1 JOHANISI 2:1 - BIVHILI KHETHWA Mafhungo Madifha

¹ Vhananga, ndi khou ni ṅwalela haya uri ni si tshinye. Hone arali muṅwe a nga tshinya, a ḓivhe uri ri na mupfumeleli ha Khotsi; ndi Yesu Khristo, Ene a sa khakhi.

1 JOHANISI 2:1 Iomraidhean Croise

DZIPHISALEMA 4:4

Na u sinyuwa háṋu, ni songo tshinya. Na musi ni malaloni, tshi vhe tshilomondundundu.

ESEKIELE 3:21

Huno arali wa kaidza muvhuya a si tshinye, ene a ḓiilisa vhutshinyi, vhukuma u ḓo tshila nge a kaidzwa, na iwe-vho wa vha wo ḓitshidza.”

ZAKARIA 9:9

Iwe ṅwananyana Tsioni, pembela nga mbilu yoṱhe! Iwe ṅwananyana Jerusalema, itou ṱavha mukosi nga dakalo! Khosi yau i khou ḓa ha iwe, i ḓa na gundo nga u fulufhedzea ha Mudzimu, i na vhulenda, a yo ngo namela meila, yo namela donngi mbelesa ya khosi.

LUKASI 10:22

“Zwithu zwoṱhe Khotsi anga o zwi kumedza Nṋe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Ene Murwa a takalela u mu dzumbululela.”

JOHANISI 13:33

Vhananga, ndi kha ḓi tou vha na inwi tshifhinga tshiṱukuṱuku. Ni ḓo nṱoḓa, hone zwiḽa zwe nda vhudza Majuda ndi vhudza na inwi ndi ri, ‘Hune nda ya hone inwi ni nga si ntevhele.’

JOHANISI 14:16

Nṋe ndi ḓo humbela Khotsi anga, Ene u ḓo ni ṋea Mutiki muṅwe ane a sa ḓo ni ṱutshela lini na lini.

JOHANISI 14:6

Yesu a mu fhindula a ri, “Nḓila ndi Nṋe; ndi Nṋe ngoho; ndi Nṋe vhutshilo; a hu na ane a nga swika ha Mudzimu Khotsi arali a songo dzhena nga Nṋe.

JOHANISI 21:5

Yesu a amba navho a ri, “Vha hashu, ni na tshe na fasha?” Vhone vha fhindula vha ri, “A ri na!”

JOHANISI 5:14

Ngavhuya Yesu a ṱangana nae thembeleni, a mu vhudza a ri, “Vhonani zwino no fhola, ni mbo ḓi laṱa vhutshinyi haṋu uri ni sa vho ḓo ḓelwa nga zwi fhiraho zwiḽa.”

JOHANISI 5:36

Huno-ha Nṋe ndi na vhuṱanzi vhune ha fhira ha Johanisi: Mishumo ine nda ita ndi tshi khunyeledza zwe nda laedzwa nga Khotsi anga, ndi yone i nṱanzilelaho ya sumbedza uri ndi Ene o nthumaho.

JOHANISI 6:27

Matsina ni songo lusa u wana zwiḽiwa zwine zwa sina; lusani u wana zwiḽiwa zwi sa sini, zwi tshidzaho muthu tshoṱhe. Zwenezwo zwiḽiwa ni ḓo ṋewa nga Mubebwa-nga-muthu, ngauri ndi Ene we Khotsi a re Ene Mudzimu a mu hwesa maanḓa a u zwi ita.”

JOHANISI 8:11

Uyo musadzi a fhindula a ri, “A hu tshee na na muthihi Muṋe wanga.” Yesu a ri, “Na Nṋe a thi vha haṱuli. Kha vha tshimbile zwavho, hone u bva zwino vha laṱe vhutshinyi havho.”]

MISHUMO 7:52

Ndi ufhio muporofita we vhomakhulukuku waṋu vha si mu tovhole? Hufha vho ḓi vhulaha na vhaḓinḓa vha Mudzimu vhe zwiḽa kale-kale vha ḓa u ḓivhadza u ḓa ha Muḓinḓa wawe muvhuya! Zwino inwi no tou fheṱa Ene muṋe vhukuma na mu vhulaha!

VHAROMA 5:10

Arali ro pfumedzanywa na Mudzimu nga u fa ha Murwa wawe zwiḽa ri tshee maswina awe, zwino ró no pfumedzanywa ri nga kundwa hani u tshidzwa nga u tshila hawe?

