1 JOHANISI 3:1 - BIVHILI KHETHWA Mafhungo Madifha

¹ Edzonu vhona uri Khotsi o ri funa hani: henefha hune ra vho tou pfi vhana vha Mudzimu. Nangoho ndi zwenezwo zwine ra vha zwone. Ndi zwine shango ḽi si ri ḓivhe ngazwo: ndi uri na Ene a ḽi mu ḓivhi.

1 JOHANISI 3:1 Iomraidhean Croise

2 SAMUELE 7:19

Zwa tou nga wo vhona zwi songo eḓana, Muṋe wa zwoṱhe Muṋe washu, wa vhuya wa tou amba na zwa misi i ḓaho zwa nnḓu yanga ya vhuhosi. Yawee Muṋe wa zwoṱhe Muṋe washu, muthu zwawe a no nga nṋe a nga fulufhedziswa zwo raloho naa?

DZIPHISALEMA 31:19

Vhuthu hau ho hula hani! U dzula u tshi tonda vha u ofhaho na vhoṱhe vha khudaho nga Iwe, uri vhathu vhoṱhe vha zwi vhone.

JEREMIA 3:19

Muṋe washu u ri, “Israele, ndo vha ndi tshi ṱoḓa u u ṱanganedza uri u vhe ṅwananga, ndi u fhe shango ḽi takadzaho, wone mukovhe wo nakaho u fhira ya tshakha dzoṱhe. Ndo vha ndi tshi vhona unga u tshi nnyamba u do ri ‘Baba’, wa si tsha mpfuralela.

HOSIA 1:10

“Naho zwo ralo Vhaisraele vha ḓo anda unga muṱavha wa lwanzhe u sa elei, u sa vhalei. Fhaḽa he ha pfi, ‘A ni vhathu vhanga’, vha vho ḓo pfi vhana vha Mudzimu a tshilaho.

LUKASI 20:36

hufha vha tshi ḓo vha vha sa tsha fa, vha tshi vho nga vharuṅwa, vhe vhana vha Mudzimu nge a vha vusa vhafuni.

JOHANISI 1:12

Hone vhoṱhe vhe vha mu ṱanganedza vha mu fulufhedza, o vha ṋea pfanelo ya u vha vhana vha Mudzimu,

JOHANISI 11:52

nahone lu si lwa Majuda fhedzi; o vha a tshi ḓo fela na vhana vha Mudzimu vho balanganaho na shango uri a vha kuvhanganye, vha vhe tshithu tshithihi.

JOHANISI 15:21

Huno zwine vha ḓo ni ita, vha ḓo ni ita nge na vha vhanga, ngauri we a nthuma a vha mu ḓivhi.

JOHANISI 16:3

Vha ḓo ni ita zwithu izwo ngauri hu Nṋe, hu Khotsi, a vha ri ḓivhi.

JOHANISI 17:25

Khotsi muvhuya, shango a ḽi u ḓivhi, hone Nṋe ndi a u ḓivha, na avha vha a zwi ḓivha uri ndi Iwe wo nthumaho.

JOHANISI 3:16

Mudzimu shango o ḽi funa zwihulu lwe a vhuya a kumedza Murwa wawe muthihi fhedzi, uri muṅwe na muṅwe ane a mu fulufhela a si lovhe, tshawe hu vhe u wana vhutshilo vhu sa gumi.

VHAROMA 5:8

Atsina Mudzimu u ri sumbedza lufuno lwawe nga Khristo a tshi ri fela ri tshee vhatshinyi.

VHAROMA 8:19

Zwisikwa zwoṱhe zwo lavhelela zwa musi Mudzimu a tshi ḓo dzumbulula vhana vhawe.

VHAROMA 8:21

tsha uri zwi ḓo vhuya zwa vhofhololwa vhupulini ha u lovha, zwa ṋewa vhugala ha vhana vha Mudzimu vho vhofhololwaho.

VHAROMA 8:32

Ene we a si tshivhe na Murwa wawe muthihi fhedzi, a tou mu kovha a tshi ri a fele roṱhe; a tshi ri ṋea Murwa wawe ndi zwine a nga kundwa ngani u ri ṋea zwoṱhe-zwoṱhe naa?

2 VHAKORINTA 6:18

nda vha Khotsi aṋu, inwi na vha vhana vhanga” – hu tshi amba Ene Muṋe washu Ramaanḓaoṱhe.

VHAGALATA 3:26

Hufha noṱhe ni vhana vha Mudzimu nge na fulufhela Khristo Yesu.

VHAGALATA 3:29

Zwino-ha arali ni vha Khristo ni vhaḓuhulu vha Abrahamu, ni ḓo ḽa ifa ḽe na fulufhedziswa nga Mudzimu.

DOTORONOMIO 14:1

“Inwi ni vhana vha Muṋe washu Mudzimu waṋu; zwenezwo ni tshi lilela mufu ni songo ḓitshetshekanya kana na vheula mavhudzi a phanḓa a ṱhohoni unga vhannḓa.

VHAKOLOSA 3:3

Hufha no fa; vhutshilo haṋu ndi vhuḽa ho dzumbamaho na Khristo ngei Mudzimuni.

1 JOHANISI 3:10

Zwine ra kona u ṱalukanya ngazwo vhana vha Mudzimu na vha diabolo khezwi: ane a si ite zwine Mudzimu a funa a si wa Mudzimu; zwi ḓi nga a sa funi vhatendi ngae e si wa Mudzimu.

1 JOHANISI 3:2

Vhafunwa, zwino ro no vha vhana vha Mudzimu; naho zwo ralo a zwi athu vhonala tshoṱhe zwine ra ḓo vha zwone. Zwine ra zwi ḓivha ndi zwauri musi Khristo a tshi vhuya ri ḓo fana nae, ngauri ri ḓo mu vhona ra tou vhona zwenezwo zwine a vha zwone.

1 JOHANISI 4:17

A ri tsha ḓo ofha tshithu nga ḓuvha ḽa khaṱhulo, ngauri ri vho tshila nga lufuno fhano shangoni unga na Yesu a tshi tshila nga lufuno. Ndi lwone lufuno lwo khunyelelaho.

NZUMBULULO 21:7

A kundaho, mukovhe wawe ngoyu: ndi ḓo vha Mudzimu wawe ene a vha ṅwananga.