1 JOHANISI 1:3 - BIVHILI KHETHWA Mafhungo Madifha

³ Ndi zwone, zwe ra zwi vhona ra zwi pfa ri zwi ḓivhadza-vho na inwi, uri na inwi ni vhe vhathihi na riṋe; iṱali roṱhe ro no vha vhathihi na Khotsi na Murwa wawe Yesu Khristo.

1 JOHANISI 1:3 Iomraidhean Croise

JOBO 13:1

Zwoṱhe zwine na amba ndo no ḓi zwi vhona, ndo no ḓi zwi pfa, ndo no ḓi zwi ṱalukanya.

DZIPHISALEMA 2:7

Litshani ndi ni vhudze zwe Muṋe washu a vhofha: O amba na nṋe a ri, “Iwe u murwa wanga, ndo u beba ṋamusi ḽino.

DZIPHISALEMA 22:22

Vha hashu ndi ḓo vha anetshela zwe wa nnyitela; ndi ḓo u renda tshivhidzo tsho kuvhangana.

YESAYA 66:19

Ndi ḓo vha vhetshela tshiga, vhaṅwe vhane vha sala u fa ndi ḓo vha ruma dzitshakhani, vha ya Tharashishi, Phuthi, Lidia, Meshekhe, Thubala, Giriki, na mashangoni a kule kha vha sa athu pfa bvumo ḽanga kana vha vhona vhugala hanga, vha ḓivhadza dzitshakha vhugala hanga.

NUMERI 10:32

Arali na ṱuwa na riṋe, mashudu oṱhe ane Muṋe washu a ri ṋea a ḓo vha aṋu-vho.”

JOHANISI 17:11

Zwino Nṋe a thi tsheeho fhano shangoni, ndi khou ḓa ha Iwe, ngeno vhone vha tshee fhano shangoni. Khotsi Mukhethwa, vha tsireledze vha dzule vho nambatela dzina ḽau, ḽeneḽi ḽe na Nṋe wa mpha ḽone, uri vha vhe tshithu tshithihi unga Nṋe na Iwe ri tshithu tshithihi.

JOHANISI 17:21

Ndi humbela uri vhoṱhe vha vhe tshithu tshithihi. Khotsi anga, kha vha vhe vhathihi na riṋe u ḓi nga Iwe u kha Nṋe, Nṋe ndi kha Iwe. Kha vha vhe tshithu tshithihi uri shango ḽi kone u tenda uri ndo rumiwa nga Iwe.

JOHANISI 17:25

Khotsi muvhuya, shango a ḽi u ḓivhi, hone Nṋe ndi a u ḓivha, na avha vha a zwi ḓivha uri ndi Iwe wo nthumaho.

JOHANISI 17:3

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

JOHANISI 19:35

Ṱhanzi ya zwithu izwi ndi muthu we a tou zwi vhona nga maṱo. Zwino u khou zwi ṱanzilela uri na inwi ni tende. Zwe a amba ndi ngoho, nahone u tou zwi ḓivha uri u amba ngoho.

MISHUMO 13:32

Na riṋe ro ni ḓisela mafhungo a takadzaho: Zwiḽa zwe Mudzimu a fulufhedzisa vhomakhulukuku washu,

MISHUMO 13:41

“ ‘Hee inwi vhadzialunyadzo, kanukani ni lovhe, zwine nda khou ita nga tshifhinga tshaṋu, ndi zwine naho muthu a nga tou ni ṱalutshedza na sa ḓo vhuya na zwi tenda!’ ”

MISHUMO 2:42

Vha dzula vha tshi funzwa nga vhaapostola, vhe tshithu tshithihi, vha tshi ḽa vhoṱhe Tshilalelo, vha tshi rabela.

MISHUMO 20:27

ngauri nṋe a hu na tshe nda ni dzumbela ndi tshi ḓivhadza zwe Mudzimu a dzula o dzudzanya.

MISHUMO 4:20

A vha riṋe a ri koni u dzumba zwe ra zwi vhona na zwe ra zwi pfa.”

VHAROMA 15:27

Vhone vho ḽi vhofha nga vhoṱhe, nahone ndi pfanelo ya uri vha vhavhalele-vho avho vhashai, ngauri Majuda vho kovhela vhannḓa zwa muya, zwenezwo na vhannḓa vha fanela u tonda-vho Majuda nga zwa u fusha muvhili.

1 VHAKORINTA 1:30

Hone inwi Mudzimu o ni ita vhathihi na Khristo Yesu, we a mu ita vhuṱali hashu, ngauri ndi Ene vhuvhuya hashu na vhukhethwa hashu na u rengululwa hashu.

1 VHAKORINTA 1:9

Mudzimu o ni vhidzelaho u vha vhathihi na Murwa wawe Muṋe washu Yesu Khristo, u a fulufhedzea.