VHAROMA 6:15

Zwino ró no bva dangani ḽa Mulayo, ró no dzhena dangani ḽa tshilidzi, ri a tshinya zwashu na? Na kathihi!

VHAROMA 8:34

Ndi nnyi ane a vha laṱa? Hufha Khristo Yesu o fa; hufha na u vuwa o vuwa; hufha e thungo ya tshanḓa tshauḽa tsha Mudzimu a tshi khou ḓi ri pfumelela.

1 VHAKORINTA 15:34

Dzivhuluwani ni laṱe vhutshinyi haṋu. A si u shonisa hazwo vhaṅwe vhaṋu vha sa ḓivhi Mudzimu!

2 VHAKORINTA 5:21

Khristo o vha a si na vhutshinyi, naho zwo ralo Mudzimu a ita uri a nge mutshinyi, uri riṋe ri pfumelelwe nga u itwa vhathihi nae.

VHAGALATA 4:19

Vhananga, nṋe ndi pfa vhuṱungu sa mme ane a khou ni beba, nahone vhuṱungu uho vhu nga si fhele Khristo a sa athu vhonala vhutshiloni haṋu.

VHAEFESA 2:18

Ndi Ene ane a vho ri swikisa ha Khotsi nga Muya onoyo muthihi.

VHAEFESA 4:26

Arali na tshenuwa no sinyuwa ni vhone mbiti dzaṋu dzi sa ḓo ni khakhisa, nahone ḽi songo vhuya ḽa kovhela ni tshee no sinyuwa,

1 TIMOTI 2:5

Hafhu ni ḓivhe uri Mudzimu ndi muthihi, na Mupfumedzanyi wa Mudzimu na vhathu ndi muthihi, ndi muthu Khristo Yesu.

1 TIMOTI 3:14

Naho ndo lavhelela u ḓa ngeo hu si kale, litshani ndi ni ṅwalele haya mafhungo

VHAHEBERU 9:24

Hafhu Khristo ho ngo dzhena hukhethwa ho fhaṱwaho nga vhathu, hune ha tou vha tshiga zwatsho tsha zwa vhukuma, o tou dzhena henengei ṱaḓulu uri a kone u ri imelela ha Mudzimu zwino.

JAKOPO 1:27

Vhurabeli vhune Mudzimu Khotsi ashu a vhona vhu vhurabeli vhukuma vhu sa solisei ndi u londola tsiwana na tshilikadzi vha tambulaho, wa ḓilondota wa si tende u kumadzwa nga zwa shango.

JAKOPO 3:9

Ndi lwone lune ra renda ngalwo Muṋe wa zwoṱhe Khotsi ashu, ra dovha ra teketela ngalwo vhathu vhe Mudzimu a vha sika a tshi ḓifanyisa,

1 PITROSI 2:22

Ene “ha na tshe a tshinya, ho ngo vhuya a fhura muthu.”

1 PITROSI 3:18

Khristo na Ene o fela vhutshinyi haṋu kathihi fhedzi zwa vha zwo fhela, Ene muvhuya a fela vha si vhavhuya uri a kone u ni swikisa ha Mudzimu. U vhulawa o vhulawa sa muthu wa ṋama, hone a dovha a vuswa lwa muya.

1 JOHANISI 3:18

Vhananga, lufuno lwashu lu songo vha lwa u sokou amba fhedzi, kha lu vhe lwa vhukuma, lu vhonalaho nga zwiito.

1 JOHANISI 3:5

Hufha ni tshi ḓivha uri Khristo a tshi ḓa o ḓela u hwala vhutshinyi ha vhathu. Ene ha tshinyi.

1 JOHANISI 3:7

Vhananga, ni songo tenda u fhurwa nga muthu na muthihi. Ane a ita zwine Mudzimu a funa ndi muvhuya, unga Khristo e muvhuya.

1 JOHANISI 4:4

Hone inwi vhananga ni vha Mudzimu. No no ḓi kunda vhaporofita vha khole-khole ngauri Mudzimu u na inwi; u na maanḓa a no fhira a Muvhi a re kha vha shango ḽino.

1 JOHANISI 5:17

Vhuvhi hoṱhe ndi u tshinya, hone hu ḓi vha na u tshinya ha u sa tou isa lufuni.

1 JOHANISI 5:21

Vhananga, ilani zwa midzimu nandi!

3 JOHANISI 1:4

Tshi nthudzaho mbilu u fhira zwoṱhe ndi u pfa uri vhana vhanga vho ima ngohoni.