1 JOHANISI 3:2 - BIVHILI KHETHWA Mafhungo Madifha

² Vhafunwa, zwino ro no vha vhana vha Mudzimu; naho zwo ralo a zwi athu vhonala tshoṱhe zwine ra ḓo vha zwone. Zwine ra zwi ḓivha ndi zwauri musi Khristo a tshi vhuya ri ḓo fana nae, ngauri ri ḓo mu vhona ra tou vhona zwenezwo zwine a vha zwone.

1 JOHANISI 3:2 Iomraidhean Croise

JOBO 19:26

Nangwe lukanda lwanga lu tshi ḓo vha lwo no ṱahala, ndi ḓo vhona Mudzimu ndí kha muvhili wonouno, Mudzimu ndi ḓo mu vhona.

DZIPHISALEMA 16:11

U ntsumbedza nḓila ya vhutshilo; ndí na Iwe, ndi hone ndo fushea, zwine wa mpha zwi dzula zwi tshi ntakadza.

DZIPHISALEMA 17:15

Hone nṋe ndi a fulufhedzea, ndi ḓo vhona tshifhaṱuwo tshau, ndi tshi vuwa ndi ḓo u vhona ro livhana zwifhaṱuwo nda pfa ndo fushea.

DZIPHISALEMA 31:19

Vhuthu hau ho hula hani! U dzula u tshi tonda vha u ofhaho na vhoṱhe vha khudaho nga Iwe, uri vhathu vhoṱhe vha zwi vhone.

YESAYA 56:5

ndi hone dzina ḽau ḽi tshi ḓo ṅwaliwa kha tombo ḽa tshihumbudzo thembeleni yanga, zwa fhira na musi wo vha u na vhana vha vhatuka na vhasidzana; dzina ḽau a ḽi nga hangwiwi, lutsinga lwau a lu nga tumuwi.”

MALAKIA 3:2

Huno ane a nga kona u konḓelela ḓuvha ḽa u ḓa hawe ndi nnyi? Ndi nnyi ane a nga ima musi a tshi bvelela? U ḓo nga mulilo wa u bvisa manyelo, u ḓo nga tshisibe tsha u kuvha.

MATIOSI 5:8

Mashudu vha mbilu dzo ṱambaho: vhane vha ḓo vhona Mudzimu ndi vhenevho.

LUKASI 17:30

Na nga ḓuvha ḽa u dzumbuluwa ha Mubebwa-nga-muthu zwi ḓo ḓi tou ralo.

LUKASI 20:36

hufha vha tshi ḓo vha vha sa tsha fa, vha tshi vho nga vharuṅwa, vhe vhana vha Mudzimu nge a vha vusa vhafuni.

JOHANISI 1:12

Hone vhoṱhe vhe vha mu ṱanganedza vha mu fulufhedza, o vha ṋea pfanelo ya u vha vhana vha Mudzimu,

JOHANISI 11:52

nahone lu si lwa Majuda fhedzi; o vha a tshi ḓo fela na vhana vha Mudzimu vho balanganaho na shango uri a vha kuvhanganye, vha vhe tshithu tshithihi.

JOHANISI 17:24

“Khotsi anga, havha vhathu vhe wa vha kumedza Nṋe ndi funa vha tshi vha na Nṋe hune nda vha hone uri vha vhone vhugala hanga he nda ṋewa nga Iwe vhunga iṱali wo ḓi mpfuna shango ḽi sa athu sikwa.

VHAROMA 8:16

Ngauralo Muya wa Mudzimu Ene muṋe u ḓadzisa vhuṱanzi ha mbilu dzashu ha uri ri vhana vha Mudzimu.

VHAROMA 8:18

Nṋe ndi vhona uri u tambula ha tshifhinga tshino hu nga si vhuye ha vhambedzwa na vhugala vhune ra ḓo dzumbululelwa.

VHAROMA 8:19

Zwisikwa zwoṱhe zwo lavhelela zwa musi Mudzimu a tshi ḓo dzumbulula vhana vhawe.

VHAROMA 8:29

ngauri vhe a dzula o vha nanga, o dzula o vha tela u fana na Murwa wawe, uri Ene a vhe Tanzhe ḽa vharathu vhanzhi.

1 VHAKORINTA 13:12

Zwine ra vhona zwino a zwi vhonalesi; zwi nga murunzi kha tshivhoni. Ngavhuya ri ḓo vhona Mudzimu ro tou livhana zwifhaṱuwo. Zwine nda ḓivha zwino ndi kupiḓanyana; ngavhuya ndi ḓo zwi ḓivha tshoṱhe sa zwine Mudzimu a nnḓivha tshoṱhe.

