1 JOHANISI 2:5 - BIVHILI KHETHWA Mafhungo Madifha

⁵ Ane a tevhedza ipfi ḽa Mudzimu, ndi ene a mu funaho lwo khunyelelaho. Zwine ra ḓivha ngazwo uri ri vhathihi nae ngezwi:

1 JOHANISI 2:5 Iomraidhean Croise

JOHANISI 14:23

Yesu a mu fhindula a ri, “Ane a mpfuna u ḓo tevhedza pfunzo yanga; onoyo, Khotsi anga u ḓo mu funa, huno Ene Khotsi na Nṋe ri ḓo ḓa khae ra dzula nae.

JOHANISI 14:21

“Ane a ṱanganedza ndaela dzanga a dzi tevhedza ndi ene ane a mpfuna, huno ane a mpfuna, Khotsi anga u ḓo mu funa-vho. Na Nṋe ndi ḓo mu funa nda ḓidzumbululela ene.”

LUKASI 11:28

Yesu Ene a fhindula a ri, “Mashudu mahulwane a na onoyo muthu ane a ri u pfa ipfi ḽa Mudzimu a ita zwine ḽa amba.”

1 JOHANISI 3:24

Ane a tevhedza ndaela dza Mudzimu, u dzula e na vhuthihi nae, na Mudzimu e muthihi na onoyo. Zwine ra ḓivha ngazwo uri ri vhathihi nae ndi Muya wawe we a ri ṋea.

DZIPHISALEMA 119:2

Vha na mashudu vha no vhulunga nyeletshedzo dzawe, vha ḓidinela Ene nga mbilu yoṱhe.

NZUMBULULO 14:12

Ndi hone-ha hune ha ṱoḓea uri vhakhethwa vha Mudzimu vha konḓelele. Ndi vhane vha vhulunga ndaela dza Mudzimu vha dzula vha tshi tevhela Yesu nga u fulufhedzea.

1 JOHANISI 5:2

Zwenezwo arali ri tshi funa Mudzimu ra tevhedza ndaela dzawe, na vhana vhawe ri a vha funa.

JOHANISI 15:5

“Munḓirivhe ndi Nṋe, inwi ni matavhi. Ane a dzula kha Nṋe, Nṋe nda dzula khae ndi ene ane a aṋwa mitshelo minzhi, ngauri ni si na Nṋe a ni koni u ita tshithu.

ESEKIELE 36:27

Ndi ḓo dzhenisa Muya wanga ngomu haṋu, nda ita uri ni vhulunge milayo yanga, na hulisa ndayo dzanga na dzi tevhedza.

1 JOHANISI 4:18

A na lufuno ha tshee na nyofho; lufuno lwo khunyelelaho lu thatha nyofho; ndi zwine nda ri arali muthu a tshi kha ḓi ofha, lufuno lwawe a lu athu khunyelela ngauri u kha ḓi humbula ṱhamu.

DZIPHISALEMA 119:146

Ndi u ṱavhela mukosi, ntshidze, ndi ḓo konou ita zwe wa nnyeletshedza.

2 VHAKORINTA 5:17

Zwino-ha arali muthu o vha muthihi na Khristo ndi tsiko ntswa; ya kale yo fhela, ho ḓa ntswa.

NZUMBULULO 12:17

Ḓiragoni ḽone ḽa sinyutshela uyo mufumakadzi, ḽa yo lwa na vhana vhawe vhoṱhe vho salaho vhane vha tevhedza ndaela dza Mudzimu vha nambatela zwe Yesu a ṱanzilela.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.

1 VHAKORINTA 1:30

Hone inwi Mudzimu o ni ita vhathihi na Khristo Yesu, we a mu ita vhuṱali hashu, ngauri ndi Ene vhuvhuya hashu na vhukhethwa hashu na u rengululwa hashu.

VHAROMA 8:1

Zwino-ha vha re vhathihi na Khristo Yesu a vha tsha laṱwa.

JAKOPO 2:22

A u vhoni: lutendo lwawe lwo shumisana na mishumo yawe, lutendo lwa khunyelela nga yone mishumo.

2 VHAKORINTA 5:21

Khristo o vha a si na vhutshinyi, naho zwo ralo Mudzimu a ita uri a nge mutshinyi, uri riṋe ri pfumelelwe nga u itwa vhathihi nae.

JOHANISI 6:56

Ane a ḽa muvhili wanga a nwa na malofha anga, u dzula e kha Nṋe, na Nṋe ndi khae.

MUFUNZI 8:5

Ane a thetshelesa ndaela dzawe ha nga huvhali. Wa vhuṱali u ḓivha uri zwi itwa hani nahone lini.

DZIPHISALEMA 106:3

Vha na mashudu vha sa fhidzi u ita zwi re zwone, vha no dzula vha tshi fulufhedzea kha zwoṱhe zwine vha ita.

MIRERO 8:32

“Zwino-ha vhananga, thetshelesani ndi ni vhudze: Vha na mashudu vhane vha kanda nḓilani dzanga.

DZIPHISALEMA 119:4

Wo vhea ndaela dzau, wa ri dzi tevhelwe nga vhuronwane.

MIRERO 28:7

Muṱhannga a no vhulunga mulayo u na maano; a no konana na vha sa ḓivhalei u shonisa khotsi awe.

DZIPHISALEMA 105:45

Hezwo o zwi itela uri vha nambatele ndaela dzawe, vha vhulunge milayo yawe. Haleluya, nga hu rendwe Muṋe washu!

1 JOHANISI 4:17

A ri tsha ḓo ofha tshithu nga ḓuvha ḽa khaṱhulo, ngauri ri vho tshila nga lufuno fhano shangoni unga na Yesu a tshi tshila nga lufuno. Ndi lwone lufuno lwo khunyelelaho.

2 JOHANISI 1:6

Lufuno zwino ndi mini? Lufuno ndi u tshila nga u tevhedza ndaela dza Mudzimu. Ndaela yawe ndi uri ri tshile nga u funana. Ndi zwone zwe na vhudzwa u bva henengei mathomoni.