1 JOHANISI 2:3 - BIVHILI KHETHWA Mafhungo Madifha

³ Arali ra tevhedza ndaela dzawe ndi hone ri na ngoho ya uri ri a mu ḓivha.

1 JOHANISI 2:3 Iomraidhean Croise

DZIPHISALEMA 119:32

U nnyengedza ṱhalukanyo; ndi ḓo tevhedza milayo yau nga mbilu yoṱhe.

DZIPHISALEMA 119:6

Arali milayo yau nda i dzhiela nzhele, ndi hone ndi sa ḓo shona.

YESAYA 53:11

U ḓo ri o tambudzwa zwingafhongafho a dovha a vhona tshedza, a pfufhelwa u tambula hawe. Muṋe washu a tshi mu amba u ri, “Muḓinḓa wanga u ḓivha zwine nda funa; vhunga Ene a si na tshe a tshinya u ḓo vha tshipfumelo tsha vhutshinyi ha vhanzhi, a ḓihwesa milandu yavho.

LUKASI 6:46

“Khezwi ni tshi ri ni tshi amba na Nṋe na sokou ri ‘Muṋe washu! Muṋe washu!’ ngeno ni sa iti zwine nda amba?

JOHANISI 14:15

“Arali ni tshi mpfuna ni ḓo ita zwine nda ni laya.

JOHANISI 15:10

Arali ni tshi tevhedza ndaela dzanga ndi ḓo ḓi dzula ndi tshi ni funa, zwa nga Nṋe ndo tevhedza ndaela dza Khotsi anga, a ḓi dzula a tshi mpfuna.

JOHANISI 15:14

Khonani dzanga ndi inwi arali ni tshi ita zwine nda ni laya.

JOHANISI 17:3

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

VHAHEBERU 5:9

Musi o no khunyeledza zwe a ḓela zwone, a vho vha Ene mudzi wa u tshidzwa hu sa gumi ha vhoṱhe vhane vha mu pfa,

1 JOHANISI 2:13

Inwi vhokhotsi, ndi khou ni ṅwalela, ngauri ni ḓivha a re hone u bva mathomoni. Inwi vhaswa, ndi khou ni ṅwalela ngauri no kunda Muvhi.

1 JOHANISI 3:14

Zwine ra ḓivha ngazwo uri ro no ḓi bva lufuni ra rathela vhutshiloni ndi nge ra funa vhatendi nga riṋe. A sa funi mutendi ngae u tshee lufuni.

1 JOHANISI 3:19

Ndi zwone zwine ra ḓivha ngazwo uri ri vha ngoho, ra rudza mbilu phanḓa ha Mudzimu

1 JOHANISI 3:6

Zwenezwo ane a tshila e muthihi nae ha tsha endela u tshinya. Ane a endela u tshinya ha athu mu vhona, na u mu ḓivha ha athu mu ḓivha.

1 JOHANISI 4:13

Asizwi zwine ra ḓivha ngazwo uri ri dzula ri vhathihi nae na uri Ene u na riṋe: o ri kovhela Muya wawe.

1 JOHANISI 4:7

Vhafunwa, kha ri funane, ngauri lufuno lu bva ha Mudzimu; a re na lufuno o bebwa nga Mudzimu, u ḓivha Mudzimu.

1 JOHANISI 5:19

Riṋe ri ḓivha uri ri vha Mudzimu na uri shango ḽoṱhe ḽo thubiwa nga Muvhi.

1 JOHANISI 5:2

Zwenezwo arali ri tshi funa Mudzimu ra tevhedza ndaela dzawe, na vhana vhawe ri a vha funa.

1 JOHANISI 5:3

U funa Mudzimu zwi amba u tevhedza ndaela dzawe; nahone ndaela dzawe a dzi konḓi,

NZUMBULULO 12:17

Ḓiragoni ḽone ḽa sinyutshela uyo mufumakadzi, ḽa yo lwa na vhana vhawe vhoṱhe vho salaho vhane vha tevhedza ndaela dza Mudzimu vha nambatela zwe Yesu a ṱanzilela.

NZUMBULULO 14:12

Ndi hone-ha hune ha ṱoḓea uri vhakhethwa vha Mudzimu vha konḓelele. Ndi vhane vha vhulunga ndaela dza Mudzimu vha dzula vha tshi tevhela Yesu nga u fulufhedzea.

NZUMBULULO 22:14

“Mashudu ane a kuvha nguvho dzawe dza sala dzi si na tshika. Onoyo u ḓo vha na pfanelo ya u ḽa muri u ṋeaho vhutshilo na u dzhena muḓini uyo nga khoro.