1 VHAKORINTA 15:1

Vha hashu, ndi ni humbudza mafhungo maḓifha aḽa e nda ni ḓivhadza, inwi na a ṱanganedza na tou ima khao no khwaṱha.

VHAEFESA 3:6

Tshiphiri tshine nda amba khetshi: mafhungo maḓifha a ita uri na vhannḓa vha vhe vhathihi na Khristo, vha wane-vho mukovhe wa ifa, vha vhe miraḓo ya muvhili wa Khristo, vha kovhekane-vho na Majuda zwoṱhe zwe Mudzimu a fulufhedzisa.

VHAFILIPI 1:7

A thi ni hangwi, nahone ndi vhona zwo fanela ndi sa hangwi na muthihi waṋu, ngauri ro kovhekana roṱhe hei mpho ye Mudzimu a mpha. Ri khazwo roṱhe naho zwino ndi dzhele; na musi ndi tshi sengiselwa mafhungo maḓifha nda khwaṱhisa uri ndi mafhungo a ngoho, ro ḓi vha khazwo roṱhe.

VHAFILIPI 2:1

Hufha vhuthihi haṋu na Khristo vhu tshi ni khwaṱhisa, hufha ni tshi ṱuṱuwedzwa nga lufuno, hufha no konanywa nga Muya Mukhethwa, hufha ni na tshilidzi na khathutshelo,

VHAFILIPI 3:10

Tshililelwa tshanga ndi tshithihi fhedzi: ndi u ḓivha Khristo na maanḓa a u vuwa hawe vhafuni, na u kovhekana nae maṱhupho awe nda fana nae a tshi fa,

VHAKOLOSA 1:13

O ri lamulela maanḓani a swiswi a ri ḓisa muvhusoni wa Murwa wawe ane a mu funa.

1 VHATHESALONIKA 1:10

na uri zwino ni vho lindela Murwa wawe a tshi bva ṱaḓulu, Ene we Khotsi a mu vusa vhafuni, ndi amba Yesu ane a ri lamukisa kha khaṱhulo i ḓaho.

1 TIMOTI 6:2

Phuli dzine vhaṋe vhadzo vha vha vhatendi dzi songo ri u vhona dzo no vha vhathihi navho dza vho vha nyadza; avho dzi tou ṋaṋa u vha shumela, ngauri vhane vha vhuelwa kha mushumo uyo ndi vhatendi vhane dza vha funa. Funzani eneo ni tshi khwaṱhisa vhathu.

VHAHEBERU 2:12

Ndi amba fhaḽa hune a amba na Mudzimu a ri, “Ndi ḓo u ḓivhadza kha vharathu vhanga, nda u renda tshivhidzoni.”

VHAHEBERU 3:1

Vharathu vhanga, ni vhakhethwa vha Mudzimu, no vhidzelwa zwa ngei ṱaḓulu, ndi zwone, mihumbulo yaṋu kha i dzule yo livha Yesu, Ene Muḓinḓa wa Mudzimu, Tshifhe Muhulu ane ra mu ṱanzilela.

VHAHEBERU 3:14

A thi ri ri maḽaifa na Khristo, tenda ra nambatela lutendo lwashu lwe ra thoma nalwo ri sa dzinginyei u vhuya u swika vhufheloni.

1 PITROSI 5:1

Inwi vhalisa, nṋe mulisa nga inwi ane nda vha ṱhanzi ya u tambudzwa ha Khristo, ane nda ḓo ita na u kovhekana nae vhugala hawe vhune ha pfi vhu ḓo dzumbuluwa, ndi a ni ṱuṱuwedza ndi ri:

2 PITROSI 1:16

Ndi tshi ralo ndi ngauri zwiḽa ndi tshi ni ḓivhadza maanḓa a Muṋe washu Yesu Khristo na uri u ḓo vhuya, ho vha hu si u ni hanelela ngano dzo tou lukwaho nga vhathu, aiwa, vhugala hawe ro vha ro tou vhu vhona nga ashu maṱo.

1 JOHANISI 1:1

Ri ni ṅwalela nga Ipfi ḽi ri ṋeaho vhutshilo, ḽe ḽa vha ḽi hone u bva mathomoni. Ro zwi pfa nga dzashu nḓevhe, ra zwi vhona nga ashu maṱo, ra zwi sedza, ra zwi kwama nga zwanḓa zwashu.

1 JOHANISI 1:5

Zwino-ha ndaedzo ye ra pfa ngae, ine zwino ra ni ḓivhadza yone ngei: Mudzimu ndi tshedza, khae a hu na swiswi na kathihi.

1 JOHANISI 1:7

Hone arali ri tshi tshila tshedzani unga Ene e tshedzani, ndi hone ri tshi ḓo vha na vhukonani nga tshashu, malofha a Yesu Murwa wawe a ri ṱanzwa vhutshinyi hoṱhe.