1 JOHANISI 3:9 - BIVHILI KHETHWA Mafhungo Madifha

⁹ O bebwaho nga Mudzimu ha tsha endela u tshinya, ngauri mbeu ye Mudzimu a mu beba ngayo i dzula i ngomu hawe. Nahone a zwi tsha konadzea uri a endele u tshinya; hufha o bebwa nga Mudzimu.

1 JOHANISI 3:9 Iomraidhean Croise

JOBO 19:28

Arali na ri, “Ri nga mu tovhola hani, vhunga a tshi tambudzelwa vhuvhi hawe?” –

DZIPHISALEMA 119:3

A vha tshinyi, vha tshimbila nḓilani dzawe.

LIVITIKO 11:37

Arali tshitumbu tsha phukha tsha wela nṱha ha mbeu ine ya fanela u zwaliwa, yone a i kumali.

MATIOSI 7:18

Muri wavhuḓi a u aṋwi mitshelo i kalakataho, zwi ḓi nga muri u vhavhaho u sa aṋwi mitshelo i ḓifhaho.

JOHANISI 1:13

vhá songo tsha tou bebwa nga malofha kana nga u tamana ha vhathu zwavho kana nga u funa ha munna, vho tou bebwa nga Mudzimu Ene muṋe.

JOHANISI 3:3

Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

MISHUMO 4:20

A vha riṋe a ri koni u dzumba zwe ra zwi vhona na zwe ra zwi pfa.”

VHAROMA 6:2

Na kathihi! Hufha ro fa siani ḽa vhutshinyi, ri nga kona hani u ḓi tshila khaho?

VHAGALATA 5:17

Zwine tsiko ya muthu ya zwi funa a zwi anḓani na zwi funwaho nga Muya; hu ḓi nga zwi funwaho nga Ene Muya zwi sa anḓani na zwi funwaho nga tsiko ya muthu. Hezwi zwivhili a zwi anḓani, zwine zwa amba uri ni nga si sokou ita zwine na funa.

TITOSI 1:2

na u lavhelela vhutshilo vhu sa fheli. Mudzimu, Ene a sa zwifhi, o dzula o ri fulufhedzisa vhutshilo honoho shango ḽi sa athu sikwa,

1 PITROSI 1:23

ngauri ni tshi bebwa nga huswa a zwo ngo bva kha mbeu i sinaho, no bebwa nga i sa sini, nga ipfi ḽa Mudzimu ḽine ḽa ḓi dzula ḽi hone.

1 JOHANISI 2:29

Vhunga ni tshi ḓivha uri Ene ndi muvhuya, ni ḓo zwi ḓivha-vho uri ane a ita zwi re zwone o bebwa nga Mudzimu.

1 JOHANISI 3:6

Zwenezwo ane a tshila e muthihi nae ha tsha endela u tshinya. Ane a endela u tshinya ha athu mu vhona, na u mu ḓivha ha athu mu ḓivha.

1 JOHANISI 4:7

Vhafunwa, kha ri funane, ngauri lufuno lu bva ha Mudzimu; a re na lufuno o bebwa nga Mudzimu, u ḓivha Mudzimu.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

1 JOHANISI 5:18

Ri a ḓivha uri o bebwaho nga Mudzimu ha endeli u tshinya; Murwa wa Mudzimu u ḓi mu tsireledza uri Muvhi a si mu kone.

1 JOHANISI 5:4

hufha o bebwaho nga Mudzimu a tshi kunda zwa shango. Tshine ra kunda ngatsho ndi lutendo lwashu.

3 JOHANISI 1:11

Khonani yanga, ni songo edzisa zwo vhifhaho, edzisani zwivhuya. Ane a ita zwivhuya ndi wa Mudzimu. A itaho zwo vhifhaho ha athu vhuya a vhona Mudzimu.