1 JOHANISI 3:3 - BIVHILI KHETHWA Mafhungo Madifha

³ Huno muṅwe na muṅwe a no mu ṱulutshela nga u ralo u a ḓikumulula unga na Ene Khristo a songo kumala.

1 JOHANISI 3:3 Iomraidhean Croise

2 SAMUELE 22:27

vha mbilu dzo ṱambaho vha wana na Iwe u na mbilu tshena, hone vhadziavhumbulu vha wana u swina.

MATIOSI 5:48

Inwi ivhani vhavhuya vha si na tshiṱahe, unga Khotsi aṋu wa ṱaḓulu e muvhuya a sa ṱahedzi.

LUKASI 6:36

Na inwi khathutshelanani unga Khotsi aṋu a tshi ni khathutshela.

JOHANISI 17:19

Ndi ḓikumedza Iwe ndi tshi itela vhone uri na vhone vha kone u ḓikumedza Iwe vhukuma.

MISHUMO 15:9

Ho ngo vha ṱalula kha riṋe; o vha ṱanzwa dzimbilu nge vha mu ṱanganedza.

VHAROMA 15:12

Ha dovha ha amba na Yesaya a ri, “Hu ḓo simuwa ḓadzwane kha mudzi wa Isai, Ene a no ḓo vuwa, a vha Muvhusi wa vhannḓa; tshakha dza vhannḓa dzi ḓo lavhelela Ene.”

2 VHAKORINTA 7:1

Vha hashu, vhunga ro fulufhedziswa zwoṱhe hezwo, kha ri ile zwoṱhe zwi kumadzaho muvhili na muya ri ofhe Mudzimu ri ḓikumedze Ene tshoṱhe.

VHAKOLOSA 1:5

zwi tshi bva kha zwe na lavhelela, zwe Mudzimu a ni vhulungela ngei ṱaḓulu – ndi amba iḽa ngoho ye na thoma u i pfa ni tshi ḓivhadzwa mafhungo maḓifha

2 VHATHESALONIKA 2:16

Muṋe washu Yesu Khristo Ene muṋe na Mudzimu Khotsi ashu, Ene we a ri funa, a dzula a tshi ri khwaṱhisa nga vhuthu hawe, a ri ṋea na zwivhuya zwe ra ṱulutshela,

TITOSI 3:7

uri ri pfi vhavhuya zwi tshi bva kha tshilidzi tshawe, ri vhe maḽaifa awe ri lavhelele vhutshilo vhu sa gumi.

VHAHEBERU 12:14

Tshaṋu nga hu vhe u dzudzana na vhathu vhoṱhe nga mulalo, ni luse u tshila vhutshilo vhukhethwa; ane a si ralo a nga si vhone Muṋe washu.

VHAHEBERU 6:18

Zwino ho no vha na u fulufhedziswa ha dovha ha vha na muano – zwithu zwivhili zwine zwi si shanduke, zwine zwa khwaṱhisa uri Mudzimu ha zwifhi. Zwenezwo riṋe ro shavhelaho khae ro ṱuṱuwedzwa tshoṱhe lune ra tou oma ro livha zwe ra fulufhela, zwiḽa zwe Mudzimu a ri vhetshela ngei phanḓa.

VHAHEBERU 7:26

Asuyu-ha tshifhe muhulu ane ra mu lila: ndi mukhethwa, ha solisei, ha na zwa dzitshika, ha fani na vhatshinyi, o takulelwa ṱaḓulu ha makole.

JAKOPO 4:8

Sendelani tsini ha Mudzimu, ndi hone na Ene a tshi ḓo sendela tsini haṋu. Hee inwi vhatshinyi, zwanḓa zwaṋu nga zwi kune; mbilu dzi ṱambe inwi vha mbilu mbili.

1 PITROSI 1:15

Vhunga Mudzimu, Ene we a ni vhidza, e mukhethwa, na inwi tshilani vhutshilo ha vhukhethwa,

1 PITROSI 1:3

Kha ri rende Mudzimu, Khotsi a Muṋe washu Yesu Khristo. O ri khathutshela zwihulu a ri beba nga huswa uri ri vhe na zwe ra fulufhela zwine zwa ḓo vha vhutshilo hashu, ri vhe na ifa ḽi sa ṱahali, ḽi sa siḓufhali, ḽi sa haluluwi, ḽe a ni vhulungela ngei ṱaḓulu. Hezwo ro kona u zwi wana nge Yesu Khristo a vuswa vhafuni.

2 PITROSI 1:4

Nga eneo maanḓa na vhugala a ri ṋea zwenezwo zwihuluhulu zwi tamisaho zwe a ri fulufhedzisa, uri naho vhanzhi vha tshi khou lovha fhano shangoni nga mulandu wa dzinyemulo, inwi ni zwi ponyoke ni si lovhe, ni vhe na mukovhe kha vhutshilo ha Mudzimu.

2 PITROSI 3:14

Zwenezwo vhafunwa, vhunga no lavhelela hezwo, fungelelani u tshila ni tshi konana na Mudzimu, ni sa khakhi, ni sa solisei.

1 JOHANISI 2:6

Ane a ri u dzula e muthihi nae u fanela u tevhedza kutshilele kwa Yesu.

1 JOHANISI 4:17

A ri tsha ḓo ofha tshithu nga ḓuvha ḽa khaṱhulo, ngauri ri vho tshila nga lufuno fhano shangoni unga na Yesu a tshi tshila nga lufuno. Ndi lwone lufuno lwo khunyelelaho.