1 JOHANISI 2:4 - BIVHILI KHETHWA Mafhungo Madifha

⁴ Ane a ri, “Ndi ḓivha Mudzimu,” ngeno a sa tevhedzi ndaela dzawe, onoyo ndi muzwifhi, ha na ngoho.

1 JOHANISI 2:4 Iomraidhean Croise

JOHANISI 8:44

Inwi ni vhana vha khotsi aṋu diabolo; ni funa u ita zwine khotsi aṋu a tama. Ene o ḓi vha mupondavhathu u bva henengei mathomoni. Ho ngo vhuya a kona u ima kha ngoho; tshawe o ḓi vha mazwifhi. Musi a tshi zwifha u khou tou ita zwo mu fanelaho, ngauri ndi muzwifhi; ndi ene khotsi a mazwifhi.

TITOSI 1:10

Ndi tshi ralo ndi uri khundavhalai dzo no andesa, vhadzia-u-fhafhaḓa vhane vha fhura vhathu nga mafhafhaḓo avho, zwihulu vhe vha rembuluwa vha tshi bva kha Tshijuda.

TITOSI 1:16

Vha ḓiita vha ḓivhaho Mudzimu ngeno vha tshi mu landula nga zwiito zwavho. Vha a nengisa, na u pfa a vha pfi, a hu na na tshivhuya na tshithihi tshine vha nga kona u tshi ita.

1 JOHANISI 1:10

Arali ra ri a ri athu tshinya, ri khou mu ita muzwifhi; zwenezwo na ipfi ḽawe a ro ngo vhuya ra ḽi swielela.

1 JOHANISI 1:6

Zwenezwo arali ri tshi ri ri vhathihi nae, hone ri tshi ḓi tshila swiswini, ndi mazwifhi fhedzi, ro no bva ngohoni.

1 JOHANISI 1:8

Arali ra ri a ri khakhi, ndi u ḓifhura, a ro ngo ima ngohoni.

1 JOHANISI 2:3

Arali ra tevhedza ndaela dzawe ndi hone ri na ngoho ya uri ri a mu ḓivha.

1 JOHANISI 2:9

Ane a ri u tshedzani ngeno a tshi vhenga mutendi ngae, u tshee swiswini na ṋamusi.

1 JOHANISI 3:6

Zwenezwo ane a tshila e muthihi nae ha tsha endela u tshinya. Ane a endela u tshinya ha athu mu vhona, na u mu ḓivha ha athu mu ḓivha.

1 JOHANISI 4:20

Ane a ri, “Ndi funa Mudzimu,” ngeno a tshi vhenga mutendi ngae, onoyo ndi mudzia-u-zwifha. Arali a sa funi mutendi ngae ane a kona u mu vhona nga maṱo, u ḓo funa hani Mudzimu a sa mu vhoni nga maṱo?

1 JOHANISI 4:7

Vhafunwa, kha ri funane, ngauri lufuno lu bva ha Mudzimu; a re na lufuno o bebwa nga Mudzimu, u ḓivha Mudzimu.