1 VHAKORINTA 15:49

Unga ro vha ri tshi fana na uḽa o vhumbwaho nga vumba, ri ḓo fana na uḽa wa ṱaḓulu sa zwenezwo.

1 VHAKORINTA 2:9

Iṱali ho ṅwaliwa ha pfi, “Zwe Mudzimu a lugisela vha mu funaho a hu na iṱo ḽe ḽa vhuya ḽa zwi vhona, a hu na nḓevhe ye ya vhuya ya zwi pfa, a hu na we a vhuya a zwi elekanya.”

2 VHAKORINTA 3:18

Riṋe roṱhe ro no khurumuwa zwifhaṱuwo, ri vho tou vhona vhugala ha Muṋe washu. Ri ḓi shandukiswa ri tshi ya uri ri fane na Khristo, lupenyo lwashu lwa ḓi engedzea lu tshi ya, izwo zwi tshi itwa nga Muṋe washu, Ene Muya.

2 VHAKORINTA 4:17

U tambula hohu huṱuku ha tshifhinganyana hu khou ri ḓisela vhugala vhu sa gumi, vhune ha fhira hezwi kule-kule; a zwi vhuyi zwa vhambedzwa;

VHAGALATA 3:26

Hufha noṱhe ni vhana vha Mudzimu nge na fulufhela Khristo Yesu.

VHAGALATA 4:6

Huno-ha Mudzimu a ruma Muya wa Murwa wawe a dzhena mbiluni dzashu uri zwi vhonale uri ni vhana vhawe. Ndi onoyo Muya ane a vhidzelela a ri, “Baba, Khotsi anga!”

VHAFILIPI 3:21

Ndi hone a tshi ḓo shandukisa mivhili yashu heino i nyadzeaho ya fana na wawe wa vhugala. U ḓo zwi ita nga maanḓa awe a luvhisaho zwoṱhe.

VHAKOLOSA 3:4

Khristo ndi Ene vhutshilo haṋu. Musi a tshi ḓo dovha a vhonala, ndi hone na inwi ni tshi ḓo vhonala nae ni na vhugala.

VHAHEBERU 9:28

Sa zwenezwo Khristo o ḓikumedza a vha tshipfumelo luthihi fhedzi ha vha u ḓihwesa vhutshinyi ha vhathu vhanzhi. A tshi vhuya u ḓo vha a sa ḓeli u fela vhatshinyi, u ḓo vha a tshi ḓela u tshidza vho mu lindelaho.

2 PITROSI 1:4

Nga eneo maanḓa na vhugala a ri ṋea zwenezwo zwihuluhulu zwi tamisaho zwe a ri fulufhedzisa, uri naho vhanzhi vha tshi khou lovha fhano shangoni nga mulandu wa dzinyemulo, inwi ni zwi ponyoke ni si lovhe, ni vhe na mukovhe kha vhutshilo ha Mudzimu.

1 JOHANISI 2:28

Ndi zwone vhananga, dzulani ni vhathihi na Khristo, uri musi a tshi vhuya a wane ri sa ofhi, ri si mu dzumbame nga ṱhoni nga ḓuvha heḽo ḽa u vhuya hawe.

1 JOHANISI 2:7

Vhafunwa, ndaela iyi ine nda ni ṅwalela a si ntswa, ndi ya kale, ndi yeneiḽa ye na i pfa u bva mathomoni ni tshi rembuluwa. Ndaela hei ya kale ndi mafhungo e na vha no no ḓi a pfa.

1 JOHANISI 3:1

Edzonu vhona uri Khotsi o ri funa hani: henefha hune ra vho tou pfi vhana vha Mudzimu. Nangoho ndi zwenezwo zwine ra vha zwone. Ndi zwine shango ḽi si ri ḓivhe ngazwo: ndi uri na Ene a ḽi mu ḓivhi.

1 JOHANISI 3:10

Zwine ra kona u ṱalukanya ngazwo vhana vha Mudzimu na vha diabolo khezwi: ane a si ite zwine Mudzimu a funa a si wa Mudzimu; zwi ḓi nga a sa funi vhatendi ngae e si wa Mudzimu.

1 JOHANISI 3:21

Zwino-ha vhafunwa, arali mvalo dzashu dzi sa ri rovhedzi ri nga si ofhe phanḓa ha Mudzimu.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

NZUMBULULO 2:28

“ ‘Zwi ḓi nga zwe nda ṋewa nga Khotsi anga. Ndi ḓo dovha nda mu ṋea na Masase ya vha yawe.

NZUMBULULO 22:4

Vha ḓo vhona tshifhaṱuwo tshawe, dzina ḽawe ḽó ṅwalwa kha phanḓa dzavho.