1 JOHANISI 3:4 - BIVHILI KHETHWA Mafhungo Madifha

⁴ Ane a tshinya u nyadza mulayo wa Mudzimu; iṱali u tshinya hu u nyadza mulayo wa Mudzimu.

1 JOHANISI 3:4 Iomraidhean Croise

1 MAHOSI 8:47

vha ri vhe henefho vha ḓisola, vha ṱavha mukosi vha ri, ‘Ro tshinya, ri na mulandu, ro ita vhuvhi,’ thetshelesa thabelo yavho.

1 KORONIKA 10:13

Saulo o fa nge Muṋe washu a vhona a sa fulufhedzei. O nyadza ipfi ḽa Muṋe washu, a ita na u yo vhudzisa mimuya ya vho faho uri i mu eletshedze,

2 KORONIKA 24:20

Ndi hone Muya wa Mudzimu a tshi dzhena kha Zakaria ṅwana wa tshifhe Jehoyada. Zakaria a ima phanḓa ha vhathu a ri, “Mudzimu u ri, ‘Ndi mini ni tshi nyadza ndaela ya Yahavee? Zwi nga si ni nakele. No ṱutshela Yahavee, zwino u ḓo ni ṱutshela-vho.’ ”

YESAYA 53:8

O farwa, a haṱulwa, a iswa u vhulawa, hu si vhe na ane a zwi londa; o tumulwa shangoni ḽa vha tshilaho, a vhulahelwa vhutshinyi ha vhathu vha Mudzimu.

DANIELE 9:11

Vhaisraele vhoṱhe vho pfuka milayo yau vha u furalela, vha hana u thetshelesa ipfi ḽau. Ndi zwe khombo dzo ṅwalwaho kha mulayo wa Mushe muḓinḓa wau dza shulutshela kha riṋe, dzenedziḽa khombo dze wa amba nga muano wa ri u ḓo ri teketela nge ra u khakhela.

NUMERI 15:31

nge a nyadza ipfi ḽa Yahavee, a pfuka ndayo dzawe. A tshi tumulwa ndi mulandu wawe.

MATIOSI 5:19

“Ngauralo ane a laṱa na ṱhukhu zwayo kha ndaela idzi a funza vhathu uri vha i laṱe-vho, ndi ene ane a ḓo pfi muṱuku muvhusoni wa Mudzimu. Hone ane a i tevhedza, a funza na vhaṅwe uri vha i tevhedze, ndi ene ane a ḓo pfi muhulwane muvhusoni wa Mudzimu.

MISHUMO 23:3

Paulo ene a ri, “Mudzimu u ḓo rwa enewe luvhondo lwo sokou fhomiwaho nga nnḓa! U nga ri wo dzulela u ntsengisa nga Mulayo, wa dovha wa pfuka Mulayo nga u nthwisa!”

VHAROMA 3:20

Ngauralo a hu na ane a ḓo pfi muvhuya nga u ita zwine Mulayo wa amba; tshine Mulayo wa ita ndi u sumbedza muthu vhutshinyi hawe.

VHAROMA 4:15

Mulayo hufha u tshi ḓisa ṱhamu ya Mudzimu musi ri tshi u pfuka! Hone hu si na mulayo, na u pfuka a huho.

2 VHAKORINTA 12:21

Ndi ofha uri khamusi ndi tshi dovha u ḓa Mudzimu wanga u ḓo nṱukufhadza ni tshi zwi vhona, nahone ndi ḓo lilela vhanzhi vhe vha tshinya vha si tsha laṱa vhuaḓa havho na vhupombwe na kutshilele kwa vhuḓabaḓaba.

JAKOPO 5:15

Thabelo iyo arali vha tshi fulufhela i ḓo tshidza mulwadze, Muṋe washu a mu vusa thovhoni. Naho a nga vha o tshinya u ḓo hangwelwa.

1 JOHANISI 5:17

Vhuvhi hoṱhe ndi u tshinya, hone hu ḓi vha na u tshinya ha u sa tou isa lufuni.

1 SAMUELE 15:24

Ndi hone Saulo a tshi amba na Samuele a ri, “Ndo tshinya. Ndo pfuka ndaela ya Muṋe washu na ndayo dzawe. Ndo vha ndi tshi ofha vhathu, ndi zwe nda tenda zwe vha mmbudza.