fhira vha Thesalonika. Vho vha vha tshi tou thetshelesa nga mbilu yoṱhe nahone ḓuvha ḽiṅwe na ḽiṅwe vha tshi sedzulusa Maṅwalo uri vha vhone arali zwine Paulo a amba zwi zwone.

MISHUMO 20:29

Nṋe ndi a zwi ḓivha uri ndi tshi ṱuwa ni ḓo ḓelwa nga maṱalerwa a vhuhali ane a ḓo tou hana u vhona sambi.

1 VHAKORINTA 12:10

muṅwe a ṋewa maanḓa a u ita maḓembe; muṅwe a ṋewa mpho ya u ḓivhadza vhathu zwe Mudzimu a dzudzanya; muṅwe a ṋewa vhukoni ha u ṱalukanya mishumo ya Muya wa Mudzimu na ya mimuya isili; muṅwe a ṋewa u kona u amba ndimi dzo fhambanaho, muṅwe a ṋewa mpho ya u dzi ṱalutshedza;

1 VHAKORINTA 14:29

Na avho vha re na mpho ya u ḓivhadza zwe Mudzimu a dzudzanya, hu nga ḓi amba vhavhili kana vhararu zwavho, vhaṅwe vha tshi khou thetshelesa nga vhusedzi.

1 VHATHESALONIKA 5:20

Ni songo nyadza zwine Mudzimu a ni ḓivhadza nga vhuporofita,

1 VHATHESALONIKA 5:21

hone ni tshi sedzesesa zwoṱhe, ni nange zwi re zwivhuya.

2 VHATHESALONIKA 2:2

ni songo sokou ṱavhanya u ṱanganywa ṱhoho kana u tshenuwa nga zwine ha pfi ḓuvha ḽa Muṋe washu ḽo swika, naho hu tshi pfi ndi vhuporofita kana ndi u bvumba kana ndi luṅwalo lune lwa pfi lu bva kha riṋe.

1 TIMOTI 4:1

Muya Mukhethwa u tou amba zwi pfalaho u ri: misi ya vhufhelo vhaṅwe Vhakhriste vha vho ḓo landula zwe vha vha vha tshi zwi tenda, vha thetshelesa mimuya i xedzaho vhathu na pfunzo dza thuṅwa dza Saṱhane.

2 TIMOTI 3:13

Hone vhathu vhavhi na vhafhuri vha ḓo ḓi ṋaṋa u ralo vha tshi fhura vhaṅwe, na vhone vha tshi fhurwa.

2 PITROSI 2:1

Hone na vhaporofita vha khole-khole vho ḓi vha hone kha Vhaisraele. Sa zwenezwo na kha inwi hu ḓo ḓi vha na vhafunzi vha khole-khole. Vha ḓo ni ḓela vho khuba pfunzo dzo shandeaho dza u lozwa vhathu, vha shandukela Muṋe wavho o vha vhofhololaho, u ralo ha vha u ḓiovhela mulandu vha lovha kathihi fhedzi.

1 JOHANISI 2:18

Vhananga, tshifhinga tsha vhufhelo tsho swika. No zwi pfa hu tshi pfi hu ḓo ḓa Muvhangisakhristo; mathina ho no ḓi bvelela vhavhangisakhristo vhanzhi. Ndi zwone zwine ra ḓivha ngazwo uri ndi tshifhinga tsha vhufhelo.

1 JOHANISI 2:7

Vhafunwa, ndaela iyi ine nda ni ṅwalela a si ntswa, ndi ya kale, ndi yeneiḽa ye na i pfa u bva mathomoni ni tshi rembuluwa. Ndaela hei ya kale ndi mafhungo e na vha no no ḓi a pfa.

2 JOHANISI 1:7

Ndi tshi ralo ndi uri ho bvelela vhadzia-u-xedza-vhathu fhano shangoni, nahone ndi vhanzhi. Vhenevho ndi vhane vha ṱanziela uri Yesu Khristo ho ngo vha muthu. Ndi vhenevho vhane nda vha amba ndi tshi ri, “ndi vhadzia-u-xedza-vhathu” na “vhavhangisakhristo”.

3 JOHANISI 1:11

Khonani yanga, ni songo edzisa zwo vhifhaho, edzisani zwivhuya. Ane a ita zwivhuya ndi wa Mudzimu. A itaho zwo vhifhaho ha athu vhuya a vhona Mudzimu.

NZUMBULULO 2:2

Zwoṱhe zwine na ita ndi a zwi ḓivha: ndi ḓivha u ḓinetisa haṋu, na u konḓelela haṋu, na u sa kona u konḓelela vhavhi, na u ṱalula vhane vha sokou ḓiita vhaapostola ngeno vhe si vhone, vhe vha khole-khole – ndi zwi ḓivha zwoṱhe.